11-Sep-2022

ବଲାଙ୍ଗୀର,(ପ୍ରେରଣା ଖବର)-ବଲାଙ୍ଗୀର ନିକଟସ୍ଥ ପଥରଚେପା ଆଦର୍ଶସ୍କୁଲଠାରେ ଜିଲ୍ଲାର ୧୪ଟି ଆଦର୍ଶସ୍କୁଲକୁ ନେଇ ଜିଲ୍ଲାସ୍ତରୀୟ ପ୍ରତିଷ୍ଠାଦିବସ ପାଳିତ ହୋଇଯାଇଛି । ସକାଳ ୯ଟାରୁ ମୋଟ ୪୯୭ଜଣ ବିଭିନ୍ନ ପ୍ରତିଯୋଗିତାରେ ଭାବନେଇଥିବା ଛାତ୍ରଛାତ୍ରୀଙ୍କୁ ନେଇ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିରେ ତର୍କ,କ୍ୱିଜ,ସୋଲୋଡେନ୍ସ,ସୋଲୋଏକ୍ସନ,ଗ୍ରୁପଡେନ୍ସ ଇତ୍ୟାଦି ୨୫ଟି ଇଭେଣ୍ଟରେ ପ୍ରତିଯୋଗୀତା ହୋଇଥିଲା । ମୋଟ ୨୫ଟି ଇଭେଣ୍ଟରୁ ବଲାଙ୍ଗୀର ପଥରଚେପା ଆଦର୍ଶସ୍କୁଲକୁ ମୋଟ ୧୦ଟି ଇଭେଣ୍ଟରେ ପ୍ରଥମସ୍ଥାନ ଓ ୫ଟିରେ ଦ୍ୱିତୀୟସ୍ଥାନ ମିଳିଥିବା ଜଣାଯାଇଛି । ପ୍ରତିଯୋଗୀତା ପରେ ସଂଧ୍ୟା୬ଟାରେ ଏକ ସଭା ଅନୁଷ୍ଠିତ ହୋଇଥିଲା । ବଲାଙ୍ଗୀର ଆଦର୍ଶସ୍କୁଲର ନୋଡାଲ ଅଧ୍ୟକ୍ଷ କ୍ଷମାନିଧି ଝାଙ୍କରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବରେ ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା , ସମ୍ମାନୀତ ଅତିଥି ଭାବରେ ବଲାଙ୍ଗୀର ଜିଲ୍ଲାଶିକ୍ଷା ଅଧିକାରୀ

ଧୃବଚରଣ ବେହେରା,ମହିମୁଣ୍ଡା ସ୍କୁଲର ଅଧ୍ୟକ୍ଷ ଅଶୋକ ଖଟୁଆ,ବିବିନା ଆଦର୍ଶସ୍କୁଲର ଅଧ୍ୟକ୍ଷ ଗୋଲକଚନ୍ଦ୍ର ମଲ୍ଲିକ ଯୋଗଦେଇ ଛାତ୍ରଛାତ୍ରୀଙ୍କୁ ଉଦବୋଧନ ଦେବା ସହିତ କୃତୀଛାତ୍ରଛାତ୍ରୀଙ୍କୁ ପୁରସ୍କାର ବିତରଣ କରିଥିଲେ । ଜିଲ୍ଲାପାଳ ତାଙ୍କ ବକ୍ତବ୍ୟରେ ଛାତ୍ରଛାତ୍ରୀମାନେ ସ୍କୁଲଜୀବନରୁ ହିଁ ସଫଳତାର ସ୍ୱପ୍ନ ଦେଖିଥାନ୍ତି ଓ ପରିବର୍ତ୍ତି ସମୟରେ ତାହା ତାଙ୍କ ଜୀବନରେ ପ୍ରତିଫଳିତ ହୋଇଥାଏ ବୋଲି କହିଥିଲେ । ଏହି ଅବସରରେ ସମାଜସେବା ପାଇଁ ବରିଷ୍ଠ ଡାକ୍ତର ଡ.ନନ୍ଦକିଶୋର ପାଢୀ ଓ କଳାସଂସ୍କୃତି ପାଇଁ ମୂରଲୀଧାରୀ ପତିଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମରେ ବଲାଙ୍ଗୀର ଜିଲ୍ଲାର ୧୪ଟି ବ୍ଲକ ଅଞ୍ଚଳରେ ଥିବା ୧୪ଟି ଆଦର୍ଶବିଦ୍ୟାଳୟର ଛାତ୍ରଛାତ୍ରୀ,ଶିକ୍ଷକ/ଶିକ୍ଷୟୀତ୍ରୀ ଓ ଅଭିଭାବକଗଣ ଯୋଗଦେଇଥିଲେ । ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ପରିବେଷଣ କରାଯାଇଥିଲା ।