12-Oct-2022

ବରଗଡ/ନୂଆପଡ଼ା:-ନୂଆପଡା ଜିଲ୍ଲା ର ଖରିଆର ତହସିଲ ରେ କାର୍ଯ୍ୟରତ ଡାଟା ଏଣ୍ଟ୍ରି ଅପରେଟର୍ ଭୋଳାମହେଶ୍ୱର ଦଣ୍ଡସନା ଦିର୍ଘଦିନ ହେଲା କାମ କରିଆସୁଛନ୍ତି ।ହେଲେ ଦରମା ପାଇ ମଧ୍ୟ ବୋଧହୁଏ ଟଙ୍କା ଅଣ୍ଟୁନଥିବାରୁ ୧୫ ଜଣ ଙ୍କ ରେସିଡେସିଆଲ୍ ସାର୍ଟିଫିକେଟ ତହସିଲଦାର ଙ୍କ ହସ୍ତଗତ କରାଇବା ବାହାନାରେ ଟ୩୦,୦୦୦ଙ୍କା (ତିରିଶ ହଜାର ଟଙ୍କା

ମାତ୍ର) ଲାଞ୍ଚ ଖରିଆର ତହସିଲ ଅନ୍ତର୍ଗତ ରାନିମୁଣ୍ଡା ଗ୍ରାମର ୧୫ ଜଣ ଙ୍କୁ ଡିମାଣ୍ଡ କରିଥିଲେ ।ଏଠାରେ ଉଲ୍ଲେଖନୀୟ ଯେ,ସେଇ ଗ୍ରାମର ଗୋଟିଏ ପରିବାର ର ୮ ଜଣ ଙ୍କ ଏବଂ ଗ୍ରାମର ଆଉ ୭ ଜଣ ଙ୍କ ରେସିଡେସିଆଲ୍ ସାର୍ଟିଫିକେଟ ଜରୁରୀ ଥିବାରୁ ଉପରୋକ୍ତ ବ୍ୟକ୍ତି ମାନେ ତହସିଲ କାର୍ଯ୍ୟାଳୟ ର ଦ୍ୱାରସ୍ଥ ହୋଇଥିଲେ ‌।ହେଲେ କିଏ ଜାଣିଥିଲା ଏଇମାନଙ୍କ ମଧ୍ୟରୁ ନିତ୍ୟାନନ୍ଦ ହିଆଲ୍ ଭିଜିଲାନ୍ସ ବିଭାଗ ସହ ଯୋଗାଯୋଗ କରି ଆଜି ଅପରାହ୍ନ ୧.୩୦ ମିନିଟ ସମୟରେ ଖରିଆର ତହସିଲ ଅଫିସ ସମ୍ମୁଖରେ ଭିଜିଲାନ୍ସ ଜାଲରେ ଟଙ୍କା ସହ ଧରାପଡିଯାଇଥିଲେ ।ଭିଜିଲାନ୍ସ ବିଭାଗ ର ଡି.ଏସ.ପି ଦିନବନ୍ଧୁ ବେହେରା ଏକ ଟିମ୍ ଗଠନ କରି ହଠାତ

ତହସିଲ କାର୍ଯ୍ୟାଳୟ ରେ ଚଢାଉ କରିଥିଲେ ।ଚଢ଼ାଉ ସମୟରେ ଅନ୍ୟ ମାନଙ୍କ ମଧ୍ୟରେ କଳାହାଣ୍ଡି ଡି.ଏସ.ପି ସଦାନନ୍ଦ ପାଣି,ଭିଜିଲାନ୍ସ ଇନେସପେକ୍ଟର ପ୍ରମିଳା ସୁନା ଏବଂ ବିଭାଗୀୟ କର୍ମଚାରୀ ମାନେ ସହଯୋଗ କରିଥିଲେ ।ଅଭିଯୁକ୍ତ ଆସାମୀଙ୍କ ଘର ଖାଇରା ବୋଲି ଜଣାପଡିବାରୁ ସେଠାକୁ ଛାନଭିନ ପାଇଁ ଭିଜିଲାନ୍ସ ଦଳ ଯାଇ ତଦନ୍ତ ପରେ ଅଭିଯୁକ୍ତ ଭୋଲାମହେଶ୍ୱରଙ୍କୁ ଭବାନୀପାଟଣା ଭିଜିଲାନ୍ସ କୋର୍ଟ କୁ ହାଜର କରିବାକୁ ସାଙ୍ଗରେ ନେଇ ଯାଇଛନ୍ତି ।

(ବରଗଡରୁ ନିରଞ୍ଜନ ତ୍ରିପାଠୀଙ୍କ ସହ ନୂଆପଡ଼ା ରୁ ଡେନିସ୍ ରାଏ ଙ୍କ ରିପୋର୍ଟ)