16-Oct-2022

ବୀରମହାରାଜପୁର (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡରେ ବିନା ସୂଚନା ଫଳକରେ ଚାଲିଛି ଉନ୍ନ୍ନୟନ ନିର୍ମାଣ କାର୍ଯ୍ୟ l ସୂଚନା ଅନୁସାରେ ବୀରମହାରାଜପୁର ଉପଖଣ୍ଡ ଡାକ୍ତରଖାନା ପରିସରରେ ରାଜ୍ୟ ସରକାରଙ୍କ ଅନୁଦାନ ପାଣ୍ଠିରୁ ନିର୍ମାଣ ହେଉଛି କୋଭିଡ ଚିକିତ୍ସାଲୟ l ଉକ୍ତ ନିର୍ମାଣ କାର୍ଯ୍ୟସ୍ଥଳୀ ରେ  ସୂଚନା ଫଳକ ନଦେଇ ନିର୍ମାଣ ହେଉଛି l ସରକାରଙ୍କ ନିୟମ ଅନୁସାରେ ଯେଉଁଠି ବି ଉନ୍ନୟନ କାର୍ଯ୍ୟ କରିବା ଆଗରୁ ଉକ୍ତ କାର୍ଯ୍ୟର ଅଟକଳ ଶ୍ରମିକ ମାନଙ୍କ ଦୈନିକ ମଜୁରୀ ଦେୟ ଠିକାଦାରଙ୍କ ନାମ କେଉଁ ବିଭାଗ କାମ କରୁଛି ସେନେଇ ଉଲ୍ଲେଖ ରହିବା କଥା l କିନ୍ତୁ ଏଠାରେ ସରକାରଙ୍କ ନିୟମକୁ ବେଖାତିର କରି କାର୍ଯ୍ୟ କରିବା ସମୟରେ କୌଣସି ସରକାରୀ କର୍ମଚାରୀ କିମ୍ବା ଯନ୍ତ୍ରୀ ଉପସ୍ଥିତ ନରହି ଚାଲୁଛି ନିର୍ମାଣ କାର୍ଯ୍ୟ l ଶ୍ରମିକ ମାନଙ୍କ ପାଇଁ କୌଣସି ସୁରକ୍ଷା ବ୍ୟବସ୍ଥା ନାହିଁ ଫଳରେ ବିପଦ ପୂର୍ଣ୍ଣ ଭାବରେ ନିୟୋଜିତ ହୋଇ କାମ କରୁଥିବା ଦେଖିବାକୁ ମିଳୁଛି l  ଏହି କୋଭିଡ ଚିକିତ୍ସାଲୟ ନିର୍ମାଣ ଆରମ୍ଭରୁ ତଳ ଭାଗରେ  ସିମେଣ୍ଟ ଓ ମେଟାଲିଂ କରିବା ବଦଳରେ ନିମ୍ନ ମାନର ବାଲି ଦେଇ କାମ ଚାଲୁଛି l ଉପରିସ୍ଥ ଅଧିକାରୀ, ଯନ୍ତ୍ରୀ ଓ ଠିକାଦାରଙ୍କ ମଧୁଚନ୍ଦ୍ରିକା ଯୋଗଁ ଅତି ନିମ୍ନମାନର କାମ ଚାଲିଥିବା ଅଭିଯୋଗ ହୁଏ l ଏନେଇ ବିଭାଗୀୟ ଯନ୍ତ୍ରୀଙ୍କୁ ଯୋଗାଯୋଗ କରିବାରୁ ସେ କହିଲେ ସୂଚନା ଫଳକ ନଦେଲେ ବି ଚଳିବ ଆପଣ କଣ ଜାଣିବା କଥା ଚାଁହୁଛନ୍ତି ପଚାରନ୍ତୁ ମୁଁ କହିବି l ଯନ୍ତ୍ରୀଙ୍କ କହିବା ଅନୁସାରେ ଉକ୍ତ କାମ ୧୬ କୋଟି ଟଙ୍କାର ବ୍ୟୟରେ ନିର୍ମାଣ ହେଉଛି ଓ ଏହା ୫୦ ଶଯ୍ୟା ବିଶିଷ୍ଟ ବୋଲି ଉତ୍ତର ଦେଇଥିଲେ l ଜିଲ୍ଲା ପ୍ରଶାସନ  ଏଥିପ୍ରତି ଦୃଷ୍ଟି  ଦେବାସହ ନିର୍ମାଣ କାର୍ଯ୍ୟ ଠିକ ଭାବରେ ହେଉଛି କି ନାହିଁ ତଦନ୍ତ କରିବା ପାଇଁ ଜନସାଧାରଣରେ ଦାବି ହୁଏ l