07-Nov-2022

ପାଟଣାଗଡ଼(ସୁବ୍ରତ ମହାକୁର): ପାଟଣାଗଡ଼ ରାମଜୀଛକ ଠାରେ ଏକ ପଲସର ବାଇକରେ ଆସି ପାଢେଲ ଗାଁର ଜଣେ ଚାଷୀ ଙ୍କ ଠାରୁ ଦୁଇଜଣ ଦୁର୍ବୁତ୍ତ ୫ ଲକ୍ଷ ଟଙ୍କା ଝାମ୍ପି ନେଇ ବଲାଙ୍ଗୀର ପଟକୁ ଫେରାର ହୋଇଯାଇଥିଲେ। ପୁଲିସର ହସ୍ତକ୍ଷେପ ପରେ ଲୁଟେରାକୁ ପୁଲିସ କାବୁ କରିଥିବା ବେଳେ ଚାଷୀ ଜଣକ ତାଙ୍କ ଟଙ୍କା ଫେରସ୍ତ ପାଇଥିବା ଜଣାପଡିଛି। ଅପରପକ୍ଷରେ ପାଟଣାଗଡ଼ ପୁଲିସ ଦୁଇଜଣ ଦୁର୍ବୁତ୍ତକୁ ଥାନାରେ ଅଟକ ରଖି ଅଧିକ ପଚରାଉଚରା କରୁଛି। ଅଟକ ଥିବା ଦୁଇ ଜଣ ଦୁର୍ବୁତ୍ତ ହେଲେ ଯାଜପୁରର ବିଜୟ ଦାସ ଓ ଆସ୍କାର ଜଣେ ନାବାଳକ ବୋଲି ଥାନା ଅଧିକାରୀ ଅନନ୍ତ ପଧାନଙ୍କ ଠାରୁ ସୂଚନା ଦେଇଛନ୍ତି। 

ସୂଚନା ଅନୁସାରେ, ଆଜି ପାଢେଲ ଗାଁର ଚାଷୀ ସର୍ବେଶ୍ବର ପଟେଲ ନିଜ କାରରେ ପାଟଣାଗଡ଼କୁ ଏକ ଟ୍ରାକ୍ଟର ଟର୍ଲି କିଣିବା ପାଇଁ ସ୍ଥାନୀୟ ଏକ ବ୍ଯାଙ୍କରୁ ସେ ୫ ଲକ୍ଷ ଟଙ୍କା ଉଠାଇଥିଲେ। ପରେ ସେ ରାମଜୀଛକ ଠାରେ କାରକୁ ପାର୍କିଂ କରି ସୌଉଦା କରିବା ପାଇଁ ଯାଇଥିଲା। ସେଠାରୁ ଫେରି କାଣି ଥିବା ସାମଗ୍ରୀ ଗୁଡିକ କାର ଡାକି ପଛରେ ରଖି କାର ଗେଟ ଖୋଲି ବସିବାକୁ ଗଲା ବେଲକୁ ହାତରେ ଧରିଥିବା ଟଙ୍କା ବ୍ଯାଗକୁ ଦୁର୍ବୁତ୍ତ ମାନେ ଝାମ୍ପି ନେଇ ବଲାଙ୍ଗୀର ରାସ୍ତା ପଟକୁ ବାଇକ ଯୋଗେ ଦ୍ରୁତ ଗତିରେ ଫେରାର ହୋଇଯାଇଥିଲେ।

ଶ୍ରୀ ପଟେଲ କାଳବିଳମ୍ବ ନକରି ପାଟଣାଗଡ଼ ପୁଲିସକୁ ଫୋନ ଯୋଗେ ଘଟଣା ସମ୍ପର୍କରେ ଜଣାଇଥିଲେ। ପୁଲିସ ଘଟଣା ସମ୍ପର୍କ ରେ  ବଲାଙ୍ଗିର ସଦର ସହ ଆଖପାଖରେ ଥିବା ସମସ୍ତ ଥାନାକୁ ଯୋଗାଯୋଗ କରିଥିଲା। କିଛି ସମୟର ବ୍ଯବଧାନ ପରେ ବଲାଙ୍ଗୀର ସଦର ପୁଲିସ ଓ ସଦର ଏସଡିପିଓ ମିଲିତ ଉଦ୍ଯମରେ ଲୁଟେରା ଦ୍ଯୟଙ୍କୁ ରାସ୍ତାରେ କାବୁ କରି ନେଇଥିଲେ। ପୁଲିସ ଲୁଟେରା ଦ୍ଯୟକୁ ପାଟଣାଗଡ଼ ପୁଲିସକୁ ଜିମା ଦେଇଥିଲା। ସେମାନେ ହେଲେ ଯାଜପୁର ଜିଲ୍ଲା କନତରା ଗାଁର ବିଜୟ ଦାସ (୨୫)ଓ ଗଞ୍ଜାମ ଜିଲ୍ଲା ଧୁନଖୁନି ଗାଁର ଏ.ସିଦ୍ଧୁ (୧୯) ସେମାନଙ୍କ ଠାରୁ ଏକ ପକୋ ମୋବାଇଲ,ହଲଦିଆ ରଙ୍ଗର ପଲସର ( ଓଡି ) ୦୨ ବଜି ୮୮୩୩ )ଏକ ମାଷ୍ଟର ଡିକି ଚାବି ପୋଲିସ ଜବତ କରିଛି ବୋଲି ଶ୍ରୀ ପଧାନଙ୍କ ଠାରୁ ଜଣାପଡିଛି ।