26-Nov-2022

ସୁନାବେଡ଼ା ସ୍ଥିତ ମହିଳା ମହାବିଦ୍ୟାଳୟ ଠାରେ ଶନିବାର ପୂର୍ବାହ୍ନରେ ସାମ୍ବିଧାନ ଦିବସ ପାଳନ ହେଇଅଛି । ଏଥିରେ ମହାବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ଉଷାରାଣୀ ଦାସ ସମସ୍ତ ବିଦ୍ୟାର୍ଥି ତଥା କର୍ମଚାରୀ ମାନଙ୍କୁ ପ୍ରସ୍ଥାବନାର ଶପଥପାଠ କରାଇବା ସହ ପ୍ରକୃତ ସମାନତା ଓ ସ୍ୱାଧୀନତାର କାର୍ଯ୍ୟକାରିତା ଏବଂ ସମ୍ବିଧାନ ପ୍ରଣେତା ମାନଙ୍କ ମୂଳଲକ୍ଷ ବିଷୟରେ ଆଲୋଚନା କରିଥିଲେ । ଅଧ୍ୟାପକ ଡ଼. ବାସୁଦେବ ସାହୁ ସମ୍ବିଧାନର କାର୍ଯ୍ୟକାରିତାରେ ଭାରତୀୟ ଐତିହ୍ୟ ଓ ସଂସ୍କୃତି ଏବଂ ସମ୍ବିଧାନର ସମ୍ପର୍କ ଉପରେ ଗୁରୁତ୍ତ୍ୱାରୋପ କରି ମତ ଉପସ୍ଥାପନ କରିଥିଲେ । ଜାତିୟ ସେବା ସଂସ୍ଥା ଅଧିକାରୀ ଶ୍ରୀମତୀ ସରିତା ପରିଡ଼ା ସ୍ୱାଗତ ଅଭିଭାଷଣ ପ୍ରଦାନ କରିଥିଲେ ।  କୃତିଛାତ୍ରୀ ଲକ୍ଷ୍ମିପ୍ରିୟା ,ରୋସନୀ, ସରସ୍ୱତୀ ,ପ୍ରିୟଙ୍କା, ଅପଋପା, ମନିଷା ତଥା କୁସୁମା ନିଜସ୍ୱ ପ୍ରତିକ୍ରିୟାମାନ ଉପସ୍ଥାପନ କରିଥିଲେ । କାର୍ଯ୍ୟକ୍ରମର ସୁପରିଚାଳନା ନିମନ୍ତେ  ଡେମୋନଷ୍ଟ୍ରେଟର ଲକ୍ଷ୍ମିପ୍ରିୟା ଚୌଧୁରୀ, ଗ୍ରନ୍ଥାଗାରିକ ପ୍ରହଲ୍ଲାଦ ପ୍ରଧାନ ତଥା ଅନ୍ୟାନ୍ୟ କର୍ମଚାରୀଗଣ ସହଯୋଗ କରିଥିଲେ । ସଭା ଶେଷରେ ଜୁନିୟର ରେଡ଼କ୍ରସ୍ କାଉନସିଲର ଶୁଭଶ୍ରୀ ପରିଡ଼ା ଧନ୍ୟବାଦ ଅର୍ପଣ କରିଥିଲେ ।