19-Sep-2022

ଆଜି ବାଲାଙ୍ଗୀର ଜ଼ିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ଟାଉନ ବାଳିକା ହାଇସ୍କୁଲ ଠାରେ ସାଇବର କ୍ରାଇମ ଓ ସୋସିଆଲ ମିଡ଼ିଆ ର ଅପ ବ୍ୟବହାର ଉପରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏଥିରେ ଜ଼ିଲ୍ଲା ଆଇନ ସେବା ପ୍ରାଧିକରଣର ସଚିବ  ବିନୟ କୁମାର ପାତ୍ର ମୁଖ୍ୟ ଅତିଥି ରୂପେ ଯୋଗ ଦେଇ  କୋମଳମତି ଛାତ୍ର ଛାତ୍ରୀ ମାନେ ମୋବାଇଲ ହ୍ଵାଟ୍ସଆପକୁ ଖୁବ କମ ବ୍ୟବହାର କରି ସେଥିରୁ ଶିକ୍ଷଣୀୟ ବିଷୟ ସବୁକୁ ଅନୁକରଣ କରିବାକୁ ଏବଂ ନିଜର ଉଜ୍ବଳ ଭବିଷ୍ୟତ ଗଢି ଭଲ ମଣିଷ ହୋଇ ସମାଜ ପ୍ରତି ନିଜ ନିଜର ଦାୟିତ୍ୱ କର୍ତ୍ତବ୍ୟ ନିଭାଇବାକୁ ପରାମର୍ଶ କରିଥିଲେ l ଏହି ଶିବିରର ଆୟୋଜକ ହାଇସ୍କୁଲର ସମସ୍ତ ଷ୍ଟାଫ କୁ ପ୍ରଶଂସା କରିଥିଲେ  l ସାଇବର ସେଲ ପୋଲିସ ଷ୍ଟେସନ ଭାରପ୍ରାପ୍ତ ଥାନା ଅଧିକାରୀ ଭାରତୀ ନାଏକ, ସବ- ଇନ୍ସପେକ୍ଟର ଅଭିନାଶ ନାଏକ ସମ୍ମାନିତ ଅତିଥି ଭାବେ ଯୋଗ

ଦେଇ ସାଇବର କ୍ରାଇମ ଓ ସୋସିଆଲ ମିଡ଼ିଆ ର ଅପ ବ୍ୟବହାର ଯୋଗୁଁ  ଯୁବକ ଯୁବତୀ ଓ ସମାଜ ଉପରେ କିଭଳି ଖରାପ ପ୍ରଭାବ ପଡୁଛି  ଏବଂ ଏହାକୁ ରୋକିବା ଦିଗରେ ଆମ ସମସ୍ତେ  କିଭଳି ସଜାଗ ଓ ସଚେତନ ହେବା,ସାଙ୍ଗ ସାଥି ଓ ପାଖ ପଡୋଶl ଲୋକଙ୍କୁ  ସଚେତନ କରିବା ସେ ଦିଗରେ  ବିସ୍ତାର ଭାବେ  ବୁଝାଇଥିଲେ l  ସରକାରୀ ଟାଉନ ବାଳିକା 5 T ହାଇସ୍କୁଲର ପ୍ରଧାନ ଶିକ୍ଷକ ନରେନ୍ଦ୍ର ନାଥ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭା ରେ ସ୍କୁଲ ର ସମସ୍ତ ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ, ଛାତ୍ରଛାତ୍ରୀ, ଓ ଆଇନ ସେବା ପ୍ରାଧିକରଣ ର ସମସ୍ତ ସଭ୍ୟ ଯୋଗ ଦେଇ ଥିଲେ l