24-Aug-2022

ପଦ୍ମପୁର(ନରହରୀ ବଗର୍ତ୍ତୀ)ପଦ୍ମପୁର ଉପଖଣ୍ଡ  ଆଞ୍ଚଳିକ କୃଷକ ଶ୍ରମିକ ସଂଘ ସଭାପତି ଶ୍ରୀ ଗୋବର୍ଦ୍ଧନ ଭୂଏଙ୍କ ନେତୃତ୍ବରେ ଏକ ପ୍ରତିନିଧି ଦଳ ପ୍ରଧାନମନ୍ତ୍ରୀ ଫସଲ ବୀମା ପ୍ରଦାନ ଦାବୀ,ମରୁଡ଼ି ର ସ୍ଥାୟୀ ପ୍ରତିକାର ପାଇଁ ଅଙ୍ଗ ନଦୀବନ୍ଧ ଜଳସେଚନ ପ୍ରକଳ୍ପ ନିର୍ମାଣ ପାଇଁ ଉପ ଜିଲ୍ଲାପାଳ ପଦ୍ମପୁରଙ୍କ ଜରିଆରେ  ମୂଖ୍ୟମନ୍ତ୍ରୀଙ୍କୁ ଦାବି ଜଣାଇଥିଲେ। ପଦ୍ମପୁର

ସବଡିଭିଜନ ଅନ୍ତର୍ଗତ ଅନେକ ଶିକ୍ଷିତ ଯୁବକ ନିଜ ନାମ ପଞ୍ଜିକରଣ ପାଇଁ ପଦ୍ମପୁର ସବ ରେଜିଷ୍ଟ୍ରାର ଅଫିସ ନ ଥିବାରୁ ବରଗଡ଼ ଯାଇ ଖର୍ଚ୍ଚାନ୍ତ ଏବଂ ହଇରାଣ ହେଉଛନ୍ତି। ସେଥିପାଇଁ ଆଜି ବୁରୋମୁଣ୍ଡା, ଫିରିଙ୍ଗିମାଳ ର ଯୁବକ ମାନଙ୍କ ସହ ଉପ ଜିଲ୍ଲାପାଳଙ୍କୁ ପଦ୍ମପୁର ରେ ସବ ରେଜିଷ୍ଟ୍ରାର ଅଫିସ ଖୋଲିବାକୁ ଦାବୀ କରିଥିଲେ । ଆଗାମୀ ଦିନରେ ଯଦି ଦାବି ପୁରଣ ନ ହୁଏ ତେବେ ଆନ୍ଦୋଳନତ୍ମକ ପନ୍ଥା ଗ୍ରହଣ କରିବାକୁ ସଂଘ ପକ୍ଷରୁ ଚେତାବନୀ ଦିଆ ଯାଇଛି  ।