13-Aug-2022

କଣ୍ଟାବାଞ୍ଜି(ଆନନ୍ଦ ମୋଟେ): ତୁରେକେଲା ବ୍ଳକ ଅନ୍ତର୍ଗତ କମେଇମୁଣ୍ଡା ପଞ୍ଚାୟତର ପଖନମୁଣ୍ଡା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ବିଦ୍ୟାଳୟର ପ୍ରଧାନଶିକ୍ଷକ ତଥା ରେଡକ୍ରସ କର୍ମୀ ବିରଂଚି ନାରାୟଣ ଦାଶଙ୍କ ନେତୃତ୍ବରେ ସର୍ବ ପ୍ରଥମେ ନିଶା ମୁକ୍ତ ଭାରତ ପାଇଁ ଛାତ୍ରଛାତ୍ରୀ ତଥା ଶିକ୍ଷକବୃନ୍ଦ ଶପଥ ଗ୍ରହଣ କରିଥିଲେ।ତାପରେ ବିଶ୍ବ ହସ୍ତୀ ଦିବସ ଉପରେ ପ୍ରକୃତିବଂଧୁ ଶ୍ରୀ ଦାଶ ଆଲୋକପାତ କରିଥିଲେ।ସାରା ଦେଶ ଆଜାଦୀକା ଅମୃତ ମହୋତ୍ସବ ପାଳନ କରୁଥିବା ସମୟରେ ବିଦ୍ୟାଳୟରେ ମଧ୍ୟ ହର ଘର ତ୍ରିରଙ୍ଗା ଘର ଘର ତ୍ରିରଙ୍ଗା କାର୍ଯ୍ୟକ୍ରମ କରାଯାଇଥିଲା।ସର୍ବ ପ୍ରଥମେ ଛାତ୍ରଛାତ୍ରୀ ମାନଙ୍କୁ ଆଜାଦୀକା ଅମୃତ ମହୋତ୍ସବ ଉପରେ ଶିକ୍ଷକବୃନ୍ଦ ଧାରଣା ଦେଇଥିଲେ।

ତାପରେ ଛାତ୍ରଛାତ୍ରୀ ମାନେ ହାତରେ ଜାତୀୟ ପତାକା ଧରି ବିଭିନ୍ନ ଶ୍ଳୋଗାନ ଦେଇ ଗାଁ ପରିକ୍ରମା କରିଥିଲେ।ଗାଁ ପରିକ୍ରମା ସମୟରେ ଗ୍ରାମବାସୀ ମାନଙ୍କୁ ପ୍ରତ୍ୟେକ ଘରେ ଜାତୀୟ ପତାକା ଉତ୍ତୋଳନ କରିବାକୁ କହିବା ସହିତ କିଛି ଗ୍ରାମବାସୀମାନଙ୍କୁ ତ୍ରିରଙ୍ଗା ପତାକା ଦିଆଯାଇଥିଲା।ବିଦ୍ୟାଳୟ କୁ ଫେରିବା ପରେ ଖାଦ୍ୟ ଖାଇବା ପରେ ଜାତୀୟ କୃମି ନାଶକ ଦିବସ ଅବସରରେ ଆଶାକର୍ମୀ ତିଲମତି କୁମ୍ଭାର କୃମି ନାଶକ ବଟିକା ଛାତ୍ରଛାତ୍ରୀ ମାନଙ୍କୁ ଖାଇବାକୁ ଦେଇଥିଲେ।ଏହି ସବୁ କାର୍ଯ୍ୟକ୍ରମରେ ଶିକ୍ଷକ ମନୋଜ କୁମାର ତାଣ୍ଡି,ବିଶେଶ୍ୱର ମୁଦୁଲି, ଅଲେଖ ବନଗୋଲା, ସୁରଜ ଛତ୍ରିଆ, ନରେଶ ତାଣ୍ଡି ତଥା ପରିଚାଳନା କମିଟିର ସଭାପତି କୈବଲ୍ୟ ମାଝୀ ସମେତ ସମସ୍ତ ସଭ୍ୟ ସଭ୍ୟା ସହଯୋଗ କରିଥିଲେ।