17-Oct-2022

ବଲାଙ୍ଗୀର(ଅନ୍ତର୍ଯ୍ୟାମୀ ସାହୁ)ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲରେ ୨ଠ୨୨-୨୩ ଶିକ୍ଷା ବର୍ଷ ପାଇଁ ଛାତ୍ର ସଂସଦର ନିର୍ବାଚନ ଓ ଶପଥ ଗ୍ରହଣ ଉତ୍ସବ କଲେଜ ପରିସରରେ ଅନୁଷ୍ଠିତ ହୋଇଯାଇଛି ।  ଜିଲ୍ଲାପାଳ ଚଂଚଳ ରାଣା ମୁଖ୍ୟ ଅତିଥି ଭାବରେ ଯୋଗ ଦେଇ ସନ୍ଥ କବି ଭୀମ ଭୋଇ ଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ପୂର୍ବକ ଉତ୍ସବକୁ ଉଦ୍‌ଘାଟନ କରିଥିଲେ । ଛାତ୍ର ସଂସଦର ନବର୍ବାଚିତ କର୍ମକର୍ତ୍ତା ମାନେ ଶପଥ ନେଇଥିଲେ । ଅଧ୍ୟୟନ ସହ କଲେଜର ପାରିପାଶ୍ୱିର୍କ ବିକାଶ ଦିଗରେ ଆମେ ସମସ୍ତେ ଯତ୍ନବାନ ହୋ ଉଚିତ ବୋଲି ଛାତ୍ରଛାତ୍ରୀ ମାନେ ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି । କଲେଜର ଛବିକୁ ଯେପରି ରାଜ୍ୟସ୍ତରରେ ଉଜ୍ୱଳ କରାଯାଇ ପାରିବ ସେ ନେଇ ଆମେ କାମ କରିବୁ ବୋଲି ନବନିର୍ବାଚିତ ଛାତ୍ରପ୍ରତିନିଧି ମାନେ କହିଛନ୍ତି । ଛାତ୍ର ସଂସଦର ସଭାପତି ଭାବରେ  ବିଶାଳ କୁମାର ପଣ୍ଡା, ସମ୍ପାଦକ  ଭାବରେ ଅଭିଶେକ ପାଢ଼ୀ, ହଷ୍ଟେଲ ସଂପାଦିକା ଭାବରେ ଶୁଭାଙ୍ଗିନି ପ୍ରିୟଦର୍ଶିନୀ ଦାଶ  ନିର୍ବାଚିତ ହୋଇ କଲେଜ ଅଡିଟୋରିୟମ ଠାରେ ଶପଥ ନେଇଥିଲେ । ଏହି ଶପଥ ଗ୍ରହଣ ଉତ୍ସବରେ କଲେଜର ସମସ୍ତ ପ୍ରଫେସର, ଡାକ୍ତର ତଥା ଅଧ୍ୟାପକ, ଅଧ୍ୟାପିକା ମାନେ ସହଯୋଗ କରିଥିଲେ ।