18-Oct-2022

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ): ରାଜ୍ୟ ପରିବହନ କମିଶନର ପକ୍ଷରୁ  ସଡ଼କ ସୁରକ୍ଷା ଓ ପରିବେଶ ସୁରକ୍ଷା ଉପରେ ଗତ ୩୦ ତାରିଖରେ ଆୟୋଜିତ ଏକ ସ୍ୱତନ୍ତ୍ର ଆଲୋଚନାଚକ୍ର ଉତ୍ସବରେ ରାଜ୍ୟର ବେଷ୍ଟ ଆର ଟି ଓ ଭାବରେ  ସୁବର୍ଣ୍ଣପୁର ଆରଟିଓ ରବୀନ ପଟ୍ଟନାୟକଙ୍କୁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଭବ୍ୟ ସମ୍ବର୍ଦ୍ଧନା ଜ୍ଞାପନ କରାଯାଇଛି l ଗତ ୨୮ ତାରିଖରେ ସୁବର୍ଣ୍ଣପୁର ଜ଼ିଲ୍ଲାରେ ଅବସରକାଳୀନ ବିଦାୟ ସମ୍ବର୍ଦ୍ଧନା ଉତ୍ସବ ରେ ଆରଟିଓ ଶ୍ରୀ ପଟ୍ଟନାୟକଙ୍କୁ ଜ଼ିଲ୍ଲା ପ୍ରଶାସନ, ଓଡିଶା ସାମ୍ବାଦିକ ସଂଘ ସମେତ ଜ଼ିଲ୍ଲାର ବିଭିନ୍ନ ସଂଗଠନ ପକ୍ଷରୁ ସମ୍ବର୍ଦ୍ଧିତ କରାଯାଇ  ସଫଳତା ଓ ଶୁଭ କାମନା ଜ୍ଞାପନ କରାଯାଇଥିଲା l ପ୍ରକାଶ ଥାଉ କି ଯେ ଶ୍ରୀ ପଟ୍ଟନାୟକଙ୍କ ମିଷ୍ଟ ଭାଷା, କାର୍ଯ୍ୟଦକ୍ଷତା, କର୍ତ୍ତବ୍ୟପରାୟଣତା, ସମୟାନୁବର୍ତ୍ତିତା, ସେବା ଏବଂ ପରୋପକାର  ପାଇଁ ଏକ ଉଦାହରଣ ସାଜି ନିଜ ବିଭାଗ ଓ ସମସ୍ତ ବିଭାଗକୁ ପ୍ରେରଣା ଯୋଗାଇଛନ୍ତି l ସୁବର୍ଣ୍ଣପୁର ଜିଲ୍ଲା ପରିବହନ ଅଧିକାରୀ ରୁପେ ସେ ଏହି ବିଭାଗରେ ଆଣିଥିବା ସଂସ୍କାର ଦ୍ଵାରା ଜନସାଧାରଣ ବିଶେଷ ଭାବରେ ଉପକୃତ ହୋଇପାରିଛନ୍ତି l ଏହାକୁ କ୍ରିୟାଶୀଳ ଏବଂ କାର୍ଯ୍ୟଦକ୍ଷ କରି ରାଜ୍ୟ ସ୍ତରରେ ନିଜ ବିଭାଗ ତଥା ଜିଲ୍ଲା ପାଇଁ ଅନେକ ଥର ସମ୍ମାନ ଆଣିଦେଇଛନ୍ତି l ସ୍ମାର୍ଟ କାର୍ଯ୍ୟାଳୟ, ଆଧୁନିକିକରଣ ଆର ଟି ଓ ସେବା କେନ୍ଦ୍ର, ସ୍ମାର୍ଟ ଡ୍ରାଇଭ ପରୀକ୍ଷଣ ଟ୍ରାକ୍, ଟ୍ରାଫିକ ସିଗନାଲ ବ୍ୟବସ୍ଥା, ଆହତ ବ୍ୟକ୍ତି ଙ୍କୁ ନିଜେ ଗାଡି ରେ ଆଣି ଚିକିତ୍ସା କରାଇ  ସାମରିଟେନ ପଲିସି ଉପରେ ଲୋକଙ୍କୁ ସଚେତନତା କରିଛନ୍ତି l  , ୨୦୧୮ରେ କଲେକ୍ଟର ଦାଶରଥୀ ଶତପଥୀଙ୍କ ସମୟରେ ସେ ଦାଇତ୍ୱ ନେବା ପରେ ନୋ ହେଲମେଟ ନୋ ପେଟ୍ରୋଲ  ଅଭିଯାନ ଓ ସଡ଼କ ସୁରକ୍ଷା ଅଭିଯାନକୁ କଡାକଡ଼ି ଭାବେ ଆରମ୍ଭ କରାଇ  କେତେବେଳେ ଦୁର୍ଘଟଣା ରୋକିବାରେ ରାଜ୍ୟ ରେ ପ୍ରଥମ ସ୍ଥାନ  ଅଧିକାର  ତ କେତେବେଳେ କ୍ଯୁ୍ ମେନେଜମେଣ୍ଟ ସିଷ୍ଟମ  ଉଦଘାଟନ, କେବେ ଏଡିଟିସି  ସ୍ୱୟଂ ଚାଳିତ  ଗାଡି ଚାଳନା ପରୀକ୍ଷଣ କେନ୍ଦ୍ରର ଶୁଭାରମ୍ଭ, ତ କେବେ ଜ଼ିଲ୍ଲା ସାରା ସ୍କୁଲ କଲେଜ ଛାତ୍ରଛାତ୍ରୀଙ୍କୁ  ନେଇ ପଥପ୍ରାନ୍ତ ନାଟକ ମାଧ୍ୟମ ରେ ଅନେକ ସଚେତନତା  କାର୍ଯ୍ୟକ୍ରମ କରିଛନ୍ତି, କେବେ ଜ଼ିଲ୍ଲା ର ବୁଦ୍ଧିଜୀବୀଙ୍କୁ ନେଇ  ସଡ଼କ ସୁରକ୍ଷା କମିଟି ଗଠନ ତ କେବେ ଗୁଡ଼ ସାମରିଟେନ ପଲିସିରେ ପ୍ରଚାର ପ୍ରସାର  ସହ କିଛି ସାହାସିକ ଯୁବକଙ୍କୁ  ପୁରସ୍କୃତ,  କେବେ ମୁଖ୍ୟ ଛକ ମାନଙ୍କ ରେ ଟ୍ରାଫିକ ସିଜିନାଲର ଶୁଭାରମ୍ଭ  ତ କେବେ ଜ଼ିଲ୍ଲା ସାରା ସ୍ପେସିଆଲ ଡ୍ରାଇଭ, ହାଇ୍ୱେ ପେଟ୍ରୋଲିଙ୍ଗ, ଏଭଳି ଭାବେ ଚାରି ଚାରି ଟା କଲେକ୍ଟର  ଓ ଜ଼ିଲ୍ଲାର ଦୁଇ ଦୁଇ ମନ୍ତ୍ରୀଙ୍କ ସହିତ ସେ ଦକ୍ଷତାର ସହ କାର୍ଯ୍ୟ କରିଛନ୍ତି  l ରୋଡ଼ ସେଫଟି କନଫରେନ୍ସ ହଲ ର ମଧ୍ୟ ଉଦଘାଟନ କରିଛନ୍ତି l  ଏକ ନମ୍ବର ଆର ଟି ଓ  ଓ  ଏକ ନମ୍ବର ଜ଼ିଲ୍ଲା ଭାବେ ଜ଼ିଲ୍ଲାର ଗୌରବ ଆଣିବା, ଦୁର୍ଘଟଣାରେ ଶୂନ୍ୟ ମୃତ୍ଯୁହାରର ଲକ୍ଷ୍ୟ ସ୍ଥାପନ  କରିବା ପାଇଁ  ନୁଆଁ ଶୈଳୀରେ ସଚେତନତା କାର୍ଯ୍ୟକ୍ରମ ମାଧ୍ୟମରେ ତାଙ୍କ କାର୍ଯ୍ୟଦକ୍ଷତା ଏବଂ କର୍ମକୁଶଳତାର ପ୍ରମାଣ  ଦେଇଛନ୍ତି l ସାମଗ୍ରିକ ଭାବରେ ପରିବହନ କ୍ଷେତ୍ରରେ ଜିଲ୍ଲାକୁ ଅଗ୍ରଣୀ କରାଇବା ସହିତ ଗୋ ଶ୍ରଦ୍ଧା ଯୋଜନା ଓ ରକ୍ତ ଦାନ କ୍ଷେତ୍ରରେରେ ପୋଲିସ ପ୍ରଶାସନକୁ ସହଯୋଗ କରି  ସେ  ଜ଼ିଲ୍ଲାର ଜନସାଧାରଣଙ୍କ ପ୍ରିୟଭାଜନ ହୋଇପାରିଛନ୍ତି l ପାତାଳୀ ଶ୍ରୀକ୍ଷେତ୍ରରୁ ପୁରୀ ଶ୍ରୀକ୍ଷେତ୍ରକୁ ଗମନାଗମନର ସୁବିଧା ଯୋଡ଼ିଦେଇ ସେ  ପୁଣି ଜଗନ୍ନାଥଙ୍କ ଇଚ୍ଛାରେ ପୁରୀ ଭଳି ବ୍ୟସ୍ତବହୁଳ ଜିଲ୍ଲାକୁ ନିଜର କର୍ମକ୍ଷେତ୍ରର ସୁଯୋଗ ପାଇଛନ୍ତି l ପ୍ରକୃତ ରେ 'ମାନବ ଜୀବନ ନୁହଇଁ କେବଳ ବର୍ଷ ମାସ ଦିନ ଦଣ୍ଡ କର୍ମେ ଯିଏଁ ନର କର୍ମ ଏକା ତାର ଜୀବନର ମାନଦଣ୍ଡ' ଏ ଉକ୍ତି କୁ ଶ୍ରୀ ପଟ୍ଟନାୟକ ସାର୍ଥକ କରି ପ୍ରଶାସନିକ ଅଧିକାରୀ ଓ ଅନ୍ୟ ଙ୍କ ପାଇଁ ପ୍ରେରଣା ସାଜିଛନ୍ତି l