22-Sep-2022

କଳାହାଣ୍ଡି ,ଧର୍ମ ଗଡ଼(ତ୍ରିନାଥ ବେଶ୍ରା )
ଆଜି ମନରେଗା ଆଇନର ସଫଳ ରୂପାୟନ ପାଇଁ ନାଗରିକ ବିକାଶ ସଂଗଠନ କଳାହାଣ୍ଡି ଧର୍ମଗଡ ବ୍ଲକ ସଂଗଠନ ତରଫରୁ ଧର୍ମଗଡ଼ ବ୍ଲକ୍ ଗୋଷ୍ଠୀ ଉନ୍ନୟନ ଅଧିକାରୀ ଓ ପ୍ରୋଗ୍ରାମ ଅଧିକାରୀ ଙ୍କୁ ମନରେଗା  ର  ୧୨ଗୋଟି ଦାବୀ ସମୂହ (ସ୍ମାରକ ପତ୍ର) ପ୍ରଦାନ କରିଥିଲେ । ଦାବୀ ଗୁଡିକ ରେ ମନରେଗା ଶ୍ରମିକ ମାନଙ୍କୁ ସରକାରଙ୍କ ଆଇନ ର ପରିସର ରେ ସଫଳ ରୂପାୟନ ନିମନ୍ତେ କିଛି ସମସ୍ୟା ଥିବାରୁ ଯୋଜନା ମାଧ୍ୟମରେ ସ୍ଥାୟୀ ଢାଞ୍ଚା ସୃଷ୍ଟି କରି ଦାରିଦ୍ର୍ୟ ଦୂରୀକରଣ ପାଇଁ ତୁରନ୍ତ ପଦକ୍ଷେପ ନେବା ସହ କାର୍ଯ୍ୟ କରିବାକୁ ସଂଗଠନ ମାଧ୍ୟମରେ ଦାବୀ ଜଣାଇଥିଲେ। ସରକାର ଙ୍କ ମନରେଗା ଯୋଜନାରେ ଶ୍ରମିକମାନଙ୍କ ନିମିତ୍ତ ଅନେକ ସୁବିଧା ସୁଯୋଗ ଯୋଗାଇ ଦେବାକୁ ଯଥା ୭ରୁ୧୫ ଦିନ ମଧ୍ୟରେ ମଜୁରୀ  ପ୍ରଦାନ କରିବା, ସର୍ବନିମ୍ନ ୮୦୦ଟଙ୍କା ନିମନ୍ତେ ଆଇନ ଗତ ବ୍ୟବସ୍ଥା କରିବା, ଶ୍ରମିକ ମାନଙ୍କୁ ଆବଶ୍ୟକୀୟ ଉପକରଣ ବାବଦକୁ ଖର୍ଚ୍ଚ ଓ କାର୍ଯ୍ୟ କ୍ଷେତ୍ରରେ ଉପକରଣ ଉପଲବ୍ଧ କରିବା,୧୦%ଯାତାୟତ ଖର୍ଚ୍ଚ ପ୍ରଦାନ, ଭଳି ୧୨ଗୋଟି ଦାବୀ ଦିଆଯାଇଥିଲା । ଏଥିରେ ସଂଗଠନ ର କର୍ମୀ   ଧର୍ମଗଡ଼ ବ୍ଲକ୍ ସଂଯୋଜକ ଜଗନ୍ନାଥ ଶଗଡ଼ିଆ,ଜନସାଥି ଯୋଗେନ୍ଦ୍ର ଖମାରୀ  ଏବଂ ସଂଗଠନ ର କିଛି ସଦସ୍ୟ ମାନେ ଉପସ୍ଥିତ ରହିଥିଲେ ।