08-Sep-2022

ସୋନପୁର,-ସୁବର୍ଣ୍ଣପୁର ଜିଲ୍ଲା ଜୁନିୟର ରେଡକ୍ରସ୍ ତରଫରୁ ମେଧାବୀ ଛାତ୍ରଙ୍କୁ ଆର୍ଥିକ ସହାୟତା ପ୍ରଦାନ କରାଯାଇଛି । ସୋନପୁର, ଶିଶୁ ମନ୍ଦିରରେ ଅଧ୍ୟୟନ କରୁଥିବା ଛାତ୍ର କ୍ରିସ୍ ନାଏକ ମାଟ୍ରିକ୍ ପରୀକ୍ଷା-୨୦୨୨ ରେ ୮୨% ମାର୍କ ରଖି ପାଶ କରିଛନ୍ତି । ମାଟ୍ରିକ ପରୀକ୍ଷାର ଅବ୍ଯବହିତ ପୂର୍ବରୁ ତାଙ୍କ ବାପା ଆର ପାରିକୁ ଚାଲି ଯାଇଥିଲେ । ତଥାପି ସେ ଦୁଃଖରେ ଭାଙ୍ଗି ନପଡି ଧୈର୍ଯ୍ୟର ସହିତ ନିଜର ପାଠ ସମ୍ପାଦନ କରିଥିବାରୁ ଏଭଳି ସଫଳତା ହାସଲ କରିଛନ୍ତି। ତାଙ୍କ ବିଦ୍ୟାଳୟର ସୁବ୍ରତ ଗୁରୁଜୀ କ୍ରିସଙ୍କ ମାଆଙ୍କ ତରଫରୁ +2  ପଢିବା ନିମନ୍ତେ କିଛି ଆର୍ଥିକ ସହାୟତା ଯୋଗାଇ ଦେବାକୁ ଅନୁରୋଧ କରିଥିଲେ। ଏହି କଥାକୁ ଦୃଷ୍ଟିରେ ରଖି ଜିଲ୍ଲା ଜୁନିୟର ରେଡ୍ କ୍ରସ୍ ଅଫିସର ଶ୍ରୀ ପ୍ରସାୟତ ବରିଷ୍ଟ ସାଧନ କର୍ମୀ ଚନ୍ଦ୍ରମଣୀ ବାଘ, ହୃଷିକେଶ ଡାଙ୍ଗ , ପରାମର୍ଶଦାତା ହେମନ୍ତ ମେହେର, ଜୁନିୟର ରେଡ୍ କ୍ରସ୍ ପରାମର୍ଶଦାତା ତଥା ରକ୍ଷକ ସାଧନ କର୍ମୀ ଗୋପେଶ ପଣ୍ଡା ପ୍ରମୁଖ ଅସହାୟ ଗରିବ ପରିବରକୁ ଭେଟି ରାଜ୍ କଲେଜରେ କ୍ରିସ୍ ର ନାମ ଲେଖା ତଥା ବହିପତ୍ର କିଣିବା ପାଇଁ ଦଶହଜାର ଟଙ୍କାର ସହାୟତା ରାଶି ପ୍ରଦାନ କରିଛନ୍ତି। ଜିଲ୍ଲା ଶିକ୍ଷା  ଅଧିକାରୀ ଲକ୍ଷ୍ମଣ ଭୋଇ ଜୁନିଅର  ରେଡକ୍ରସର ଏଭଳି ମହନୀୟ କାର୍ଯ୍ୟରେ ଖୁସି ବ୍ୟକ୍ତ କରିଛନ୍ତି । ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଡା. ରାଧାକାନ୍ତ ଗଡ଼ତିଆ ଏବଂ ମଞ୍ଜୁଲତା ଭୋଇ, ସଂପାଦକ ହିମାଂଶୁ ଶେଖର କର, ଉପ ସଭାପତି ଗତିକୃଷ୍ଣ ମିଶ୍ର, ରାଜ୍ୟ ଜୁନିୟର ରେଡକ୍ରସ୍ ଅଧିକାରୀ ଲକ୍ଷ୍ମଣ ସ୍ଵାଇଁ ପ୍ରମୁଖ ସୁବର୍ଣ୍ଣପୁର ଜିଲ୍ଲାର ଜୁନିୟର ରେଡକ୍ରସର ଏଭଳି ମାନବୀୟ ତଥା ଲୋକାଭିମୁଖି କାର୍ଯ୍ୟକ୍ରମକୁ ଅଧିକ କ୍ରିୟାଶୀଳ କରିବାକୁ ଆହ୍ଵାନ ଦେଇଛନ୍ତି । ଉକ୍ତ ପ୍ରୋତ୍ସାହନ ମୂଳକ ପାଣ୍ଠି ସଂଗ୍ରହ ତଥା ସହାୟତା ପ୍ରଦାନ କାର୍ଯ୍ୟକ୍ରମରେ ଜିଲ୍ଲା ଜୁନିୟର ରେଡକ୍ରସର ସାଧନ କର୍ମୀ ତଥା ପରାମର୍ଶଦାତା ଆଶିଷ ନାଏକ, ଗୌରୀଶଙ୍କର ସାହୁ, ସସ୍ମିତା ସାହୁ, ନିମାଇଁ ମଲ୍ଲିକ, କୁମୁଦ କୁମାର ମଝାରୀ, ଧୃବ ବାରିକ, ତପସ୍ଵିନୀ ଦାଶ, ଦେଵକୀ ବାଘ, ରମେଶ ପଧାନ ଆକୁନ୍ଦ ସାହୁ ପ୍ରମୁଖ ସାମିଲ ହୋଇଥିଲେ ।