12-Sep-2022

ବରଗଡ: ଅତାବିରା ସ୍ଥିତ  ଆନନ୍ଦ କଲ୍ୟାଣ  ମଣ୍ଡପ ଠାରେ  ଅତାବିରା  ଫୋଟୋଗ୍ରାଫି ସଂଗଠନ ପକ୍ଷରୁ  ନୂଆଁଖାଇ ଭେଟ ଘାଟ  ଅନୁଷ୍ଠିତ ହୋଇଯାଇଛି । ସଂଗଠନର ସଭାପତି ସଞ୍ଜୟ ରଥ ଙ୍କ ସଭାପତିତ୍ବରେ ଆୟୋଜିତ ଏହି କାର୍ଯ୍ୟକ୍ରମରେ ସମାଜସେବୀ ରିଙ୍କେଶ ମିଶ୍ର  ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ଡଃ ଶଙ୍କର ରାମ ଚନ୍ଦାନି, ରାଜ୍ୟ ଫଟୋଗ୍ରlଫର ସଂଗଠନର ସମ୍ପାଦକ ଜବେଦ ଟିଟୋ, ଥାନା ଅଧିକାରୀ  ଅନିଲ ପ୍ରଧାନ, ଶାଖା ପରିଚାଳକ  ଅଭିଷେକ  ଦେବତା ସମ୍ମାନିତ ଅତିଥି ରୂପେ ମଞ୍ଚାସୀନ ଥିଲେ । ତର୍ପଣ ପ୍ରଧାନ  ଅତିଥି ପରିଚୟ  ସହ ସ୍ଵାଗତ ଅଭିଭାଷଣ ଦେଇଥିଲେ ।  ଅତିଥି ମାନଙ୍କ ଦ୍ଵାରା ମାଁ ସମଲେଶ୍ଵରୀଙ୍କ ଫଟୋଚିତ୍ର ଦୀପ ପ୍ରଜ୍ବଳନ ପୂର୍ବକ ପୁଷ୍ପମାଲ୍ୟ ଅର୍ପଣ କରାଯିବା ପରେ ସମବେତ   ଜାତୀୟ ସଙ୍ଗୀତ  ଗାନ କରି  ଦେଶ ମାଟିକୁ ସମ୍ମାନ ଜଣାଇଥିଲେ ।ଏହାପରେ ଦିବଂଗତ ଆତ୍ମା ମାନଙ୍କ

ପାଇଁ ନୀରବ ପ୍ରାର୍ଥନା କରାଯାଇଥିଲା। ସୁଦାମ ଚରଣ ମିଶ୍ର  ବାର୍ଷିକ ବିବରଣୀ ପଠନ କରିଥିଲେ ।ଏହି ଅବସରରେରେ କୋଶଳ ତର୍ପଣ ପ୍ରଧାନଙ୍କ ସହଯୋଗରେ  ବରିଷ୍ଠ ଫଟୋଗ୍ରlଫିକ ଷ୍ଟଲ  ସଂଘ ଓ ସାମ୍ବାଦିକ  ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ।  ଏହି ସମ୍ବର୍ଦ୍ଧନା   କାର୍ଯ୍ୟକ୍ରମ ପରେ ସରୋଜ ରଥ ଙ୍କ ସ୍ବରଚିତ "ମାଟିର ମହକ" ପୁସ୍ତକ ଅତିଥି ମାନଙ୍କ ଦ୍ଵାରା ଉନ୍ମୋଚିତ ହୋଇଥିଲା । ନାରାୟଣ ବେହେରା ଓ ସାଥୀ  ଉଦଯାପନୀ ସଙ୍ଗୀତ ଗାନ  କରିଥିଲେ । ସୁଦାମ ଚରଣ  ମିଶ୍ର ଧନ୍ୟବାଦ୍ ଅର୍ପଣ କରିଥିଲେ । ଶେଷରେ ମନୋରଞ୍ଜନ ପାଇଁ ସାଂସ୍କୃତିକ କାର୍ଯ୍ୟକ୍ରମ  ଓ ନୂଆଁଖାଇ ଭେଟଘାଟ ଦ୍ଵାରା ପରସ୍ପର ମଧ୍ୟରେ ଭାବ ବିନିମୟ   କରିଥିଲେ।