02-Oct-2020

ବରଗଡ଼, ତା.୦୨-୧୦-୨୦୨୦: ଗାନ୍ଧୀ ଜୟନ୍ତୀ ଏବଂ ଲାଲ୍ ବାହାଦୁର ଶାସ୍ତ୍ରୀ ଜୟନ୍ତୀ ଅବସରରେ ବିକାଶ ଲ’ ସ୍କୁଲ୍ ରେ ଏକ ୱେବିନାର୍ (ଅନ୍‌ଲାଇନ୍ ଆଲୋଚନା ଚକ୍ର) ଅନୁଷ୍ଠିତ ହୋଇଯାଇଛି । ସର୍ବପ୍ରଥମେ ଏହି ଦୁଇ ମହାନ୍ ବ୍ୟକ୍ତିତ୍ୱଙ୍କ ଫଟୋଚିତ୍ରକୁ ପୁଷ୍ପମାଲ୍ୟ ଦେଇ ଶ୍ରଦ୍ଧାଞ୍ଜଳୀ ଅର୍ପଣ କରାଯାଇଥିଲା । ଗାନ୍ଧୀ ଏବଂ ଶାସ୍ତ୍ରୀ ଜୀ ଙ୍କ ଜୀବନାଦର୍ଶ ଉପରେ ପର୍ଯ୍ୟବେଷିତ ଏହି ଆଲୋଚନା ଚକ୍ରରେ ଲ’ ସ୍କୁଲ୍ ର ଅଧ୍ୟକ୍ଷ ଡ.ବିକ୍ରମ କୁମାର ଦାସ ପ୍ରାରମ୍ଭିକ ସୂଚନା ପ୍ରଦାନ କରି ସଭାପତିତ୍ୱ କରିଥିଲେ । ଏହି ଆଲୋଚନା ଚକ୍ରକୁ ଲ’ ସ୍କୁଲ୍ ର କୋଅର୍ଡିନେଟର୍ ଅଧ୍ୟାପକ ଶ୍ରୀ ଶିବାନନ୍ଦ ସାହୁ ପରିଚାଳନା କରିଥିଲେ । ଏଥିରେ ମୁଖ୍ୟ ବକ୍ତା ହିସାବରେ ବରିଷ୍ଠ ଆଇନ୍‌ଜୀବୀ ଡ.ରମାକାନ୍ତ ଶତପଥୀ ଯୋଗଦେଇ ସାଂପ୍ରତିକ ପରିସ୍ଥିତିରେ ମହାତ୍ମା ଗାନ୍ଧୀ ଓ ଶାସ୍ତ୍ରୀ ଜୀ ଙ୍କ ଆଦର୍ଶବାଦ ଏବଂ ଆଇନ୍‌ଜୀବୀ ମାନଙ୍କର ସମାଜରେ ଭୂମିକା ଉପରେ ଆଲୋକପାତ କରିଥିଲେ । ଅଧ୍ୟାପକ ଶ୍ରୀ ନୟନଜ୍ୟୋତି ଦାସ ଉକ୍ତ ଅବସରରେ ନିଜର ବକ୍ତବ୍ୟ ପ୍ରଦାନ କରିଥିଲେ । ଛାତ୍ରଛାତ୍ରୀମାନଙ୍କ ମଧ୍ୟରେ ଅନୁଷ୍କା ଦାସ, ସୋହେଲ୍ ଖାନ୍‌, ସମର୍ ଜାହାନ୍ ଅଖ୍‌ତର୍‌, ଅପର୍ଣ୍ଣା ପତି, ଚର୍ଚ୍ଚିତ ପ୍ରଧାନ, ଆଂଚଲ ପୁରୋହିତ, ତାହିରା ବାନୁ, ତୃପ୍ତି ଶର୍ମା, ଦମନ କୁମାର ସାହୁ ଏବଂ ରାକ୍ଷୀ ପ୍ରଧାନ ତାଙ୍କର ବକ୍ତବ୍ୟ ପ୍ରଦାନ କରିଥିଲେ । ଏହି ୱେବିନାର୍ ରେ ସର୍ବମୋଟ୍ ୬୦ଜଣ ଭାଗ ନେଇଥିଲେ । ଉକ୍ତ ଅବସରରେ ବିକାଶ ଶିକ୍ଷାନୁଷ୍ଠାନ ର ଚେୟାର୍‌ମେନ୍ ଶ୍ରୀ ଡି. ମୂରଲୀ କ୍ରୀଷ୍ଣା, ମ୍ୟାନେଜିଂ ଡାଇରେକ୍ଟର୍ ଶ୍ରୀ ଜି.ଭାସ୍କର ରାଓ, ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଡି.ନାଗେଶ୍ୱର ରାଓ, ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା, ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ର ଅଧ୍ୟକ୍ଷ ଇଂ.ଅଜୟ ମହାପାତ୍ର, ବିକାଶ ସ୍କୁଲ୍ ଅଫ୍ ବିଜ୍‌ନେସ୍ ମ୍ୟାନେଜ୍‌ମେଣ୍ଟ୍ ର ଅଧ୍ୟକ୍ଷ ଡ.କ୍ଷୀରୋଦ ପ୍ରଧାନ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ । ପରିଶେଷରେ ଅଧ୍ୟାପକ ଜୈମିନୀ କୁମାର ସାହୁ ଗାନ୍ଧୀ ଏବଂ ଶାସ୍ତ୍ରୀ ଜୀ ଙ୍କ ମୂଲ୍ୟବୋଧ ର ସାଂପ୍ରତିକ ସ୍ଥିତି ର ଉପଯୋଗ ଉପରେ ଆଲୋକପାତ କରି ଧନ୍ୟବାଦ ଅର୍ପଣ କରିଥିଲେ ।