17-Oct-2022

କର୍ଲାମୁଣ୍ଡା:(ପ୍ରଦିପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ର ସୀମାବର୍ତୀ ଗଜବାହଲ, ରିଷିଡା ଓ ପୌରକେଲା ପଞ୍ଚାୟତ ର ଚାଷୀ ମାନେ ତେଲ ନଦୀ ଠାରେ ବୃହତ ଉଠାଜଳସେଚନ ପ୍ରକଳ୍ପ ନିର୍ମାଣ ପାଇଁ ଦୀର୍ଘ ବର୍ଷ ହେଲା ଦାବି କରି ଆସୁଥିଲେ। ତେବେ ଓଡିଶା ସରକାରଙ୍କ ଜଳ ସଂପଦ ବିଭାଗ ଅନୁସାଶନ ସଚିବ ଏନେଇ ମେଗା ଲିଫ୍ଟ ମୁଖ୍ୟ ଯନ୍ତ୍ରୀ  ଙ୍କୁ ପତ୍ର ନମ୍ବର-୨୬୨୬୯/ଡବ୍ଲୁ. ଆର ତାରିଖ ୧୦/୧୦/୨୦୨୨ ରେ କ୍ଷେତ୍ର ସମ୍ଭାବ୍ୟତା (ଫିଜିବିଲିଟି) ରିପୋର୍ଟ ପ୍ରଦାନ ପାଇଁ ନିର୍ଦେଶ ଦେଇଛନ୍ତି।ଏ ଖବର ପ୍ରଚାର ହେବା ମାତ୍ରେ ଅଞ୍ଚଳର ଚାଷୀ ମହଲରେ ଖୁସିର ଲହରୀ ଖେଳିଯାଇଛି। ଏଠାରେ ସୂଚନାଯୋଗ୍ୟ ଯେ ଗତ ଅଗଷ୍ଟ ମାସ ୨୭ ତାରିଖ ରିଷିଡା ସରପଞ୍ଚ ସେବତୀ ରଣା, ଗଜବାହଲ ପଞ୍ଚାୟତ ସରପଞ୍ଚ ଅରବିନ୍ଦ ଗହୀର,ଓ ପୌରକେଲା ପଞ୍ଚାୟତ ସରପଞ୍ଚ  ଯଶୋଶ୍ୱିନୀ ଧରୁଆ ଙ୍କ  ନେତୃତ୍ୱରେ ଏକ ଚାଷୀ ପ୍ରତିନିଧି ଦଳ ଜଳସମ୍ପଦ ମନ୍ତ୍ରୀ ଟୁକୁନି ସାହୁ ଙ୍କୁ ସାକ୍ଷାତ କରି ତେଲ ନଦୀ ରେ ମେଗା ପ୍ରକଳ୍ପ ପାଇଁ ଦାବିପତ୍ର ପ୍ରଦାନ କରିଥିଲେ। ମନ୍ତ୍ରୀ ଏହାକୁ ଗୁରୁତର ସହ ନେଇ ବିହିତ ପଦକ୍ଷେପ ନେବାକୁ ବିଭାଗୀୟ ଅଧିକାରୀ ଙ୍କୁ ନିର୍ଦେଶ ଦେଇଥିଲେ