02-Dec-2020

ସମ୍ବଲପୁର,(ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): ଶାସନ ଥାନା ପରଧିଆପାଲି ଗ୍ରାମର ଚାଷୀ ଉପେନ୍ଦ୍ର ପ୍ରଧାନ ଛତରଗଡା଼  ମୌଜାରେ ଥିବା ୧ ଏକର ଜମିରେ ଧାନ ଚାଷ କରିଥିଲେ। ଆଜି ସକାଳୁ ଏକ ହାରଵେଷ୍ଟର ଧରି ଧାନ କାଟି ବାକୁ ଯିବା ବେଳକୁ ଉକ୍ତ ଜମିରେ ନିଆଁ ଲାଗି ଏହି ୧ ଏକର ଜମିର ଧାନ ଫସଲ ପୋଡି ପାଉଁଶ ହୋଇଯାଇଥିବା ଦେଖି ହତବାକ ହୋଇଯାଇଥିଲେ । ନିଆଁ କେମିତି ଲାଗିଲା କାରଣ ଖୋଜୁ ଖୋଜୁ ଜଣାପଡିଛି ଯେ ସର୍ଲା -ଶାସନ ରେଳ ଲାଇନ କଡରେ ମରାମତି କାମ କରୁଥିଲେ ଜଣେ ରେଲୱେ ଠିକାଦାର l ଗତ ଶୁକ୍ରବାର ଦିନ ନିଆଁ ଲଗାଇ ପଳାଇ ଯାଇଥିଲେ l ତେବେ ନିଆଁ ନିକଟସ୍ଥ ଉପେନ୍ଦ୍ର ପ୍ରଧାନଙ୍କ ଅମଳକ୍ଷମ ଧାନ କ୍ଷେତରେ ଲାଗି ଯାଇଥିଲା l ତେବେ ରେଲୱେ ଠିକାଦାରଙ୍କ ବେପରୁଆ ମନୋଭାବ ଯୋଗୁଁ ଧାନ ଫସଲ ପୋଡି ନଷ୍ଟ ହୋଇଥିବା ଅଭିଯୋଗ ହୋଇଛି l ଏ ସଂକ୍ରାନ୍ତରେ ଶାସନ ଥାନାରେ ଚାଷୀ ଉପେନ୍ଦ୍ର ପ୍ରଧାନଙ୍କ ଅଭିଯୋଗ କ୍ରମେ ଏକ ମାମଲା ରୁଜ୍ଜୁ ହୋଇଛି l ପୋଲିସ ଘଟଣା ସ୍ଥଳକୁ ପହଞ୍ଚି ସରଜମିନ ତଦନ୍ତ କରି ଅନୁସନ୍ଧାନ ଜାରି ରଖିଥିବା ଜଣାପଡିଛି।