17-Oct-2022

ଉଲୁଣ୍ଡା,(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ହିକୁଡି ଛକରୁ ଆଜି ବିଜେଡିର ଜନସମ୍ପର୍କ ପଦଯାତ୍ରା ଆରମ୍ଭ ହୋଇଛି । ପ୍ରଥମେ ବିଧାୟକ ପଦ୍ମନାଭ ବେହେରା ହିକୁଡି ଛକରେ ପହଂଚିଲା ପରେ ଦଳିୟ କର୍ମୀ ମାନେ ଫୁଲତୋଡା ଦେଇ ସ୍ୱାଗତ କରିଥିଲେ । ସେଠାରୁ ପଦଯାତ୍ରାରେ ବାହାରୀ ନୁଆଁଗା, ଖଜୁରିଆପାଲି, ବଢିଲା, ଅମୁର୍ଡା, ନିମ୍ନା, ଦଶରାଜପୁର ଏବଂ ତେେଲେଣ୍ଡାରେ ପହଂଚିଥିଲା । ଏହି ଅବଶରରେ ସମସ୍ତ ଗ୍ରାମରେ ସଚେତନତା ସଭା ଅନୁଷ୍ଠିତ ହୋଇଥିଲା । ଏହି ସଭାରେ ବିଧାୟକ ଶ୍ରୀଯୁକ୍ତ ବେହେରା ମୁଖ୍ୟ ଅତିଥି ଭାବରେ ଯୋଗଦେଇ ସରକାରଙ୍କ କାର୍ଯ୍ୟକାରୀ ହେଉଥିବା  ବିଭିନ୍ନ ଯୋଜନା ବିଷୟରେ ଜନସାଧାରଣଙ୍କୁ ଅବଗତ କରାଇଥିଲେ । ଏଥି ସହିତ ସମସ୍ତ ଯୋଜନା ଗୁଡିକ ଯେମିତି ଘରେ ଘରେ ପହଂଚିବ ସେଥିପ୍ରତି ଦଲୀୟ କର୍ମୀମାନେ ସଚେତନ ହେବା ପାଇଁ ପରାମର୍ଶ ଦେଇଥିଲେ । ଅନ୍ୟମାନଙ୍କ ମଧ୍ୟରେ ବ୍ଲକ ଅଧ୍ୟକ୍ଷା ଶାନ୍ତିଲତା ମିଶ୍ର, ଜିଲ୍ଲାପରିଷଦ ଉପାଧ୍ୟକ୍ଷ ଝସକେତନ ବଘାର, ଜୋନ ୧ ଜିଲ୍ଲାପରିଷଦ ସଭ୍ୟା, ଯୁବନେତା କୃତିବାଶ ମିଶ୍ର, ବିହାରୀଲାଲ ମିଶ୍ରଙ୍କ ସମେତ ହଜାର ହଜାର ଦଲୀୟ କର୍ମୀ ସାମିଲ ହୋଇଥିଲେ ।