07-Dec-2022

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଳକ ଅନ୍ତର୍ଗତ ଫୁଲମୁଠୀ ଠାରେ ଦୀର୍ଘ ୮ଦିନଧରି ଚାଲିଥିବା ପରମ୍ପରାର ପ୍ରତୀକ ଗୋକୁଲାଷ୍ଟମୀ ଯାତ୍ରା ମହୋତ୍ସବ ଗତକାଲି ମଙ୍ଗଳବାର ରାତିରେ ସମ୍ପନ୍ନ ହୋଇଛି ।ସ୍ଥାନୀୟ ମହୁଲଟିକ୍ରା ପଡିଆ ମଥୁରା ନଗରୀରେ ସନ୍ଧ୍ୟାରୁ ରାତି ପର୍ଯ୍ୟନ୍ତ ପୌରାଣିକ ନାଟକ ମାଧ୍ୟମରେ କଂସର ନିଖୁଣ ଅଭିନୟ ଏବଂ କୃଷ୍ଣ-ବଲରାମଙ୍କୁ ମାରିବା ପାଇଁ ଅସୁର ପ୍ରେରଣ ଦୃଶ୍ୟ ହଜାର ହଜାର ଲୋକଙ୍କୁ ବେଶ ଆକୃଷ୍ଟ କରିଥିଲା ସେହିପରି ଅନ୍ୟ ପକ୍ଷରେ ଗୋପପୁର ଆଖ୍ୟା ବହନ କରିଥିବା ଫୁଲମୁଠୀ ମାହେଶ୍ୱରୀ ମନ୍ଦିର ମଣ୍ଡପ ଏବଂ ସନ୍ଧ୍ୟାରେ ମେଲଣ ପଡ଼ିଆରେ ପ୍ରଭୁ ଶ୍ରୀକୃଷ୍ଣ ଓ ବଳରାମଙ୍କ ଲୀଳା,କଂସ ପ୍ରେରିତ ଅସୁରଙ୍କୁ ନିଧନ,ଦୋଳ ଲୀଳା,କାଳୀୟ ନାଗର ଶରଣାପନ୍ନ ଆଦି ଅନେକ ଦୃଶ୍ୟ ପ୍ରଦର୍ଶିତ ହୋଇଥିଲା । ଶେଷ ଦିନରେ ସାରା ଗୋପପୁର ବାସୀ ଭଜନ, କିର୍ତନ୍ୟର ତାଳେ ତାଳେ କୃଷ୍ଣ ବଳରାମଙ୍କୁ ଗ୍ରାମ ପରିକ୍ରମା କରିଥିଲେ ।ପ୍ରଭୁଙ୍କ କୃପା ଲାଭ ପାଇଁ ଗ୍ରାମର ପ୍ରତି ଘର ଦୁଆରେ  ଜାଗର ସହ ଦୀପ ଜଳାଇ ପ୍ରଭୁଙ୍କୁ ବନ୍ଦନା କରାଯାଇଥିଲା ।ସେହିପରି ମଥୁରା ନଗରୀ ରାଜ ଦରବାରରେ ତ୍ରିଭୁବନ ବିଜୟୀ କଂସ ଙ୍କ ନିମନ୍ତ୍ରଣ କ୍ରମେ ଚାଷୀ ନେତା ଭୀମସେନ ସାହୁ,ସଚେତନ ନାଗରିକ ପ୍ରମୋଦ ଦାଶ,ଯାତ୍ରା ମୁଖ୍ୟ ପୂଜକ ଗଣେଶରାମ ଦାଶ,ଯୁବ ସଂଗଠକ ଅନ୍ତର୍ଯ୍ୟାମୀ ପଣ୍ଡା,ଯାତ୍ରା କମିଟି ସଭାପତି ଆନନ୍ଦ କୁମାର ହୋତା,ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ,ଯୁବ ଉଦ୍ୟୋଗୀ ସୁକେଶ ସାମନ୍ତରାୟ ପ୍ରମୁଖ ରାଜକୀୟ ଅତିଥି ଭାବେ ଯୋଗଦେଇ ସାଂସ୍କୃତିକ ବାର୍ତା ପ୍ରଦାନ କରିଥିଲେ ।ସେହିପରି କମିଟିର ସକ୍ରିୟ ସଦସ୍ୟ ନୀଳାମ୍ବର ସାହୁଙ୍କ ସଂଯୋଜନା ଓ ମହାରାଜାଙ୍କ ନିର୍ଦ୍ଦେଶ କ୍ରମେ ଯାତ୍ରା ମହୋତ୍ସବ ପରିଚାଳନାରେ ବିଭିନ୍ନ ବିଭାଗରେ ନିର୍ଭୀକ ଦାୟିତ୍ଵ ସମ୍ପାଦନ କରିଥିବା କମିଟିର ରାଜା ମିଶ୍ର,ଦୀପ୍ତିକାନ୍ତ କର୍ଣ୍ଣ,ଜଗତଜୀବନ ଦାଶ,ସଞ୍ଜୀବ ମେହେର,ପ୍ରକାଶ ରଥ,ସୁଧୀର ପଣ୍ଡା,ଜୁବୁଲି ପଣ୍ଡା,ନିରଞ୍ଜନ ସାହୁ,ଦେବଦତ୍ତ ମିଶ୍ର,ଶିବ ନାଏକ,ପ୍ରମେ ରଣା,ପଙ୍କଜ ସାହୁ,ଗଜାନନ ପୁଟେଲ,ସୁରୁବାବୁ ସ୍ୱାଇଁ,ମୁନୁକୁ ନାଏକ,ବିକାଶ ନାଏକ,ସଞ୍ଜୟ ମେହେର,ପଦ୍ମଲୋଚନ ସାହୁ,ରଂଜନ ନାଏକ,ଦଶରଥ ମେହେର,ସାମ୍ବାଦିକ ଶାନ୍ତନୁ ପଣ୍ଡା,ଗାଡ଼ି ଚାଲକ ସଂଘର କର୍ମକର୍ତ୍ତାଙ୍କ ସହ ଦରବାରରେ  ନାଚ,ଗୀତ ପରିବେଷଣ କରିଥିବା କଳା ପ୍ରତିଭା ମାନଙ୍କୁ ସମ୍ମାନିତ କରାଯାଇଥିଲା । ଯାତ୍ରା ମହୋତ୍ସବ ଦେଖିବା ପାଇଁ ପ୍ରତି ସନ୍ଧ୍ୟାରେ ହଜାର ହଜାର ଲୋକଙ୍କ ସମାଗମ ହୋଇଥିଲା ଶାନ୍ତି ଶୃଙ୍ଖଳା ରକ୍ଷା ଦିଗରେ କମିଟିର ସମସ୍ତ ସଦସ୍ୟ ବିଭିନ୍ନ ସ୍ଥାନରେ ରହି ସହଯୋଗ କରି ସମାପନ କରିଥିବାରୁ କମିଟି ସଭାପତି ଆନନ୍ଦ ହୋତା କଂସ ଦରବାରରୁ ସମସ୍ତଙ୍କୁ ଧନ୍ୟବାଦ ଜଣାଇଥିଲେ ।