23-Oct-2022

ବିନିକା(ହିମାଂଶୁ ଶେଖର ପୁଟେଲ) ବିନିଜା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ସ୍ଥିତ କପିଳେଶ୍ୱର ମନ୍ଦିରରେ ଥିବା ୩ଦାନବାକ୍ସ କୁ ଭାଙ୍ଗି କେତେକ ମୁଖାପିନ୍ଦା ଦୁର୍ବୃତ୍ତ ଭକ୍ତଙ୍କ ଦାନ ଟଙ୍କା ଚୋରି କରିନେଇଥିବା ବିନିକା ଥାନାରେ ଅଭିଯୋଗ ହୋଇଛି ।ଆଜି ସକାଳେ ଅନୁସନ୍ଧାନକାରୀ କୁକୁର ସହାୟତାରେ ତଦନ୍ତ ଆରମ୍ଭ ହୋଇଥିଲେ ହେଁ ଚୋର ମାନଙ୍କର କୌଣସି ପତ୍ତା ଖବର ଲେଖା ହେବା ପର୍ଯ୍ୟନ୍ତ ମିଳି ପାରିନାହିଁ ।ପ୍ରକାଶ ଯୋଗ୍ୟଯେ ବିଗତ ୨୦୧୧ ମସିହାରେ ଏହି ମନ୍ଦିରରୁ ସୁନା ଅଳଙ୍କାର ଚୋରି ହୋଇଥିଲା କିନ୍ତୁ ପରିତାପର ବିଷୟ ଅଦ୍ୟାବଧି ଚୋର ଧରା ପଡିନାହିଁ କି ଚୋରି ସାମଗ୍ରୀ ମିଳିନାହିଁ । ସିସି ଟିଭି ଫୁଟେଜ ରୁ ମିଳିଥିବା ତଥ୍ୟ ଅନୁସାରେ ପୁଣି ଗତକାଲି ବିଳମ୍ବିତ ରାତିରେ ୩ଜଣ ମୁଖାପିନ୍ଦା ଦୁର୍ବୃତ୍ତ ମନ୍ଦିର ପଛ କବାଟ ଭାଙ୍ଗି ମନ୍ଦିର ଭିତରକୁ ଆସି ପ୍ରଥମେ ସିସି ଟିଭି କୁ ଏକ ଠେଙ୍ଗାରେ ବାଡେଇ ଅନ୍ୟତ୍ର କରିଦେଇ ସିଂହଦ୍ଵାର,ମହାଦେବ ବାବାଙ୍କ ସମ୍ଭୂଖ ଓ ମାଁ ଚରଦେଇ ମନ୍ଦିର ସମ୍ଭୁଖାରେ ଥିବା ଦାନବାକ୍ସ କୁ ଚତୁରତାର ସହ ଭାଙ୍ଗି ସେଥିରେ ଥିବା ଆନୁମାନିକ ୨୫ହଜାର ଟଙ୍କା ଚୋରି କରି ନେଇ ଯାଇଛନ୍ତି ।ଏହି ଘଟଣା ଜଣାପଡିବା ପରେ ଟ୍ରଷ୍ଟ ବୋର୍ଡ ସଭାପତି ଅଶୋକ କୁମାର ପୃଷ୍ଟି ଫୋନ ମାଧ୍ୟମରେ ପୋଲିସକୁ ଖବର ଦେବାପରେ ବିନିକା ଥାନା ଅଧିକାରୀ ପବିତ୍ର ସାହୁଙ୍କ ନେତୃତ୍ୱରେ ଏକ ଟିମ ତତକ୍ଷଣାତ୍ ମନ୍ଦିରକୁ ପହଞ୍ଚି ତଦନ୍ତ ଆରମ୍ଭ କରିଥିଲେ ।ପରେ ସୋନପୁର ଏସଡିପିଓ ପୁଷ୍ପାଞ୍ଜଳି ମିଙ୍ଗ ଘଟଣାସ୍ଥଳରେ ପହଞ୍ଚିବା ପରେ ଅନୁସନ୍ଧାନ କାରୀ କୁକୁର ସହାୟତାରେ ତଦନ୍ତ ଆରମ୍ଭ ହୋଇଥିଲା । ଚୋର ମାନଙ୍କ ଆସିବା ଓ ଫେରିବା ଗତିପଥ କୁ ଲକ୍ଷ୍ୟ କରି କୁକୁର ଟି ପ୍ରଥମେ ମହାପ୍ରଭୁଙ୍କ ରୋଷେଇ ସାଲା,ପାର୍ବତୀ ମନ୍ଦିର ପଛପଟ ବାବା ମଠ,ବାମ୍ପି ରାସ୍ତା ପରେ ଚାଷ ଜମି ଦେଇ ଶନିଶ୍ଚର ମନ୍ଦିର ପର୍ଯ୍ୟନ୍ତ ଗମନ କରିଥିଲା ହେଲେ କୁକୁର ଟି ଆଗକୁ ନଯିବାରୁ ଚୋର ମାନଙ୍କର କୌଣସି ପତ୍ତା ପାଇନଥିଲା ।ବର୍ତମାନ ମନ୍ଦିରର ବିଭିନ୍ନ ସ୍ଥାନରେ ସିସି ଟିଭି ଲାଗିଥିବାରୁ    ଏବଂ ଚୋରି ସମୟରେ ଜଣେ ଚୋର କିଛି ସେକେଣ୍ଟ ପାଇଁ ମୁହିଁ ଉପରକୁ କରିଥିବାରୁ ତାକୁ ଯଦି ଠିକ ହିସାବରେ ପତ୍ତା ନିଆଯାଏ ତେବେ ଏହି ଚୋରିରେ ସଂଶ୍ଳିଷ୍ଟ ଦୁର୍ବୃତ୍ତ ମାନେ ଧରା ପଡିବେ ବୋଲି ସାଧାରଣରେ ଆଲୋଚନା ହେଉଛି ।ତେବେ ଦେଖିବାକୁ ବାକି ରହିଲା ପୋଲିସ ଏହି ଦିଗରେ ସଫଳତା ପାଉଛି କି ନାହିଁ ।ନା ୧୧ବର୍ଷ ତଳେ ହୋଇଥିବା ଚୋରି ସାମଗ୍ରୀ ଉଦ୍ଧାର ଓ ଚୋରକୁ ଧରିବାରେ ବିଫଳ ସାଜିବ ତାହା ସମୟ କହିବ ।