19-Oct-2022

 ବରଗଡ:-ବରଗଡ଼ ଜିଲ୍ଲା ପାଇକମାଲ ବ୍ଲକ ଟେମରି ଗ୍ରାମରସ୍ବେଚ୍ଛାସେବୀ ଦୀପା ବାରିକ ନିଜର ଟ୍ୱିଟମାନଙ୍କ ପାଇଁ ସାରା ଦେଶରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି।ଅସହାୟ ଲୋକ ହେଉ ଅଥବା ବୃଦ୍ଧବୃଦ୍ଧା ହେଉ, ଶ୍ରମିକ ହୁଅନ୍ତୁ ବା କୃଷକ ସମସ୍ତଙ୍କୁ ନିର୍ଭୟରେ ସହାୟତା ଯୋଗାଇଦେବାକୁ ଆଗେଇ ଆସନ୍ତି ଟ୍ୱିଟର ଗାର୍ଲ ଦୀପା ବାରିକ।ଏହା ସଙ୍ଗେ ସଙ୍ଗେ ଦୁର୍ନୀତି ବିରୁଦ୍ଧରେ ସଦାସର୍ବଦା ଶୁନ୍ୟ ସହନଶୀଳତା ଦେଖାଇ ନିଜର ସାହାସିକତାକୁ ପ୍ରମାଣ ଦେଇ ଆସୁଛନ୍ତି ଦୀପା।ସାଧାରଣତଃ ଲୋକେ ଦୁର୍ନୀତି ବିରୋଧରେ ମୁହଁ ଖୋଲିବାକୁ ଭୟ କରନ୍ତି କାରଣ ଏଥିପାଇଁ ଅନେକ ବାଧାବିଘ୍ନର  ସମ୍ମୁଖୀନ ହେବାକୁ ପଡ଼ିଥାଏ କିନ୍ତୁ ଏସବୁକୁ ଖାତିର ନ କରି ପଦ୍ମପୁର ଅଞ୍ଚଳରେ ହେଉଥିବା ସମସ୍ତ ଦୁର୍ନୀତିକୁ ଉପସ୍ଥାପନ କରି ଦୁର୍ନୀତି ହ୍ରାସ କରିବାରେ ସକ୍ଷମ ହୋଇପାରିଛନ୍ତି ଦୀପା।

    ବର୍ତ୍ତମାନ ସମୟରେ ଦୀପାଙ୍କ ଏକ ଟ୍ଵିଟ ଅଞ୍ଚଳରେ ଚହଳ ସୃଷ୍ଟି କରିଛି ଏବଂ ଟ୍ଵିଟ କରିବାର ଦୁଇଦିନ ମଧ୍ୟରେ ଜଣେ ପ୍ରଶାସନିକ ଅଧିକାରୀଙ୍କ ବଦଳି ହେବା ଦୁର୍ନୀତିଖୋର ପ୍ରଶାସନିକ ଅଧିକାରୀ ମାନଙ୍କ ମନରେ ଛନକା ପଶେଇ ଦେଇଛି।ସୂଚନା ଅନୁଯାୟୀ ଗତ ୧୬ ତାରିଖରେ ଦୀପା ବାରିକ ଟ୍ଵିଟର ମାଧ୍ୟମରେ  ପାଇକମାଲ ଅଞ୍ଚଳରେ ହେଉଥିବା 5T ସ୍କୁଲ ଦୁର୍ନୀତିକୁ ଉପସ୍ଥାପନ କରି ତୁରନ୍ତ ଦୁର୍ନୀତିଖୋର ବିଡିଓ, ଏବିଡିଓ ତଥା ଅନ୍ୟାନ୍ୟ ଦୁର୍ନୀତିଖୋର ଅଧିକାରୀଙ୍କୁ ତୁରନ୍ତ ପାଇକମାଲ ବ୍ଲକରୁ ବିଦା କରିବାକୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଅଭିଯୋଗ କରିଥିଲେ, ଏହାର ପ୍ରଭାବରୁ ଦୁଇଦିନ ମଧ୍ୟରେ ପାଇକମାଲ ବ୍ଲକ ବିଡିଓ ଉପାଞ୍ଜଳି ମାଝୀ ଙ୍କୁ ସିନାପାଲି ତହସିଲଦାର ଭାବେ ବଦଳି ହେବା ଦ୍ୱାରା ଦୁର୍ନୀତିଖୋର ବାବୁଙ୍କ ମନରେ ଛନକା ପଶିଗଲା ଭଳି ହେଉଛି।ଏଠାରେ ସୂଚନାଯୋଗ୍ୟ ଯେ ଦୀପା ପାଇକମାଲ ଅଞ୍ଚଳରେ ହେଉଥିବା 5T ସ୍କୁଲମାନଙ୍କରେ ଦୁର୍ନୀତି ବିରୋଧରେ କ୍ଷୁବ୍ଧ ହୋଇ ରାଜ୍ୟ ସରକାରଙ୍କ ଦୃଷ୍ଟି ଆକର୍ଷଣ କରିଥିଲେ।ଦୀପାଙ୍କ ଏହି ସାହାସିକତା ଭରା ପ୍ରୟାସକୁ ବୁଦ୍ଧିଜୀବୀ ମହଲରେ ଉଚ୍ଚ ପ୍ରଶଂସା କରାଯାଇଛି