16-Nov-2022

ଆଜି ବଲାଙ୍ଗୀର ଜିଲ୍ଲା ବଲାଙ୍ଗୀର ବ୍ଲକ ତଥା ଲୋଇସିଂହା ଥାନା ଅନ୍ତର୍ଗତ ସକମା ପଞ୍ଚାୟତ କାର୍ଯ୍ୟାଳୟ ଠାରେ ସରପଞ୍ଚ ସଂଘର ଏକ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି l ପ୍ରଥମେ ବ୍ଲକର ସମସ୍ତ ସରପଞ୍ଚ ମାନେ ଏକ ବିଶାଳ ରାଳି ମାଧ୍ୟମରେ ଫାସଡ଼ ସରପଞ୍ଚ ଉଗ୍ରେସନ ବରାଟଙ୍କ ଘରୁ ଶୁଭାରମ୍ଭ ସହ ସମସ୍ତ ସରପଞ୍ଚଙ୍କୁ ସ୍ୱାଗତ ସମ୍ୱର୍ଦ୍ଧନା ପରେ ଫାସଡ଼ ଗ୍ରାମ ପରିଭ୍ରମଣ କରାଯାଇଥିଲା ଓ ପରେ ସକମା ଗ୍ରାମରେ ଶୋଭାଯାତ୍ରା କରି ପଂଚାୟତ ଅଫିସକୁ ପ୍ରବେଶ କରିଥିଲେ l ଏହି ସାଧାରଣ ବୈଠକରେ ବଲାଙ୍ଗିର ବ୍ଲକର

ଗୋଷ୍ଠି ଉନ୍ନୟନ ଅଧିକାରୀ ଶ୍ରୀ ପ୍ରିତମ ତନ୍ତୀ ମୁଖ୍ୟଅତିଥି ଭାବରେ ଯୋଗ ଦେଇଥିଲେ ଓ ସମ୍ମାନିତ ଅତିଥି ଭାବରେ ଗ୍ରାମ ପଞ୍ଚାୟତ ଅଧିକାରୀ ଶ୍ରୀ ଦାମୋଦର ଦାସ ଓ ଗୋଷ୍ଠୀ ସମାଜ ମଙ୍ଗଳ ଅଧିକାରୀଙ୍କ ପିଏ ଶ୍ରୀ ତରୁଣ କାନ୍ତି ପଧାନ ଯୋଗ ଦେଇଥିଲେ l ଏହି ସଭାରେ ପଞ୍ଚାୟତର ସମସ୍ତ ଗ୍ରାମର ସର୍ବାଙ୍ଗୀନ ଉନ୍ନତି କିପରି ହୋଇପାରିବ ଯେପରିକି ସ୍ୱାସ୍ଥ୍ୟ, ଶିକ୍ଷା, ରାସ୍ତା, ବିଜୁଳି, ପାଣି ଭଳି ଗୁରୁତ୍ୱପୂର୍ଣ୍ଣ ବିଷୟରେ ଆଲୋଚନା ହୋଇଥିଲା l ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନାର ଲାଭ ଲୋକଙ୍କ ପାଖରେ ପହଞ୍ଚାଇବାକୁ ସେମାନେ ପ୍ରତିଶ୍ରୁତିବଦ୍ଧ ହୋଇଥିଲେ l ଏହି କାର୍ଯ୍ୟକ୍ରମକୁ ସରପଞ୍ଚ ସଂଘର ସଭାପତି ବଳଦେବ ସାହୁ, ଉପ ସଭାପତି ଶ୍ରୀ ଉଗ୍ରେସନ ବରାଟ, ସମ୍ପାଦକ ପିଙ୍କୁ ପଟେଲ ଓ ସହ ସମ୍ପାଦକ ରମ୍ଭା ରଣା ଉପସ୍ଥିତ ରହି ଏହି ସଭାକାର୍ଯ୍ୟ ତୁଲାଇଥିଲେ l ଏହି ସଭାରେ ବ୍ଲକ୍ ସହକାରୀ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ରାମ ଦତ୍ତ ଭୋଇ,ପଞ୍ଚାୟତ କାର୍ଯ ନିର୍ବାହୀ ଅଧିକାରୀ ଶ୍ରୀ ଉପେନ୍ଦ୍ର ରଣା ଓ ବିଶ୍ବମ୍ବର ଭୋଇ ଯୋଗ ଦେଇଥିଲେ।ଏହି ବୈଠକର ସମସ୍ତ କାର୍ଯ୍ୟକ୍ରମକୁ ସକମା ସରପଞ୍ଚ ଉଗ୍ରେସନ ବରାଟ ଙ୍କ ତତ୍ବାବଧାନରେ ଅନୁଷ୍ଠିତ ହୋଇଥିଲା l ସରପଞ୍ଚ ସୁଜାତା

ରାଉତ, ଜନ୍ମଜୟା  ମେହେର, ବଳଦେବ ସାହୁ, ଶ୍ରୀୟା ସାହୁ, ନୀଳମଣି ସେଠ, ନନ୍ଦିତା କଲେତ, ପଙ୍କଜିନୀ ସାହୁ, ସୁରେନ୍ଦ୍ର ଵିଶ୍ଵାଳ, ଲକ୍ଷ୍ମୀ ନନ୍ଦ, ବୃନ୍ଦାବତୀ ବେହେରା, ସୁବାସିନୀ ଅମାତ, ରଂଜିତା ପାଣିଗ୍ରାହୀ, ବନିତା ବାରିକ, ଜୋତ୍ସନାରାଣୀ ସାହୁ, ସସ୍ମିତା ସିଂଦେଓ, ଶୁକୃ ମହାନନ୍ଦ, ରମ୍ଭା ରଣା, ଭରତ ଛତ୍ରିଆ, ପିଙ୍କୁ ପଟେଲ, କରୁଣାକର ପଟେଲ, ଅର୍ଜୁନ ସେଠ, ଶୁଭଶାନ୍ତି ମାଝୀ, କ୍ଷୀରେନ୍ଦ୍ରୀ ଶତପଥୀ, ଦନାର୍ଦନ ମହାପାତ୍ର ଆଦି ସମସ୍ତ ସରପଞ୍ଚଙ୍କ ପୂର୍ଣ୍ଣ ସହଯୋଗରେ ଉକ୍ତ କାର୍ଯ୍ୟକ୍ରମଟି ହୋଇଥିଲା l