12-Oct-2022

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) ଜିଲ୍ଳାସ୍ତରୀୟ ୧୭ ବର୍ଷରୁ କମ ବାଳକ, ବାଳିକାଙ୍କ ଫୁଟବଲ ଟୁର୍ଣାମେଣ୍ଟ ଅବସରରେ ଆଜି ସକାଳ ୬ ଘଣ୍ଟା ରେ ସ୍ଥାନିୟ ରୟାଲ ପଡିଆ ଠାରେ ସୁବର୍ଣ୍ଣପୁର ଏସ ପି ଅମରେଶ ପଣ୍ଡାଙ୍କ ପ୍ରତ୍ୟକ୍ଷ ତତ୍ୱାବଧାନ ଓ ସ୍ୱଚ୍ଛ ଭାରତ କୋଡିନେଟର ମନୋରଞ୍ଜନ ତ୍ରିପାଠୀ, ସାମ୍ବାଦିକ ସଞ୍ଜୟ ସାହୁଙ୍କ

ସଂଯୋଜନାରେ ଏକ ପଲିଥିନମୂକ୍ତ ମେଗା ଅଭିଯାନ କରାଯାଇଥିଲା l ଏହି ଅଭିଯାନରେ ଏସପି ଶ୍ରୀ ପଣ୍ଡା  ଏଇ ବିରାଟ ଖେଳ ପଡିଆରେ ସ୍ବେଛାସେବୀଙ୍କ ସହିତ ନିଜେ ପଲିଥିନ ଓ ଅଳିଆ ଆବର୍ଜନା ଉଠାଇ ସ୍ବେଛାସେବଙ୍କୁ ଉତ୍ସାହିତ କରିଥିଲେ ଓ ସାଧାରଣ ଜନତାଙ୍କୁ ସଚେତନତା କରାଇ ଥିଲେ l ଗତକାଲି ଅପରାହ୍ନ ୪ ଟା ସମୟରେ ମଧ୍ୟ  ଏହି ପଡିଆରେ

ଏସପି ଙ୍କ ତତ୍ତ୍ୱlବଧାନରେ ପଲିଥିନ ଓ କୁଢ଼ କୁଢ଼ ଆବର୍ଜନା ସଫେଇ  କରାଯାଇଥିଲା l ଏହି ଅଭିଯାନରେ  ଏସପି ଶ୍ରୀ ପଣ୍ଡାଙ୍କ ସହିତ  ସ୍ୱଚ୍ଛ ଭାରତ  ସଂଗଠନ, ଇନଫିନିଟି କ୍ଲବ, ରୟାଲ ସ୍ପୋଟିଂ ଫୁଟବଲ ଟିମ, ଭେଟେରାନ ଫୁଟବଲ ଟିମ,  ଭଲିବଲ ଟିମ ଓ ପୌର ପରିଷଦର କର୍ମଚାରୀ ସାମିଲ ଥିଲେ l ଦୀର୍ଘ ମାସରୁ ଜମି ରହିଥିବା ପଲିଥିନ ଓ ଅଳିଆ ସଫା ହେଲା ପରେ  ଏହି ପଡିଆର ସୌନ୍ଦର୍ଯ୍ୟକୁ ଦେଖି  ଆଜି ଏ ଅଞ୍ଚଳବାସୀ ଖୁସିବ୍ୟକ୍ତ କରି ଏସପି ଶ୍ରୀ ପଣ୍ଡା ଙ୍କ ସମେତ ସମସ୍ତ ସ୍ବେଛାସେବୀ ଓ କ୍ରୀଡ଼ାପ୍ରେମୀଙ୍କୁ ପ୍ରଶଂସା କରିଛନ୍ତି l