16-Oct-2022

ବଲାଙ୍ଗିର (ପ୍ରେରଣା ଖବର) ବଲାଙ୍ଗୀର ସହର ବେହେରାପାଲି ଅଂଚଳରେ ଥିବା ୨ହଜାର ବର୍ଗଫୁଟର ଏକ ଜମିକୁ କିଣିବା ପାଇଁ  ବର୍ଷେ ପୂର୍ବରୁ ଗ୍ରାହକ ଓ ଜମି ମାଲିକଙ୍କ ମଧ୍ୟରେ ରାଜିନାମା ସ୍ୱାକ୍ଷରିତ  ହୋଇଥିଲା । ଜମି କିଣା ବାବଦକୁ ଗ୍ରାହକ ଜଣକ ଅଗ୍ରୀମ ୧ ଲକ୍ଷ ଟଙ୍କା ମଧ୍ୟ ଦେଇଥିଲେ । ହେଲେ ଦୀର୍ଘ ୧ ବର୍ଷ ବିତିଯାଇଥିଲେ ସୁଦ୍ଧା ଏହି ମହିଳାଙ୍କୁ ନା ମିଳିଥିଲା ଟଙ୍କା ନା ମିଳିଥିଲା ଜମି ।  ଜମି ମାଲିକଙ୍କୁ ବାରମ୍ବାର ଟଙ୍କା ଫେରସ୍ତ କରିବାକୁ କହି କହି ନିରାଶ ହେବା ପରେ ଶେଷରେ ନ୍ୟାୟ ପାଇଁ  ଟାଉନ ଥାନାର ଦ୍ୱାରସ୍ଥ ହୋଇଛନ୍ତି ମହିଳା ଜଣକ ।

  ଏପରି କିଛି ଘଟଣା ଘଟିଛି ବଲାଙ୍ଗୀର ସହର ବେହେରାପାଲି ଅଂଚଳରେ । ବଲାଙ୍ଗୀର ସଦର ବ୍ଲକ  ସିକାବେହେଙ୍ଗାର ରୁବି କୁମାରୀ ସୁନା ନାମ୍ନୀ ମହିଳା ଜଣକ ବେହେରାପାଲି ଅଂଚଳରେ ଥିବା ୨ହଜାର ବର୍ଗଫୁଟ୍ ର ଏକ ଜମି କିଣିବା ପାଇଁ ଜମି ମାଲିକ  ରଂଜନ କୁମ୍ଭାରଙ୍କୁ   ଅଗ୍ରୀମ ୧ ଲକ୍ଷ ଟଙ୍କା ପ୍ରଦାନ କରିଥିଲେ । ରୁବି କୁମାରୀ ଗୋଟିଏ ବର୍ଷ ପୂର୍ବରୁ ରଂଜନ ଙ୍କୁ ୫ଠ ହଜାର ଟଙ୍କା କ୍ୟାସ୍ ଓ ୫ଠ ହଜାର ଟଙ୍କା ଗୁଗୁଲ ପେ ମାଧ୍ୟମରେ ପ୍ରଦାନ କରିଥିଲେ । ଜମି ରେଜିଷ୍ଟ୍ରି ସମୟରେ ଆଉ ୩ ଲକ୍ଷ ଟଙ୍କା ଦେବାକୁ କହିଥିଲେ ।  ଜମି କିଣିବା ପାଇଁ ଅଗ୍ରୀମ ୧ ଲକ୍ଷ ଦେଇଥିବା ଏହି ମହିଳାଙ୍କୁ ଜମି ମାଲିକ ରଂଜନ କୁମ୍ଭାର ଜମି  ରେଜିଷ୍ଟି କରିବା ବାହନାରେ  ଦିନ ଗଡାଇ ଚାଲୁଥିଲେ । ତେବେ ରଂଜନ ଜମି  ରେଜିଷ୍ଟି କରୁନଥିଲେ କି ରୁବି କୁମାରୀଙ୍କ ଟଙ୍କା ମଧ୍ୟ ଫେରାଉ ନଥିଲେ । ଟଙ୍କା ଠକାମୀର ଶିକାର ହୋଇଥିବା ଜଣିବା ପରେ  ଶେଷରେ ମୁଦି କୁମାରୀ ଟାଉନ ଥାନାରେ  ରଂଜନ କୁମ୍ଭାରଙ୍କ ବିରୁଦ୍ଧରେ  ଲିଖିତ ଅଭିଯୋଗ କରିଛନ୍ତି । ମୋତେ ମୋ ଟଙ୍କା ତୁରନ୍ତ ଫେରସ୍ତ କରାଯାଉ ବୋଲି ପୋଲିସ ନିକଟରେ ରୁବି କୁମାରୀ ଗୁହାରୀ କରିଛନ୍ତି ।