08-Aug-2022

ବଲାଙ୍ଗୀର(ପ୍ରେରଣା ଖବର)-ବଲାଙ୍ଗୀର ତହସିଲରେ ବହୁଚର୍ଚ୍ଚିତ  ଜମି କେଳେଙ୍କାରୀ ପରେ ତହସିଲଦର ନିଲମ୍ବିତ ହେଲେ ଏବଂ  ଏଠାରେ ଜଣେ ଏଡିସନଲା ତହସିଲଦାରଙ୍କୁ ଦାୟିତ୍ୱ ଦିଆଗଲା । ଏବେ ଏଡିସନାଲ ତହସିଲଦାର ଜଣକ ଛୁଟିରେ ରହିଥିବା ଯୋଗୁଁ ବଲାଙ୍ଗୀର ତହସିଲରେ ଜମବାଡି ସଂକ୍ରାନ୍ତୀୟ କାମ ଠାରୁ ଆରମ୍ଭ କରି ବିଭିନ୍ନ ସାଟିର୍ଫିକେଟ ଇସ୍ୟୁ ପର୍ଯ୍ୟନ୍ତ କୌଣସି କାମ  ହୋଇପାରୁ ନାହିଁ । ବର୍ତ୍ତମାନ ସ୍କୁଲ କଲେଜ ଏଡ୍‌ମିସନ ସମୟରେ ଜାତିଗତ ପ୍ରମାଣପତ୍ର, ଲିଗାଲ ହେୟାର କିମ୍ବା ସ୍ଥାୟୀ ପ୍ରମାଣପତ୍ର ଟିଏ ପାଇବା ପାଇଁ ଜଣକୁ ମାସ ମାସ ଧରି ତହସିଲକୁ ଦୌଡିବାକୁ ପଡୁଛି । ଏ ସଂକ୍ରାନ୍ତରେ ଆଜି ବଲାଙ୍ଗୀର ଓକିଲ ସଂଘର ବହୁ ସଭ୍ୟ ବଲାଙ୍ଗୀର ତହସିଲ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ ସହ ଧାରଣା ରେ ବସିଥିଲେ । ତହସିଲ ଅଫିସରେ ଲାଗିଥିବା ଅଚଳାବସ୍ଥାକୁ ଦୁର କରିବା ସହ ଏଠାରେ ଜଣେ ସ୍ଥାୟୀ ଏଡିସନlଲ୍ ତହସିଲଦାରଙ୍କୁ ନିଯୁକ୍ତି ଦେବା ପାଇଁ ଓକିଲ ମାନେ ଦାବି କରିଛନ୍ତି । ସଂଘର ଯୁଗ୍ମ ସମ୍ପାଦକ ସୁମିତ କୁମାର ଖୁଆସଙ୍କ ନେତୃତରେ ଆଜିର ଏହି ଧାରଣାରେ ସଂଘର ସଭ୍ୟ ଶ୍ରୀନିବାସ ରାଓ, ଉପସଭାପତି ସରୋଜ ଗୁପ୍ତା, ସୁରେନ୍ଦ୍ର ମିଶ୍ର, ଦେବେନ ପାଣିଗ୍ରାହୀ, ବାଳକୃଷ୍ଣ ଷଡଙ୍ଗୀ, ସୁବ୍ରତ ରଣା, ପ୍ରଭାସ ମିଶ୍ର, ସବ୍ୟସାଚୀ ହୋତା, ଦୟାନିଧି ସତପଥୀ ପ୍ରମୁଖ ସାମିଲ ହୋଇଥିଲେ । ପରେ ଉପଜିଲ୍ଲାପାଳ ଘଟଣାସ୍ଥଳରେ ପହଞ୍ଚି ଓକିଲ ମାନଙ୍କୁ ବୁଝାସୁଝା କରିବା ସହ ସାଧାରଣ ଲୋକଙ୍କ ଅସୁବିଧାକୁ ଦୃଷ୍ଟିରେ ରଖି ଖୁବଶୀଘ୍ର ଏଠାରେ ଜଣେ ଏଡିସନlଲ ତହସିଲଦାରଙ୍କୁ ନିଯୁକ୍ତି  ଦିଆଯିବ ବୋଲି ପ୍ରତିଶୃତି ଦେବା ପରେ ଓକିଲ ମାନେ ଧାରଣାରୁ ଓହରି ଥିଲେ ।