29-Nov-2022

ବଲାଙ୍ଗିର (ପ୍ରେରଣା ଖବର) ଗତ ରାତ୍ରି ରେ ବଲାଙ୍ଗୀର ଜିଲ୍ଲାର ରାଜାମୁରା ଗାଁ ଠାରେ ମହୁମାଛି ଆକ୍ରମଣରେ ବଲାଙ୍ଗୀର ହସ୍ପିଟାଲରେ ନାବାଳକ ମୃତ  ଏକ ଅଭାବନୀୟ ଘଟଣା ଘଟିଛି ବଲାଙ୍ଗିର ଜିଲ୍ଲା କଣ୍ଟାବାଜିଂ ଥାନା ରଜାମରା ଗାଁରେ । ମୃତ ନାବାଳକ ଜଣକ ହେଉଛନ୍ତି ରଜାମରା ଗାଁର ପିଙ୍କୁ ରଣାଙ୍କ ୧୩ ବର୍ଷୀୟ ଗୌରୀଶଂକର ରଣା । ଗୌରୀଶଂକର ଆଜି ସଂନ୍ଧ୍ୟାରେ ବିଳକୁ ଯାଇଥିଲେ । ସେଠାରେ ଏକ ମହୁଲ ଗଛ ଥିବା ମହୁଫେଣାକୁ ଢେଲା ମାରିଥିଲେ ଗୋରୀ । ହଠାତ ମହୁମାଛି ମାନେ ଆସି ଗୌରୀଶଂକରକୁ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ ତାଙ୍କୁ ପରିବାର ଲୋକେ ଉଦ୍ଧାର କରି ପ୍ରଥମେ କଣ୍ଟାବାଜିଂ ହସପିଟାଲରେ ଭର୍ତ୍ତି କରିଥିଲେ । ଅବସ୍ଥା ଗୁରୁତର ହେବାରୁ କଣ୍ଟାବାଜିଂରୁ ଗୌରୀଶଂକରକୁ ଆଣି ବଲାଙ୍ଗିର ଭୀମଭୋଇ ମେଡିକାଲ କଲେଜ ହସପିଟାଲରେ ଭର୍ତ୍ତି କରିଥିଲେ । ଚିକିତ୍ସାଧିନ ଅବସ୍ଥାରେ ଗୌରୀଶଂକରଙ୍କର ମୃତ୍ୟୁ ହୋଇଛି । ଆଜି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି ହସପିଟାଲ ଫାଣ୍ଡି ପୋଲିସ ।  ମହୁମାଛି ଆକ୍ରମଣରେ ଅକାଳରେ ଝଡିଯାଇଛି ଏକ ନିଷ୍ପାପ ଜୀବନ ॥ ଘଟଣାକୁ ନେଇ ରଜାମରା ଗାଁରେ ଶୋକର ଛାୟା ଖେଲିଯାଇଛି ।