29-Nov-2022

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକର ଲୋକକଳା ଗ୍ରାମ ଭାବେ ପରିଚିତ କର୍ତ୍ତଙ୍ଗ ଗ୍ରାମର ଗ୍ରାମ୍ୟ ଜଙ୍ଗଲ ଓ ଗୋଚର ଜମିକୁ ସେଲେଡ଼ି ରାଜସ୍ବ ଅଧିକାରୀ ଓ ସ୍ଥାନୀୟ ଫରେଷ୍ଟର ବିଭାଗର କେତେକ କର୍ମଚାରୀ ଚାଷୀଙ୍କୁ ଠିକା ଲଗାଇ ଧାନ ଚାଷ କରି ଟଙ୍କା ଆଦାୟ କରୁଥିବାରୁ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ପ୍ରତିବାଦରେ ଆଜି ସୋମବାର ଗ୍ରାମର ଶତାଧିକ ଲୋକ ସ୍ଥାନୀୟ କର୍ତଙ୍ଗ-ସଶାମୁରା ଛକ ଠାରେ ବିନିକା-ସୋନପୁର ରାଜପଥକୁ ଅବରୋଧ କରିଛନ୍ତି ।ସକାଳ ପ୍ରାୟ ୭ଘଣ୍ଟା ସମୟରୁ ଚାଲିଥିବା ରାସ୍ତା ରୋକ ଆନ୍ଦୋଳନ ଯୋଗୁଁ ରାସ୍ତାର ଉଭୟ ପାର୍ଶ୍ବରେ ହଜାର ହଜାର ସଂଖ୍ୟାରେ ଗାଡିମଟର ଅଟକି ରହିଛି ।ଆନ୍ଦୋଳନ ଚାଲିବାର ସକାଳ ୭ଘଣ୍ଟା ପର ଠାରୁ ସୁବର୍ଣ୍ଣପୁର ଏ‌ସଡିପିଓ ପୁଷ୍ପାଞ୍ଜଳି ମିଞ୍ଜ ଏବଂ ବିନିକା ପୋଲିସ ଷ୍ଟାଫ ଘଟଣାସ୍ଥଳରେ ପହଂଚି ଆନ୍ଦୋଳନକାରୀଙ୍କ ସହିତ ଆଲୋଚନା କରି ଥିଲେହେଁ ସେମାନେ ଜିଦରେ ଅଟଲ ରହିଛନ୍ତି ।ଘଟଣା ସ୍ଥଳକୁ ବିନିକା ତହସିଲଦାର ପହଂଚି ଲିଖିତ ପ୍ରତିଶ୍ରୁତି ଦେଲେ ଯାଇ ଆନ୍ଦୋଳନରୁ ହଟିବେ ବୋଲି ସୂଚନା ଦେଇଛନ୍ତି ।