05-Oct-2022

ବରଗଡ:-କପସିରଫ ନାମ ଟି ଶୁଣିଲେ ଆମେ କଫ, ଥଣ୍ଡା,କାସ ର ଔଷଧ ବୋଲି ଜାଣି ଥାଉ ।ହେଲେ ଏବେ ଯୁବକ ସମାଜ କପସିରଫ କୁ ନିଶା ଭାବେ ଆପଣାଇ ସାରିଛନ୍ତି ।କପିସିରଫ ଏବେ ଗଳିକନ୍ଦି ରେ ଘରେ ଘରେ ବିକ୍ରି ହେଉଛି।ଗୋଟିଏ ସିରଫ ର ଦାମ ୨୫୦ ଟଙ୍କା ହେଲେ ସାଧାରଣ ଲୋକଟି ଯଦି କୋଣସି ଔଷଧ ଦୋକାନ କୁ କିଣିବାକୁ ଯିବ, ଆଜିର ସମୟରେ ତାଙ୍କୁ ମିଳୁନି ଔଷଧ ।କାହିଁକି ନା ଏବେ ସହର ଠୁ ଗାଁ କୁ ବ୍ୟାପୀ ସାରିଲାଣି କପସିରଫ।କପସିରଫ ପିଇଲେ ପାଟିରୁ ଦୁର୍ଗନ୍ଧ ଆସେନି ବୋଲି ଯେଉଁମାନେ ବ୍ୟବହାର କରନ୍ତି ସେମାନେ କହନ୍ତି ।ଯେଉଁ ମାନେ ତାକୁ ନିଶା ପାଇଁ ପିଅନ୍ତି, ସେ ନିଶାଶକ୍ତ  ବୋଲି ଆପଣ ମାନେ ଜାଣିବି ପାରିବେ ନାହିଁ । ସେଥିପାଇଁ ଆଜିକାଲି ଯୁବକ ମାନେ ମଦ ନିଶା ଛାଡି କପସିରଫ ପ୍ରଚୁର ପରିମାଣରେ ପିଉଛନ୍ତି।ବର୍ତ୍ତମାନ ଦେଖିବାକୁ ଗଲେ ଯୁବ ପିଢ଼ି ନିଶାର ଶିକାର ହୋଇ ବିଭିନ୍ନ କ୍ରାଇମ କରିବାକୁ  ମଧ୍ୟ ପଛାଉନାହାନ୍ତି ।ଏମିତି ପ୍ରତ୍ୟେକ ଦିନ ନିଶା ସେବନ କରି ଗାଁ ରୁ ସହର କୁ ଆସୁଥିବା ନୀରିହ ଲୋକଙ୍କୁ ଡରାଇ ଧମକାଇ ଟଙ୍କା ଅସୁଲି କରୁଛନ୍ତି କରୁଥିବା ଖବର ରହିଛି । ଆଉ କେତେବେଳେ ନୀରିହ ଲୋକଙ୍କୁ ମାଡ଼ ମଧ୍ୟ ହେଉଛି।ଏମିତି ପ୍ରତ୍ୟେକ ଦିନ ଚାଲିଛି ପଦ୍ମପୁର ସହରରେ।କପସିରଫ ରୋକିବା ପାଇଁ ପଦ୍ମପୁର ସହର ରେ ଏକ ବୈଠକ ମଧ୍ୟ କରାଯାଇଥିଲା । ବୈଠକର ପ୍ରଭାବ ରେ କିଛି ଦିନ ଧର ପଗଡ଼ କଲେ ପୁଣି ଚୁପଚାପ ରେ ପୋଲିସ ପ୍ରଶାସନ । କାରଣ କ'ଣ ? ଛୋଟ ଛୋଟ ମାଫିଆ ଙ୍କୁ ଧରି ଜେଲ ପଠାଇଲେ ହେଲେ ପଦ୍ମପୁର ସହରର ବଡ଼ ବଡ଼ ପୁରୁଣା ମାଫିଆ କୁ ଛାଡି ଦିଆଗଲା କାହିଁକି ?ପୁଣି ବେଧଡକ ଚାଲିଲା କପସିରଫ ବିକ୍ରି । ଏବେ କିଛି ଦିନ ତଳେ କପସିରଫ ବିକ୍ରି ବନ୍ଦ କରାଯାଉ ଓ ବିକ୍ରି କରୁଥିବା ମାଫିଆ ଙ୍କୁ ଗିରଫ କରାଯାଉ ବୋଲି ଦାବି ମଧ୍ୟ କରିଥିଲେ ପଦ୍ମପୁର ବିଜେପି ସାଂସଦ ପ୍ରତିନିଧି ତଥା କାଉନସିଲର ଚିନ୍ମୟ କୁମାର ପଣ୍ଡା।ହେଲେ ସାଂସଦ କଥା ମଧ୍ୟ ଶୁଣିଲେ ନାହିଁ ପ୍ରଶାସନ।ଏବେ ସନ୍ଦେହ ଘେରରେ ପୋଲିସ ପ୍ରସାଶନ । କଣ ପୋଲିସ କପସିରଫ ମାଫିଆ ଙ୍କ ସହ ସମ୍ପର୍କ ନାହିଁ ତ ? ଯଦି ସମ୍ପର୍କ ନାହିଁ ତାହେଲେ ବଡ଼ ବଡ଼ ପୁରୁଣା ମାଫିଆ ଙ୍କୁ କାହିଁକି ଗିରଫ କରୁନି ଡ୍ରଗ୍ସ ବିଭାଗ ଓ ପୋଲିସ।ବରଗଡ଼ ଏସପି ଏ ଉପରେ ନିହାତି ଭାବରେ ଦୃଷ୍ଟି ଦେବା ଜରୁରୀ ବୋଲି ସାଧାରଣ ରେ ଚର୍ଚ୍ଚା ଜୋର ଧରିଛି।