09-Oct-2022

ବଲାଙ୍ଗିର --ଜିଲ୍ଲା ସାମ୍ବାଦିକ ସଂଘର ସଭାକକ୍ଷରେ  ସଂଘର  ସାଧାରଣ ପରିଷଦ ବୈଠକ ଓ ଆଗାମୀ ଦୁଇବର୍ଷ ପାଇଁ ନୂତନ କର୍ମକର୍ତ୍ତା ନିର୍ବାଚନ ସହମତି ଭିତ୍ତିରେ ଅନୁଷ୍ଠିତ  ହୋଇଯାଇଛି । ନୂତନ ଭାବରେ ଆଗାମି ଦୁଇ ବର୍ଷ ପାଇଁ ଶିବପ୍ରସାଦ ପରିଡା ସଭାପତି ଭାବରେ ନିର୍ବାଚିତ ହୋଇଥିବା ବେଳେ ସାଧାରଣ ସଂପାଦକ ଭାବରେ ଶିଶିରକାନ୍ତ ଶତପଥି ନିର୍ବାଚିତ ହୋଇଛନ୍ତି । 
    ବୈଠକର ପ୍ରାରମ୍ଭରେ ସଂଘର ସଭାପତି ହରିନାରାୟଣ ପୁଝାରୀଙ୍କ ସଭାପତିତ୍ୱରେ ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଥିଲା । ଏଥିରେ ଜିଲ୍ଲାର ତିନି ଗୋଟି ଉପଖଣ୍ଡର ସଦସ୍ୟମାନେ ଯୋଗଦେଇ ସାଙ୍ଗଠାନିକ ବ୍ୟାପାର ଉପରେ ଆଲୋଚନା କରିଥିଲେ । ସଂଘର ସାଧାରଣ ସମ୍ପାଦକ ବଳରାମ ମିଶ୍ର ବାର୍ଷିକ ବିବରଣୀ ପାଠ କରିଥିଲେ । ବିଗତ ବର୍ଷ ଗୁଡିକର  ସଂଘର ଆୟବ୍ୟୟର ବିବରଣୀ ସର୍ବସମ୍ମତି କ୍ରମେ ଗ୍ରୁହୀତ ହୋଇଥିଲା । ନୂତନ ସଦସ୍ୟମାନଙ୍କୁ ସ୍ୱାଗତ କରାଯିବା ସହ ସଂଘ ପ୍ରତି ନିଷ୍ଠାର ସହ ସଂଘକୁ ସଂଘୀୟ ଭିର୍ତିରେ ଆଗେଇ ନେବାକୁ ସଭାପତି ଶ୍ରୀ ପୁଝାରି ସମସ୍ତଙ୍କୁ ଆହ୍ୱାନ ଦେଇଥିଲେ । ସଂଘର ବିଭିନ୍ନ ସମସ୍ୟା ଓ ସଦସ୍ୟ ମାନଙ୍କର ସମସ୍ୟାକୁ କିପରି ଦୂର କରାଯାଇପାରିବ ସେ ସମ୍ପର୍କରେ ଉପସ୍ଥିତ ସଭ୍ୟ ମାନେ ନିଜସ୍ୱ ମତ ଦେଇଥିଲେ । 
    ସାଧାରଣ ପରିଷଦ ବୈଠକ ପରେ ସଭାପତି ଶ୍ରୀ ପୁଝାରୀଙ୍କ ଆହ୍ୱାନ କ୍ରମେ  ପୂର୍ବ କାର୍ଯ୍ୟକାରୀ କମିଟିର ନିଷ୍ପତି ଅନୁଯାୟି ସଂଘର ନୂତନ କର୍ମକର୍ତାଙ୍କ ନିର୍ବାଚନ କରିବା ସକାଶେ ବରିଷ୍ଠ ସାମ୍ବାଦିକ ସୁଭାଷ ଚନ୍ଦ୍ର ପଣ୍ଡାଙ୍କୁ ନିର୍ବାଚନ ଅଧିକାରୀ,ସହନିର୍ବାଚନ ଅଧିକାରୀ ଲକ୍ଷ୍ମୀ ନାରାୟଣ ପଟ୍ଟନାୟକଙ୍କୁ ନିର୍ବାଚନ ପରିଚାଳନା କରିବା ପାଇଁ ଦାୟିତ୍ୱ ଅର୍ପଣ କରାଯାଇଥିଲା । ସଂଘୀୟ ନୀତି ଓ ଆଦର୍ଶ ଭିର୍ତ୍ତିରେ ସଂଘର ଆଗାମୀ ଦୁଇବର୍ଷ ପାଇଁ ସଭାପତି ଭାବରେ ଶିବ ପ୍ରସାଦ ପରିଡା, ଉପସଭାପତି ଭାବରେ ବଳରାମ ମିଶ୍ର, ଦୀପକ ସମ୍ମାଦାର,ଲକ୍ଷ୍ମୀକାନ୍ତ ମିଶ୍ର ସାଧାରଣ ସମ୍ପାଦକ ଭାବରେ ଶିଶିରକାନ୍ତ ଶତପଥି, ସମ୍ପାଦକ ଭାବରେ ରଞ୍ଜିତ ବେହେରା,ଅଭୟ କୁମାର ତ୍ରିପାଠୀ, ସଞ୍ଜୟ ବେହେରା ସାଂଗଠାନିକ ସମ୍ପାଦକ ଭାବରେ ଶରତ କୁମାର ମିଶ୍ର ଓ କୋଷାଧ୍ୟକ୍ଷ ଭାବରେ ସୁନୀଲ କୁମାର ମହାନ୍ତି ସର୍ବସମ୍ମତି କ୍ରମେ ମନୋନୀତ ହୋଇଛନ୍ତି । ଠିକ ସେହିପରି  କାଯ୍ୟକାରୀ କମିଟି କୁ ମାନସ ରଞ୍ଜନ ମହାନ୍ତି ,ଶ୍ରିବତ୍ସ ବେହେରା,ସଦାଶିବ ସରାଫ, ବଂଶିଧର ସେଠ,ଚନ୍ଦ୍ରଭାନୁ ମୋଲଣା,ଶରତ କୁମାର ମହାକୁଡ,ବିମଳ ଚରଣ ହୋତା,ସତ୍ୟସୁନ୍ଦର ଭଞ୍ଜ,ଘଟେଶ୍ୱର ମିଶ୍ର ପ୍ରମୁଖ ମନୋନୀତ ହୋଇଥିଲେ ।ଉପଦେଷ୍ଠା କମିଟି ସଦସ୍ୟ ଭାବରେ ରାମ କୁମାର ଅଗ୍ରୱାଲ,ଗୋପବନ୍ଧୁ ଶତପଥୀ,ନବୀନ କୁମାର ପଶାୟତ,ସୁବାଷ ଚନ୍ଦ୍ର ପଣ୍ଡା, ହରିନାରାୟଣ ପୁଝାରୀ,ଦିଲୀପ କୁମାର ପୁରୋହିତ, ସୁଧିର ଚନ୍ଦ୍ର ପଣ୍ଡା,ସୋମନାଥ ଆଚାର୍ଯ୍ୟ ପ୍ରମୁଖ ସର୍ବସମ୍ମତି କ୍ରମେ ଆଗାମି ଦୁଇ  ବର୍ଷ ପାଇଁ ମନୋନିତ ହୋଇଛନ୍ତି । ନର୍ବନିର୍ବାଚିତ କର୍ମକର୍ତା ମାନଙ୍କୁ  ପୁର୍ବତନ ସଭାପତି  ହରିନାରାୟଣ ପୁଝାରୀ ପୁଷ୍ପ ଗୁଚ୍ଚ ଦେଇ ସ୍ୱାଗତ କରିବା ସହ ସଂଘର ଉତ୍ତୋରତର ଉନ୍ନତି ଦିଗରେ କାଯ୍ୟ କରିବାକୁ ଦିଗଦର୍ଶନ ଦେଇଥିଲେ ।ଏହି ଅବସରରେ ବାଲଙ୍ଗିର ଜିଲ୍ଲାର  ଦିଂବଗତ ସାମ୍ବାଦିକ ମାନଙ୍କ ଅମର ଆତ୍ମାର ସଦଗତୀ ନିମନ୍ତେ ଏକମିନିଟ ନୀରବ ପ୍ରାର୍ଥନା କରାଯାଇଥିଲା ।  ଶେଷରେ  ପୂର୍ବତନ ସାଧାରଣ ସମ୍ପାଦକ ବଳରାମ ମିଶ୍ର ଧନ୍ୟବାଦ ଅର୍ପଣ କରିଥିଲେ ।