14-Aug-2022

ବିନିକା(ହିମାଂଶୁ ଶେଖର ପୁଟେଲ) ଗତ ୮ ଦିନ ହେଲା ପ୍ରବଳ ବର୍ଷା ଓ ଗତକାଲି ହୀରାକୁଦ ଜଳଭଣ୍ଡାରରୁ ୩୬ଟି ଗେଟ ଯୋଗେ ଜଳ ନିଷ୍କାସନ ହେବାପରେ ବିନିକା ଦେଇ ପ୍ରବାହିତ ମହାନଦୀରେ ଅଟାଳ ତାଳ ପାଣି ଫୁଲିଉଠି କୂଳ ଉଛୁଲୁଛି । ମହାନଦୀକୁ ସଂଯୋଗ କରୁଥିବା

ନଦୀ,ନାଲ,ନାଲିଆ,ଜୋରରେ ଭରପୁର ପାଣି ପ୍ରବାହିତ ହୋଇ ମହାନଦୀରେ ମିଶୁଥିବାରୁ ମହାନଦୀର ପାଣି ଆହୁରି ମାତ୍ରାରେ ବଡ଼ିବାରେ ଲାଗିଛି l ପାଣି ବଡୁଥିବା ଯୋଗୁଁ ନଦୀ କୁଳିଆ ଲୋକେ ଏକ ପ୍ରକାର ଆତଙ୍କିତ ଅବସ୍ଥାରେ ଜୀବନ ବିତାଉଥିବା ଜଣାପଡିଛି l ସୂଚନା ଯୋଗ୍ୟଯେ ୧୯୮୨ମସିହା ଠାରୁ ଅଦ୍ୟାବଧି ପ୍ରାୟ ୭/୮ଥର ମହାନଦୀରେ ପ୍ରଳୟଙ୍କରୀ ବନ୍ୟା ଆସିଛି l ବନ୍ୟା ସମୟରେ ବର୍ଷାପାଣି ନିଷ୍କାସନ ହୋଇ ନ ପାରିବା ଓ ମହାନଦୀରେ ବନ୍ୟାପାଣି ବିନିକା ବିଜ୍ଞାପିତ ପରିଷଦ ଅଧିନସ୍ତ ଗାଁ ମାନଙ୍କରେ ଓ ସହରର ବିଭିନ୍ନ ତଳିଆ ସ୍ଥାନକୁ ମାଡି ଆସିବା ଯୋଗୁଁ ଅଭାବନୀୟ ପରିସ୍ଥିତି ସୃଷ୍ଟି ହୋଇଥାଏ l ବିନିକା ସହର ସମେତ ପର୍ଯ୍ୟଟନ ସ୍ଥଳୀ ପlପକ୍ଷୟ ଘାଟ,ରହିଲା,ଭମରପାଲି, ଗୋଲାପଡ଼ା ଓ ବ୍ଲକ ଅଞ୍ଚଳର ମନିଗାଁ,ଝରlପଡ଼ା, ଗନେଷପୂର୍, ସେଲେଡି, ତୁଲୁଣ୍ଡୁପାଲି ଝରlପଡ଼ା,ଗରିଆପାଲି, କରତଂଙ୍ଗ, ଘୋଡ଼ାଧର,ପଣ୍ଡକିତାଳ ପ୍ରଭୃତି ଗାଁ ମାନଙ୍କରେ ବନ୍ୟା  ପାଣି ପଶି ବ୍ୟାପକ କ୍ଷୟକ୍ଷତି ଘଟାଇଥlଏ l ଏଥର ମହାନଦୀରେ ବନ୍ୟା ଆଶଙ୍କା ସେଭଳି ନ ଥିଲେବି ପୂର୍ବରୁ ଘଟିଯାଇଥିବା ବନ୍ୟାର ତାଣ୍ଡବ ଲୀଳା ଅଙ୍ଗେ ନିଭାଇି ଆସିଥିବା ନଦୀକୂଳିଆ ଗାଁ ଲୋକେ ଭୟଭୀତ ହୋଇ ପଡିଛନ୍ତି l ନଦୀ କୁଳିଆ ଗାଁ ମାନଙ୍କରେ  ପଥର ଆଡ଼ିବନ୍ଧ ନିର୍ମାଣ କରାଯିବାକୁ ଦୀର୍ଘବର୍ଷ ହେଲା ଦାବି ହୋଇ ଆସୁଛି l ହେଲେ ଏନେଇ କୌଣସି ପଦଷେପ ନିଆ ଯାଉ ନ ଥିବାରୁ ଗାଁ ଲୋକଙ୍କ ମଧ୍ୟରେ ଅସନ୍ତୋଷ ବଡ଼ିବlରେ ଲାଗିଛି l ବିଶେଷ କରି ଅଙ୍ଗନଦି ଓ ମହାନଦୀ ମୁହାଣରେ ଥିବା ଗ୍ରାମବାସୀଙ୍କ ଅବସ୍ଥା କହିଲେ ନସରେ l କାରଣ ଏମାନେ ବିପଦକୁ ବାଜି ଲଗାଇ ବନ୍ୟାର ସମ୍ଭୁଖିନ ହୋଇଥାନ୍ତି lଅନ୍ୟ ପକ୍ଷରେ ମହାନଦୀରେ ବନ୍ୟା ପାଣି ପ୍ରବାହିତ ହେବାରୁ ବିନିକା ରାମପୁର ରାସ୍ତାର ମଗର କୁଣ୍ଡା ବ୍ରିଜ ଉପରକୁ ପାଣି ଝଲସୁଛି l  ସେହିପରି ଗୋଲାପଡl ଗ୍ରାମର ତଳିଅଞ୍ଚଳ,ସିନ୍ଦୂରପୁର ପଞ୍ଚାୟତ ର ଝରାପଡ଼ା,ସେଳେଡି ପଞ୍ଚାୟତର ଝରାପଡ଼ା ଆଦି ଅଞ୍ଚଳ ସାରା ପାଣି ମାଡି ଯାଇଥିବାରୁ ଶହଶହ ହେକ୍ଟର ଚାଷ ଜମି ପାଣିରେ ବୁଡି ରହିଛି । ସେହିପରି ବିନିକା ଯୋଗେଶ୍ୱର ମନ୍ଦିର ପଟଦେଇ ଗୁଳାପଡ଼ାକୁ ଯାଇଥିବା ରାସ୍ତାରେ ବନ୍ୟା ପାଣି ପ୍ରବାହିତ ହେଉଥିବାରୁ ଯୋଗାଯୋଗ ବିଚ୍ଛିନ୍ନ ହୋଇ ପଡ଼ିଛି l ଯଦି ବର୍ଷା ଲlଗିରୁହେ ଓ ହୀରାକୁଦ ଜଳଭଣ୍ଡାରରୁ ଅଧିକା ଗେଟ ଖୋଲାଯାଏ ତେବେ ବିନିକା ଅଞ୍ଚଳରେ ବନ୍ୟା ପରିସ୍ଥିତି ପୂର୍ବଭଳି ସୃଷ୍ଟି ହେବାର ଆଶଙ୍କା ରହିଛି ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି l ଖବର ପାଇ ତ୍ୱରିତ ପୂର୍ବତନ ମନ୍ତ୍ରୀ ତଥା ବୀରମହାରାଜପୁର ବିଧାୟକ ପଦ୍ମନାଭ ବେହେରା ବିନିକା ଗସ୍ତରେ ଆସି ବନ୍ୟା ପାଣି ମାଡିଥିବା ୨/୩ନଂ ୱାର୍ଡର ବିଭିନ୍ନ ସ୍ଥାନ ବୁଲି ଲୋକଙ୍କ ସହିତ

କଥାବାର୍ତ୍ତା ହୋଇଥିଲେ ।ବନ୍ୟାରେ ପ୍ରଭାବିତ ଲୋକଙ୍କ ସମସ୍ୟା ସମାଧାନ ଦିଗରେ ତ୍ୱରିତ ପଦକ୍ଷେପ ନେବାପାଇଁ ସ୍ଥାନୀୟ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି । ଏହି ଗସ୍ତ ଅବସରରେ ନଗରପାଳ ସୁବାସ ଚନ୍ଦ୍ର ଭୋଇ, ଉପନଗରପାଳ ତପସ୍ୱିନୀ ମେହେର,କାର୍ଯ୍ୟନିର୍ବାହୀ  ଅଧିକାରୀ ଶ୍ରୀକୁମାର ରଥ,ବିଜେଡ଼ି ନଗର ସଭାପତି ସୋମନାଥ ମିଶ୍ର, ହାଡୁ ମେହେର, ପୀତବାସ ମେହେରଙ୍କ ସମେତ ପରିଷଦର  କାଉନସିଲର,କର୍ମଚାରୀ ଉପସ୍ଥିତ ଥିଲେ ।