27-Oct-2022

ବଲାଙ୍ଗୀର, (ପ୍ରେରଣା ଖବର) ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ ଅନ୍ତର୍ଗତ ସାଲେପାଲି ସ୍ଥିତ ବୟୋଜ୍ୟେଷ୍ଠ ନାଗରିକ ଆବାସରେ  ଜେଏସଏମ ବାଣିଜ୍ୟ ମହାବିଦ୍ୟାଳୟ ତରଫରୁ ସମାଜର ମଙ୍ଗଳ କାମନା କରି ବସ୍ତ୍ର ବଣ୍ଟନ କରିବା ସହିତ ସାମୁହିକ ଦିପାବଳୀ ପର୍ବ ପାଳନ କରାଯାଇଛି ।
ଜେଏସଏମ ବାଣିଜ୍ୟ ମହାବିଦ୍ୟାଳୟର ଛାତ୍ର ସଂଘ ନେତୃତ୍ୟରେ ଉକ୍ତ କାର୍ଯ୍ୟକ୍ରମଟି ଆୟୋଜିତ କରାଯାଇଥିଲା  । ଜେଏସଏମ ବାଣିଜ୍ୟ ମହାବିଦ୍ୟାଳୟର ଅଧ୍ୟକ୍ଷ ସି.ଏ ଶ୍ରୀକାନ୍ତ ଶର୍ମା , ଶିକ୍ଷକ ଶିକ୍ଷୟତ୍ରି ଏବଂ ଛାତ୍ରଛାତ୍ରୀ ମାନଙ୍କ ଉପସ୍ଥିତିରେ ବୟୋଜ୍ୟେଷ୍ଠ  ବୟୋଜ୍ୟେଷ୍ଠା  ନାଗରିକ ମାନଙ୍କୁ ବସ୍ତ୍ର ବଣ୍ଟନ କରାଯାଇଥିଲା l ସମାଜର ସମସ୍ତ ବର୍ଗର ବ୍ୟକ୍ତିଙ୍କୁ ସମ୍ମାନ ଦେବା ସହିତ ବିଶେଷ କରି ବୃଦ୍ଧ ବୃଦ୍ଧା ଓ ଶିଶୁମାନଙ୍କର ସେବା ଓ ଯତ୍ନ ନେବାର ଆବଶ୍ୟକତା ଅଛି ବୋଲି ଅଧ୍ୟକ୍ଷ ସି.ଏ ଶ୍ରୀକାନ୍ତ ଶର୍ମା ମତପ୍ରକାଶ କରିଥିଲେ । କାର୍ଯ୍ୟକ୍ରମ ଶେଷରେ ଭାବ ବିନିମୟ ପାଇଁ  ସଂଗୀତ ଗାନ କାର୍ଯ୍ୟକ୍ରମ କରାଯାଇଥିଲା ନୃତ୍ୟ ଗୀତରେ ସମସ୍ତ ବୟୋଜ୍ୟେଷ୍ଠ  ବୟୋଜ୍ୟେଷ୍ଠା ମାନଙ୍କୁ ସାମିଲ କରି ଆନନ୍ଦର ସହିତ ଦିପାବଳୀ ପାଳନ କରାଯାଇଛି ।  ଶେଷରେ ବୃଦ୍ଧାଶ୍ରମ ରେ କାର୍ଯ୍ୟରତ ନିର୍ବାହୀ କର୍ମୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।