21-Oct-2022

 ବିନିକା(ହିମାଂଶୁ ଶେଖର ପୁଟେଲ): ବିନିକା ବ୍ଳକ ଅନ୍ତର୍ଗତ ଫୁଲମୁଠି ଠାରେ ଆସନ୍ତା ନଭେମ୍ବର ୨୮ତାରିଖରୁ ଡିସେମ୍ବର ୫ତାରିଖ ଯାଏ ବ୍ରଜ ବିହାରୀ ନୃତ୍ୟ କଳା ପରିଷଦ ପକ୍ଷରୁ ହେବାକୁ ଯାଉଥିବା ଗୋକୁଳାଷ୍ଟମୀ ଯାତ୍ରା ମହୋତ୍ସବ ପରିଚାଳନା ପାଇଁ ସ୍ଥାନୀୟ ମାହେଶ୍ୱରୀ ମଣ୍ଡପ ଠାରେ ନୂତନ କମିଟି ଗଠିତ ହୋଇଯାଇଛି । ଏଥିରେ ଗ୍ରାମବାସୀ ଯୋଗଦେଇ ଚଳିତ ବର୍ଷ ଯାତ୍ରା ମହୋତ୍ସବକୁ ଆଡମ୍ବରପୂର୍ଣ୍ଣ ଭାବେ ପାଳନ କରିବା ସହ ଯେପରି ଶାନ୍ତିଶୃଙ୍ଖଳା ସହିତ ସମାପନ ହେବ ସେନେଇ ଆଲୋଚନା ହୋଇଥିଲା । ପରେ ସମସ୍ତଙ୍କ ପ୍ରସ୍ତାବ କ୍ରମେ ଯାତ୍ରା ପରିଚାଳନା କମିଟି ଗଠନ କରାଯାଇଥିଲା । ଏଥିରେ ଆନନ୍ଦ କୁମାର ହୋତା ସଭାପତି ଭାବେ ମନୋନୀତ ହୋଇଥିବା ବେଳେ ଉପ ସଭାପତି ରଞ୍ଜନ ନାଏକ,ସମ୍ପାଦକ ଭୁବନ ମହାକୁର, ସହସମ୍ପାଦକ ହରିବନ୍ଧୁ ରଣା, କୋଷାଧ୍ୟକ୍ଷ ବୃନ୍ଦାବନ ଦାଶ ପ୍ରମୁଖ ମନୋନୀତ ହୋଇଛନ୍ତି । ସେହିପରି ଉପଦେଷ୍ଟା ମଣ୍ଡଳୀରେ ପ୍ରମୋଦ କୁମାର ଦାଶ, ସତ୍ୟବାନ ମିଶ୍ର, ତିର୍ଥବାସୀ ସାହୁ, ଗୋଲଖ ଦାଶ, ରାଜକୁମାର ମିଶ୍ର, ମନୋଜ ଦାଶ, ନକୁଳ ପ୍ରଧାନ, ପ୍ରଫୁଲ୍ଲ ମିଶ୍ର, ଅନ୍ତର୍ଯ୍ୟାମୀ ପଣ୍ଡା, ଲୋକନାଥ ନାଏକ, ହିମାଂଶୁ ଶେଖର ପୁଟେଲ, ଗଣେଶ ମେହେର, ନରସିଂହ ପଧନ, ଚନ୍ଦ୍ର ଶେଖର ମେହେର,ପଦ୍ମ କିଶୋର ମେହେର ପ୍ରମୁଖ ରହିଛନ୍ତି । ଆଗାମୀ ବୈଠକରେ ଯାତ୍ରା ମହୋତ୍ସବର ବିଭିନ୍ନ ବିଭାଗ ବଣ୍ଟନ କରାଯାଇ ଉତ୍ସାହିତ ଯୁବକଙ୍କୁ ଦାୟିତ୍ଵ ଅର୍ପଣ କରାଯିବ ବୋଲି ସଭାପତି ଶ୍ରୀ ହୋତା ସୂଚନା ଦେଇଥିଲେ ।