07-Nov-2022

ପଦ୍ମପୁର (ନରହରି ବଗର୍ତ୍ତି)
ପଦ୍ମପୁର ଉପଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ସପ୍ତମ ଦିନ ରେ ଗଣଧାରଣା   ଚାଷୀଙ୍କ ସମସ୍ୟା ନେଇ 2021ଖରିଫ ଫସଲର ବୀମା ରାଶି ଓ ଇନପୁଟ ସବସିଡି ପ୍ରଦାନ ଦାବିରେ ପଦ୍ମପୁର ରାଜବୋରାସମ୍ବର କୃଷକ ସଂଗଠନ ପକ୍ଷରୁ ପର୍ଯ୍ୟାୟକ୍ରମେ ପଦ୍ମପୁର ଉପକାର୍ଯାଳୟ ବନ୍ଦ, ବାଇକ ରାଲି ସହ ବିକ୍ଷୋଭ ଓ ଗଣଧାରଣା ଆଜକୁ ସପ୍ତମ ଦିନରେ ପହଂଚି ଅଛି  ! ତଥାପି ଫସଲ ବୀମା ନ ପାଇବା ଫଳରେ ଚାଷୀ ମାନେ କ୍ଷୁବ୍ଧ ଅଛନ୍ତି!ଇତି ପୂର୍ବେ ଜିଲ୍ଲା ପ୍ରଶାସନ ସମେତ କେନ୍ଦ୍ର ସରକାର ଓ ବୀମା କମ୍ପାନୀ ସହିତ ଚାଷୀ ମାନଙ୍କର ଆଲୋଚନା ହୋଇଥିଲା  !ଏହା ସତ୍ୱେ ବୀମା ଟଙ୍କା ମିଳିବାର ବାଟ ଫିଟି ନ ଥିଲା  !ଫଳରେ ପଦ୍ମପୁର ବିଧାନ ସଭା ପାଇଁ ହେବାକୁ ଥିବା ଉପନିର୍ବାଚନ ପ୍ରକ୍ରିୟାକୁ ବନ୍ଦ କରିବାକୁ ଚାଷୀ ମାନେ ଦୃଢ ନିଷ୍ପତି ନେଇ  ନିର୍ବାଚନ କମିଶନରଙ୍କୁ ଅବଗତ କରିବାକୁ ନିଷ୍ପତି ନେଇ ସୂଚନା ପ୍ରଦାନ କରିଛନ୍ତି