15-Oct-2022

ପାଟଣାଗଡ଼(ପୂର୍ଣ ଶଶୀ ଶେଖର ରାଓ) ଏବେ ଆସିଛି ଦାଦନ ଋତୁ ବେଆଇନ ଦାଦନ ଶ୍ରମିକ ଚାଲାଣ କରିବା ପାଇଁ ସଜାଗ ହେଲେଣି ଦାଦନ ଦଲାଲ୍ ।ଧିରେ ଧିରେ କିଛି ମାତ୍ରାରେ ଦାଦନ ଶ୍ରମିକ ଚାଲାଣ ହେବାକୁ ଲାଗିଲେଣି । ବଲାଙ୍ଗିର ଜିଲ୍ଲା ପୋଲିସ ପ୍ରଶାସନ ପକ୍ଷରୁ ବେଆଇନ ଦାଦନ ଚାଲାଣ ରୋକିବାକୁ ପ୍ରୟାସ ଆରମ୍ଭ ହୋଇଥିଲେ ସୁଦ୍ଧା ଦାଦନ ଚାଲାଣ ଥମିବାର ନାଁ ନେଉନାହିଁ। କିଛି ସ୍ଥାନରେ ପୋଲିସ ପ୍ରଶାସନ କଡ଼ାକଡ଼ି କରିଛି କିନ୍ତୁ କିଛି ସ୍ଥାନରେ ଥାନା ଅଧିକାରୀ ମାନେ ସର୍ଦ୍ଦାର ମାନଙ୍କ ସହିତ ମିଳି ଭଗତରେ ଦାଦନ ଚାଲାଣ ହେଉଛି । ସୂଚନାଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଗମ୍ଭାରୀ ଛକ ଠାରେ ଖପ୍ରାଖୋଲ ପୋଲିସ ପେଟ୍ରୋଲିଂ କରୁଥିବା ବେଳେ ୯ ଜଣ ଦାଦନ ଶ୍ରମିକଙ୍କୁ ଉଦ୍ଧାର କରି ସର୍ଦ୍ଦାର କୁ ଗିରଫ କରିଥିବା ଜଣାପଡ଼ିଛି।ଲାଠୋର ଥାନା ତୁରେକେଲା ବ୍ଲକ ଖର୍ଲି ଗାଁ ର ଦାଦନ ସର୍ଦ୍ଦାର ବେଲାର ତାଣ୍ଡିକୁ ଧରି ଖପ୍ରାଖୋଲ ପୋଲିସ କେଶ୍ ନମ୍ବର  ୧୬୬/୨୨ ମାମଲା ରୁଜୁ କରି ପାଟଣାଗଡ଼ କୋର୍ଟ ଚାଲାଣ କରିଥିବା ଥାନା ଅଧିକାରୀ ରମାକାନ୍ତ ସାହୁ କହିଛନ୍ତି। ଉଦ୍ଧାର ହୋଇଥିବା ଶ୍ରମିକ ମାନେ ଲରମ୍ଭା ଥାନା ଅନ୍ତର୍ଗତ ଦମକିପାଲି ଗାଁର ବୋଲି ପୁଲିସ ସୂଚନା ଦେଇଛନ୍ତି।