02-Dec-2020

ବ୍ରହ୍ମପୁର(ଦୀପକ କୁମାର ଷଡଙ୍ଗୀଙ୍କ ରିପୋର୍ଟ)- ବ୍ରହ୍ମପୁର ଜିଲ୍ଲା କୁକୁଡାଖଣ୍ଡି ବ୍ଲକ ଅନ୍ତର୍ଗତ ମହୁଡ଼ା ପଞ୍ଚାୟତ l   ପ୍ରଶାସନର ସୂଚନା ମୁତାବକ ଆଜି ରାତିରେ ଉକ୍ତ ଗ୍ରାମର ଜଣେ 13 ବର୍ଷର ନାବାଳିକାର ବାହାଘର ଉକ୍ତ ଗ୍ରାମର ଜଣେ ଯୁବକ ସହିତ ଆୟୋଜିତ ହେବାର କାର୍ଯ୍ୟକ୍ରମ ଥିଲା  ଏବଂ ପାଖାପାଖି 1000 ଲୋକଙ୍କ ନିମନ୍ତେ ଏକ ନୈଶ୍ଯ ଭୋଜିର ମଧ୍ୟ ଆୟୋଜନ କରିଥିଲେ ପରିବାର ବର୍ଗ l କୌଣସି ସୂତ୍ରରୁ ଖବର ପାଇଁ ସଦରଥାନା ପୋଲିସ ସହାୟତାରେ କୁକୁଡାଖଣ୍ଡି ସମନ୍ୱିତ ଶିଶୁ ବିକାଶ ଯୋଜନା ଅତିରିକ୍ତ ଦାୟିତ୍ୱରେ ଥିବା କୁକୁଡାଖଣ୍ଡି ତହସିଲଦାର ଡ଼ଃ.ଇପ୍ସିତା ପ୍ରିୟଦର୍ଶିନୀ ମିଶ୍ର ସ୍ଥାନୀୟ ଅଙ୍ଗନବାଡି ସୁପେରଭାଇଜର ଓ ଅଙ୍ଗନବାଡି କର୍ମୀଙ୍କୁ ନେଇ ଉକ୍ତ ବାସଗୃହ ଉପରେ ଚଢ଼ାଉ କରିଥିଲେ ଏବଂ ନାବାଳିକା ଜଣଙ୍କୁ ଉକ୍ତ ସ୍ଥାନରୁ ଉଦ୍ଧାର କରିଥିଲେ I କରୋନା କଟକଣାକୁ ଅବମାନନା କରି ଭୋଜି ଆୟୋଜନ କରାଯାଇଥିବା କାରଣରୁ ଭୋଜି ବନ୍ଦ କରାଯାଇଥିବା ବେଳେ ପୋଲିସ ଓ ପ୍ରଶାସନିକ ଅଧିକାରୀଙ୍କୁ ଦେଖି ଘଟଣା ସ୍ଥଳରୁ  ବର ସମେତ ବରର ପରିବାର ବର୍ଗ ଫେରାର ହୋଇଥିବା ସୂଚନା ମିଳିଛି I