07-Aug-2022

ବଲାଙ୍ଗିର, ବଲାଙ୍ଗିର ଜିଲାରେ ଆଗାମୀ ଅଗଷ୍ଟ ୯ ତାରିଖ ଠାରୁ ୫୦ ଦିନ ବ୍ୟାପୀ କ୍ରାନ୍ତି ଓ ଜାଗୃତି ସମାରୋହ ପାଳନ କରାଯିବାକୁ ଆଜି ବଲାଙ୍ଗିର ସାମ୍ବାଦିକ ଭବନ ଠାରେ କମିଟିର ସଭାପତି ପ୍ରଫେସର ଶିବପ୍ରସାଦ ନନ୍ଦଙ୍କ ଦ୍ଵାରା ଆହୁତ ଏକ ସାମ୍ବାଦିକ ସମିଳନୀରେ ସୂଚନା ଦିଆଯାଇଛି। କ୍ରାନ୍ତି ଦିବସ ଅଗଷ୍ଟ ୯ ତାରିଖରୁ ଆରମ୍ଭ ହୋଇ ସେପ୍ଟେମ୍ବର ୨୯ ତାରିଖ ପର୍ଯ୍ୟନ୍ତ ୫୦ ଦିନ ବ୍ୟାପୀ ଏହି ମହୋତ୍ସବର ବିବରଣୀ ପ୍ରଦାନ କରାଯାଇଥିଲା। ଜିଲ୍ଲାରେ ସ୍ଵିକୃତୀ ପ୍ରାପ୍ତ ସ୍ଵାଧୀନତା ସଂଗ୍ରାମୀ ୯ ଜଣଙ୍କ ବ୍ୟତୀତ ସ୍ଵାଧୀନତା ସଂଗ୍ରାମରେ ଆହୁରି ଅନେକଙ୍କ ଅବଦାନ ଥିଲା ଯାହାର ତାଲିକା ପ୍ରସ୍ତୁତ ସହିତ ଏହି ଉପଲକ୍ଷେ ଏକ ସ୍ମରଣିକା ପ୍ରକାଶ କରାଯିବ। ଏହାଦ୍ବାରା ବର୍ତ୍ତମାନ ପିଢ଼ିକୁ ପରିଚିତ କରିବା ଓ ଆଗାମୀ ପୀଢିକୁ ଖୋରାକ୍ ଦେବା ପାଇଁ ଚିନ୍ତା କରାଯାଇଛି। ସ୍ଵାଧୀନତାର ୭୫ ବର୍ଷ ପାଳନ ସମଗ୍ର ଦେଶରେ ଆଜାଦି କା ଅମୃତ ମହୋତ୍ସବ ପାଳନ ଅବସରରେ ଏହି ଉତ୍ସବ ଅୟୋଜନ କରାଯାଇଛି। ବିଭିନ୍ନ କାର୍ଯ୍ୟକ୍ରମ ଭିତରେ ସ୍କୁଲ କଲେଜର ଛାତ୍ରଛାତ୍ରୀ ମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ସମେତ ତିନୋଟି ସେମିନାର, ରାଲି ଆୟୋଜିତ କରିବାକୁ ନିଷ୍ପତି ନିଆଯାଇଛି। ଉତ୍ସବରେ ୯ ତାରିଖ ସକାଳ ୯ଟା ରେ ଏକ ରାଲି ଆଠଗାଁ ରୁ ବଲାଙ୍ଗିରକୁ ଆସିବ। ଏଠାରେ ତାଙ୍କୁ ସ୍ଵାଗତ ସହିତ ବିଭିନ୍ କାର୍ଯ୍ୟକ୍ରମର ଆରମ୍ଭ ହେବ।

ଏହି ଉପଲକ୍ଷେ ଆୟୋଜିତ ସାମ୍ବାଦିକ ସମିଳନୀରେ ଚିତ୍ତ ରଞ୍ଜନ ଦାଶ, ବିରେନ୍ଦ୍ର କୁମାର ଝାଙ୍କର, ଗୋପାଳଜୀ ପାଣିଗ୍ରାହୀ, ମନୋରଞ୍ଜନ ସାହୁ, ଅଖିଳ ଚନ୍ଦ୍ର ହୋତା, ମୁକେଶ ବହିଦାର, ସୋମନାଥ ମିଶ୍ର, ଦିନେଶ ଶର୍ମା ପ୍ରମୁଖ ମଞ୍ଚାସୀନ ଥିଲେ l

(ବଲାଙ୍ଗିର ଜିଲ୍ଲା ରୁ ଅନ୍ତର୍ଯ୍ୟାମୀ ସାହୁ ଙ୍କ ରିପୋର୍ଟ୍)