29-Nov-2022

ରେଙ୍ଗାଲି,(ସଂଜୀବ ପାଣିଗ୍ରାହୀ
:ସମ୍ବଲପୁର ରେଙ୍ଗାଲି ନିକଟସ୍ଥ କେଉଁଟଡିହି ଠାରେ ଥିବା ସହାୟତା ବୃଦ୍ଧାଶ୍ରମର ପ୍ରତିଷ୍ଠା ଦିବସ ପାଳିତ ହୋଇଯାଇଛି I ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ଆଶ୍ରମ ପରିଚାଳନା କମିଟିର ସଭାପତି ହରିହର ନାଥ ସଭାପତିତ୍ବ କରିଥିଲେ। ଶିକ୍ଷାବିତ୍ ମୁକୁନ୍ଦ ମିଶ୍ର ପ୍ରାରମ୍ଭିକ ସୂଚନା ଏବଂ ଅତିଥି ପରିଚୟ ପ୍ରଦାନ କରିଥିଲେ। ଆଶ୍ରମର ସଂସ୍ଥାପକ ସମାଜସେବୀ ଶଶିଭୂଷଣ ସାହୁ ସ୍ବାଗତ ଭାଷଣ ଦେବା ସହିତ ବିବରଣୀ ପାଠ କରିଥିଲେ। ଉପ-ସଭାପତି ତିଳକ ବାଗ ଆଶ୍ରମ ପରିଚାଳନା ସଂକ୍ରାନ୍ତରେ ବକ୍ତବ୍ୟ ରଖିଥିଲେ। ଏହି ଅବସରରେ ଆଶ୍ରମର କାର୍ଯ୍ୟକାରୀ ସଭାପତି ହିମାଂଶୁ ଶେଖର ମିଶ୍ରଙ୍କ ସଂଯୋଜନାରେ ଆଶ୍ରମ ପରିଚାଳନାରେ ସାହାଯ୍ୟ ସହଯୋଗ କରୁଥିବା ଡା.ଅଭିଜିତ ଶର୍ମା, ତିଳକ ବାଗ, ଶମ୍ଭୁ ଅଗ୍ରୱାଲା, ନିକୁଞ୍ଜ ବାବୁ, ସୁଧିର ଭାଇ ପଟେଲ ପ୍ରମୁଖ ବଦାନ୍ୟ  ବ୍ୟକ୍ତିଙ୍କୁ ଅଙ୍ଗବସ୍ତ୍ର  ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ଆଶ୍ରମର ସମ୍ପାଦକ ଯତୀନ୍ଦ୍ର ସାହୁ, ଉପ-ସଭାପତି ଶିଶିର ସାହୁ, କୋଷାଧ୍ୟକ୍ଷ ଗୋବର୍ଦ୍ଧନ ବାରିକ, ନରେଶ ମାହାଣା, ସଂଯୋଜକ ସୁବ୍ରତ ପାଢି, ଅଚ୍ୟୁତାନନ୍ଦ ପାଢି, ନନ୍ଦଲାଲ ବିଶ୍ବାଳ, ତ୍ରିଲୋଚନ ବେରିହା, ଦେବବ୍ରତ ମିଶ୍ର ପ୍ରମୁଖ କାର୍ଯ୍ୟକ୍ରମ ଆୟୋଜନ ଏବଂ ପରିଚାଳନାରେ ସହଯୋଗ କରିଥିଲେ।