12-Sep-2022

ବରଗଡ:-ବରଗଡ଼ ଜିଲ୍ଲା ବରପାଲି ଠାରେ ପଶ୍ଚିମ ଓଡ଼ିଶା ସୁନାରି ସମାଜର ଏକ ସାଧାରଣ ବୈଠକ ଅନୁଷ୍ଠିତ ହୋଇ ଯାଇଛି। ଏଥିରେ ପଶ୍ଚିମ ଓଡ଼ିଶା ସୁନାରି ସମାଜର ସଭାପତି ତଥା ବରିଷ୍ଠ ଆଇନଜୀବି ଗୈନ୍ତିଆ କୁମାର ସାହୁ ଯୋଗଦାନ କରିଥିଲେ। ବରପାଲି ସମାଜର ସଭାପତି ସତ୍ୟନାରାୟଣ ଚିନ୍ଦରା ଓ ସଂଗଠକ ଯୋଗେନ୍ଦ୍ର ଚିନ୍ଦରା ଙ୍କ ସମେତ ସମସ୍ତ ସଦସ୍ୟ ଉକ୍ତ କାର୍ଯ୍ୟକ୍ରମକୁ ସୁନ୍ଦର ଭାବରେ ପରିଚାଳିତ କରିଥିବାବେଳେ ପଶ୍ଚିମ ଓଡ଼ିଶାର ସମସ୍ତ ଜିଲ୍ଲା ରୁ ସମାଜର ମୁଖ୍ୟ ବ୍ୟକ୍ତି ବିଶେଷ ଯୋଗଦାନ ଦେଇ ସମାଜର ବିଭିନ୍ନ ବିଷୟରେ ଆଲୋଚନା କରିବା ସହ ଆସନ୍ତା ଦିନରେ ବରପାଲି ଠାରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ପାଳନ କରିବା ପାଇଁ ମନସ୍ଥ କରିଛନ୍ତି । ଆସନ୍ତା ଦିନରେ ବରପାଲି ଠାରେ ହେବାକୁ ଥିବା ନୂଆଁଖାଇ ଭେଟଘାଟ କାର୍ଯ୍ୟକ୍ରମ ରେ ସମାଜର ସମସ୍ତ ବ୍ୟକ୍ତି ଯୋଗଦାନ ଦେବାପାଇଁ ଘୋଷଣା କରାଯାଇଛି ।