14-Nov-2022

ପଦ୍ମପୁର: ସ୍ଥାନୀୟ ସରସ୍ୱତୀ ଶିଶୁ ବିଦ୍ୟା ମନ୍ଦିର  ପଦ୍ମପୁର  ର କୁସୁନାପାଲି ସ୍ଥିତ ବିଦ୍ୟା ମନ୍ଦିର ପରିସରରେପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଯୁବରାଜ ପଧାନ ଙ୍କ ଅଧ୍ୟକ୍ଷତାରେ ପ୍ରଥମ ରୁ ଦଶମ ଶ୍ରେଣୀ ପର୍ଯ୍ୟନ୍ତ ଶିଶୁ ଭାଇ ଭଉଣୀ ଙ୍କୁ ନେଇ ଶିଶୁ ଦିବସ ପାଳିତ ହୋଇଥିଲା । ଶ୍ରୀଯୁକ୍ତ ପୃଥିରାଜ ସାହୁ( ସ୍ଥାନୀୟ ସଭାପତି ) ମୁଖ୍ୟ ଅତିଥି ଭାବରେ ଯୋଗ ଦୀପ ପ୍ରଜ୍ୱଳନ କରି ଶିଶୁ ଦବସ ର ମହତ୍ତ୍ଵ ବିଷୟରେ ବିଷଦ୍ ଭାବରେ ଆଲୋକପାତ କରିଥିଲେ । ଚୈତନ୍ୟ ଭୋଇ ଗୁରୁଜୀ ବିଦ୍ୟା ମନ୍ଦିର ପ୍ରମୁଖ ଅତିଥି ପରିଚୟ ପ୍ରଦାନ କରିଥିବା ବେଳେ ପୂର୍ବତନ ଗୁରୁଜୀ ଶିବ ପ୍ରସାଦ ହାତୀ ମୁଖ୍ୟ ବକ୍ତା ଭାବରେ ଯୋଗ ଦେଇ ଶିଶୁ ମାନଙ୍କୁ ବୌଦ୍ଧିକ ପ୍ରଦାନ କରିଥିଲେ ।ସୁଷମା ବିଶ୍ୱାଲ ଗୁରୁମା କାର୍ଯ୍ୟକ୍ରମ ର ସଂଯୋଜନା କରିଥିବା ବେଳେ କଲ୍ୟାଣୀ ମିଶ୍ର ଗୁରୁମା ଧନ୍ୟବାଦ ଅର୍ପଣ କରିଥିଲେ ।ଏହି ଅବସରରେ ଶିଶୁ ବାଟିକା ବିଭାଗ ର ଭାଇ ଭଉଣୀ ମାନଙ୍କୁ ନେଇ ଶିଶୁ ଶିବିର ଅନୁଷ୍ଠିତ ହୋଇଥିଲା ।ଏହାକୁପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଯୁବରାଜ ପଧାନ ଦୀପ ପ୍ରଜ୍ୱଳନ ପୂର୍ବକ ଉଦ୍ଘାଟନ କରି ଶିଶୁ ମାନଙ୍କୁ ମାର୍ଗ ଦର୍ଶନ କରିଥିଲେ ।ଶିଶୁ ମାନେ କ୍ରିୟାକଳାପ ପାଠରେ ସିଝା ଆଳୁ ଓ ବାଦାମ ରୁ ଚୋପା ଛଡାଇ ଆଲୁଦମ୍ ତିଆରି କରିଥିଲେ ।ଭ୍ରମଣରେ ବିଜୁ ଉଦ୍ୟାନ ଓ କୁମ୍ଭାର ଶାଳ କୁ ଯାଇ ଥିଲେ ।ପରେପରେ ପ୍ରୋଜେକ୍ଟର ସୋ ପ୍ରଦର୍ଶନ କରାଯାଇଥିଲା ।ପ୍ରାତଃ ପର୍ଯ୍ୟାୟ ପ୍ରମୁଖା ସୁଜାତା ଗୁରୁମା ଧନ୍ୟବାଦ ଅର୍ପଣ କରିଥିଲେ । ଉକ୍ତ ଶିବିର ରେ ୧୫୦ ଜଣ ଶିଶୁ ଯୋଗଦାନ କରିଥିଲେ।ସମସ୍ତ ଗୁରୁଜୀ ଗରୁମା ଙ୍କ ସହଯୋଗ ରେ କାର୍ଯ୍ୟକ୍ରମ ଟି ସଫଳ ହୋଇଥିଲା ।