17-Oct-2022

ବଲାଙ୍ଗିର ଏକ୍ସନ କମିଟିର ନେତୃତ୍ୱରେ ତଥା ବଲାଙ୍ଗିର ଜିଲ୍ଲା ଓକିଲ ସଂଘ ସହାୟତାରେ ଆସନ୍ତା ଅକ୍ଟୋବର ୨୦ ତାରିଖରେ  ବଲାଙ୍ଗିରରେ ହାଇକୋର୍ଟ ର ପୁନଃସ୍ଥାପନ ଦାବିରେ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଓ ସମସ୍ତ ସରକାରୀ ଓ ବେସରକାରୀ ଆଫିସ, ବ୍ୟାଙ୍କ ଓ ବୀମା କାର୍ଯ୍ୟାଳୟ ଆଦି ବନ୍ଦ କରାଯିବାକୁ  ସ୍ଥିରୀକୃତ ହୋଇଛି l ଏହି ଅବସରରେ ବିକ୍ଷୋଭ ସମାବେଶ  କୁ ସଫଳ କରିବା ପାଇଁ ଏକ ପ୍ରସ୍ତୁତି ବୈଠକ ସ୍ଥାନୀୟ ସିଭିଲ କୋର୍ଟ ବାର ହଲ ଠାରେ ଅନୁଷ୍ଠିତ ହୋଇଯାଇଛି l   ବଲାଙ୍ଗୀରର ବଲାଙ୍ଗିର ଏକ୍ସନ କମିଟିର ଆବାହକ ଗୋପ ଲଜୀ ପାଣିଗ୍ରାହୀଙ୍କ ଆବାହକତ୍ବରେ ଅନୁଷ୍ଠିତ ଏହି  ପ୍ରସ୍ତୁତି ବୈଠକରେ  ଜିଲ୍ଲାର ବିଭିନ୍ନ ସାମାଜିକ ଓ ସ୍ବେଚ୍ଛାସେବୀ ଅନୁଷ୍ଠାନ, ବୁଦ୍ଧିଜୀବୀ ଓ ସାମ୍ବାଦିକ ମାନେ ଯୋଗ ଦେଇ ହାଇକୋର୍ଟ ବେଂଚ ଆନ୍ଦୋଳନକୁ ତୃଣମୂଳ ସ୍ତରରେ ସୁଦୃଢ କରିବା ପାଇଁ ନିଜର ସମର୍ଥନ ଜଣାଇ ଥିଲେ l ଜିଲ୍ଲା ଓକିଲ ସଂଘ ର ସଭାପତି ଅମରେଶ ତ୍ରିପାଠୀ ସଭାରେ ସଭାପତିତ୍ଵ କରିଥିବା ବେଳେ ସମ୍ପାଦକ ଅଧିକାରୀ ଦନ୍ତା ଧନ୍ୟବାଦ ଅର୍ପଣ କରିଥିଲେ l ଜିଲ୍ଲା ଓକିଲ ସଂଘର ଉପସଭାପତି ସରୋଜ ଗୁପ୍ତା ମଞ୍ଚାସୀନ ଥିଲେ l ଅନ୍ୟ ମାନଙ୍କ ମଧ୍ୟରେ ପଶ୍ଚିମ ଓଡିଶା ଯୁବା ମଂଚ ର ଅଭିଷେକ ଦାସ ବିନୋଦ କଳସlଏ,  ଆଇନଜୀବୀ ଅରବିନ୍ଦ ପୂଜାରୀ, ଭବାନୀ ଶଙ୍କର ସତପଥୀ, ଗୋପାଳ ହୋତା, ଅସିତ୍ ଷଡଙ୍ଗୀ, ସାମ୍ବାଦିକ ବିରେନ୍ଦ୍ର ଝାଙ୍କର, ସୁଧୀର ମିଶ୍ର ଚିତ୍ତରଞ୍ଜନ ମିଶ୍ର, ଗୋବିନ୍ଦ ସାହୁ, ବରିଷ୍ଠ ନାଗରିକ କମିଟିର ମନୋରଞ୍ଜନ ମିଶ୍ର, ବେଲlର ସିଂହ ଭୋଇ ପ୍ରମୁଖ ଆନ୍ଦୋଳନକୁ ସମର୍ଥନ ଜଣାଇଥିଲେ l