22-Aug-2022

ବରଗଡ଼:-ବରଗଡ଼ ଜିଲ୍ଲା ବିଜେପୁର ବ୍ଲକ ପୁଞ୍ଜିପଥର ହାଇସ୍କୁଲରେ ବ୍ଲକସ୍ତରୀୟ କ୍ରୀଡା ଶିକ୍ଷକ ସମ୍ମିଳନୀ ସୋମବାର ଅନୁଷ୍ଠିତ ହୋଇଯାଇଛି। ସ୍ଥାନୀୟ ପ୍ରଧାନ ଶିକ୍ଷକ ଚୂଡାମଣି ବଢେଇଙ୍କ ଅଧ୍ଯକ୍ଷତାରେ ସାଧାରଣ ସଭା ହୋଇଥିଲା। ଗୋଷ୍ଠୀ ଶିକ୍ଷା ଅଧିକାରୀ  ଶ୍ରୀମାନ ସୁରେଶ କୁମାର ରାଉତରାୟ ମୁଖ୍ଯ ଅତିଥି, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମାନ ସୁଶାନ୍ତ କୁମାର ପାଣ୍ଡେ, କ୍ରାଡା ଶିକ୍ଷକ ସଂଘର ସଭାପତି ଶ୍ରୀମାନ ସଚିଦାନନ୍ଦ ପଧାନ, ପୂର୍ବତନ ବ୍ଲକ ସଂପାଦକ ଶ୍ରୀମାନ ସୁରେନ୍ଦ୍ର ମୋହନ ପଧାନ ପ୍ରମୁଖ ସମ୍ମାନୀତ ଅତିଥି ଭାବେ ମଞ୍ଚାସୀନ ଥିଲେ। ଚଳିତ ବର୍ଷ ପାଇଁ ବାର୍ଷିକ କ୍ୟାଲେଣ୍ଡର ତଥା ବ୍ଲକସ୍ତରୀୟ କ୍ରୀଡା ପାଇଁ ସ୍ଥାନ ଚୟନ କରାଯାଇଥିଲା।ଦିବଂଗତ ମହବେରନା ହାଇସ୍କୁଲର କ୍ରୀଡା ଶିକ୍ଷକ ଦେବାନନ୍ଦ ସାହୁଙ୍କ ଉଦ୍ଦେଶ୍ଯରେ ଦୁଇ ମିନିଟ ପ୍ରାର୍ଥନା କରାଯାଇଥିଲା।

ଦିବଂଗତ କ୍ରୀଡା ଶିକ୍ଷକଙ୍କ ସଂପର୍କରେ ଶିକ୍ଷକଗଣ ସ୍ମୃତି ଚାରଣ କରିଥିଲେ।ସ୍ଥାନୀୟ ହାଇସ୍କୁଲର ଛାତ୍ରୀଗଣ ପ୍ରାରମ୍ଭିକ ସଂଗୀତ ଗାନ କରିଥିଲେ। ବ୍ଲକ ସଂପାଦକ ବିଶିକେଶନ ମେହେର ବାର୍ଷିକ ବିବରଣୀ ପଠନ କରିଥିଲେ।ଫକୀର ମୋହନ ସାହୁ ଅତିଥି ପରିଚୟ ପ୍ରଦାନ କରିଥିଲେ। କ୍ରୀଡା ଶିକ୍ଷକ ସରୋଜ କୁମାର ପୁରୋହିତ ସମ୍ମିଳନୀକୁ ସଂଚାଳନ କରିଥିଲେ। ଏଥିରେ ବିଭିନ୍ନ ବିଦ୍ୟାଳୟରୁ ୨୮ଜଣ କ୍ରୀଡା ଶିକ୍ଷକ ଯୋଗଦାନ କରିଥିଲେ। ଶେଷରେ ବାଳକୃଷ୍ଣ ପୋଢ଼ ଧନ୍ଯବାଦ ଅର୍ପଣ କରିଥିଲେ।