09-Aug-2022

କଟକ:(ପ୍ରେରଣା ଖବର )-ବାବା ଧବଳେଶ୍ୱର ସାରସ୍ୱତ ପରିଷଦ, ଓଡିଶା ଦ୍ୱାରା ଆୟୋଜିତ ସେବା ଓ ଅଧ୍ୟାତ୍ମିକ କାର୍ଯ୍ୟକ୍ରମରେ,ବରିଷ୍ଠ ସାରସ୍ୱତ ସାଧକ ତଥା କବି ଶ୍ରୀଯୁକ୍ତ ବିପିନ ବିହାରୀ ବାରିକ, ସହଦେବ ଖୁଣ୍ଟା ବାଲେଶ୍ୱର ଙ୍କୁ ତାଙ୍କର ଅଧ୍ୟାତ୍ମିକ ସାହିତ୍ୟ କୃତୀ ତଥା  ସାମାଜ ମଙ୍ଗଳ କାର୍ଯ୍ୟ ପାଇଁ "ଭୋଳାଶଙ୍କର ସାହିତ୍ୟ ସମ୍ମାନ -୨୦୨୨"ରେ ସମ୍ବର୍ଦ୍ଧିତ କରିଛନ୍ତି । ଶ୍ରୀଯୁକ୍ତ ବାରିକ କାନାରା ବ୍ୟାଙ୍କରୁ ସେବା ନିବୃତ୍ତ ହେବାପରେ ନିଜକୁ ସାହିତ୍ୟ ସେବାରେ ସମ୍ପୂର୍ଣ ନିୟୋଜିତ କରିଛନ୍ତି ।  ବ୍ୟାସକବି ସାହିତ୍ୟ ସଂସଦ ଗୋଡ଼ିଶୋଳ, ନୀଳଗିରି ବାଲେଶ୍ୱରର ସଭାପତି ଓ ସାହିତ୍ୟିକ କବି ବନ୍ଧୁ ପରିବାର, ବାଲେଶ୍ୱରର ଉପଦେଷ୍ଟା  ସମେତ  ବହୁ ସାରସ୍ୱତ ଅନୁଷ୍ଠାନ ଓ ଅଧ୍ୟାତ୍ମିକ ସଂସ୍ଥା ସହିତ  ଜଡ଼ିତ, ସେ ଭଦ୍ରକଜିଲ୍ଲା,ବାସୁଦେବ ପୁର ଥାନା ଖେଡୁଆଳ ଗ୍ରାମର ମୂଳ ବାସିନ୍ଦା ଅଟନ୍ତି । ପ୍ରକାଶ ଥାଉକି, ପବିତ୍ର ଶ୍ରାବଣ ମାସର ପ୍ରତ୍ୟେକ ସୋମବାର ଧବଳେଶ୍ୱର ମହାଦେବଙ୍କ ସହିତ ପାଖରେ ଥିବା ଅନ୍ୟ ଶୈବ ପୀଠ ଗୁଡିକୁ ଜଳାଭିଷେକ କରିବାକୁ ଯାଉଥିବା କାଉଡିଆ ମାନଙ୍କୁ ଖାଦ୍ୟ ପାନୀୟ ସମେତ ବିଭିନ୍ନ ସେବା ଯୋଗାଉଥିବ କଟକ ସହରର  ପ୍ରାୟ ଦଶଟି ଯୁବକ ସଂଘର ଓ  ଅନୁଷ୍ଠାନର ସଭାପତି ଓ ସମ୍ପାଦକ ତଥା , ବିଭିନ୍ନ କ୍ଷେତ୍ରରେ ଯଶସ୍ବୀ କେତକ ବ୍ୟକ୍ତି 
ବିଶେଷ ମାନଙ୍କୁ ମଧ୍ୟ ଏହି ଅବସରରେ ବାବା ଧବଳେଶ୍ୱର ସାରସ୍ୱତ ପରିଷଦ ଦ୍ୱାରା ସମ୍ବର୍ଦ୍ଧିତ କରାଯାଇଥିଲା ।
ସାହିତ୍ୟ ତଥା ସମାଜ ସେବା ପ୍ରତି ଅନୁଷ୍ଠାନର ଏହି ସମ୍ମାନ ପାଇଁ ସେ ଅନୁଷ୍ଠାନର ସଭାପତି ଶ୍ରୀମତୀ ବିଜୟଲକ୍ଷ୍ମୀ ସାମନ୍ତରାୟ ଓ ସମ୍ପାଦକ ଶ୍ରୀଯୁକ୍ତ ସଂଗ୍ରାମ କେଶରୀ ସାମନ୍ତରାୟଙ୍କୁ ସାଧୁବାଦ ଜଣାଇଛନ୍ତି ।