04-Aug-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠି) ସଦର ଟାଉନ ଥାନା ପୋଲିସ ପାଂଚ ଜଣ ଲୁଟେରା ବା ଦୁର୍ବୁତ୍ତ ଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି  l ଅଭିଯୁକ୍ତମାନଙ୍କ ପାଖରୁ ଗୋଟିଏ କାର ଓ ଗୋଟିଏ ବାଇକ ସହିତ ଏକ ଆଇରନ ରଡ ,ଏକ ପ୍ଲାଷ୍ଟିକ ରଡ ଓ ଗୋଟିଏ ହକି ଷ୍ଟିକ ସହିତ ପାଞ୍ଚୋଟି ମୋବାଇଲ ଜବତ କରାଯାଇଛି  ।ଏମାନେ ଗତ 1 ତାରିଖରେ ହରଡଖୋଲ ଗ୍ରାମ ର ମନୋଜ କୁମାର ପୁରୋହିତକୁ ମାଡଧର କରିବା ସହିତ ତେଲନଦୀ ବ୍ରିଜକୁ ନେଇ ଫିଙ୍ଗି ଦେବାର ଉଦ୍ୟମ କରିଥିଲେ  ।ଏପରିକି ମନୋଜ ପାଖରୁ ତିନି ହଜାର ଟଂକା ଛଡାଇ ଆଣିଥିଲେ  ।ପୋଲିସ ବିନିକା ଓ ମନମୁଣ୍ଡା ଥାନା ଅଧିନରେ ବିଭିନ୍ନ ମାମଲାରେ ଅଭିଯୁକ୍ତମାନେ ଜଡିତ ଥିବା ଜାଣି ପାରିଛି  ।ଏହି ଅଭିଯୁକ୍ତମାନେ ବିିଭିନ୍ନ ଅସାମାଜିକ ଓ ବେଆଇନ କାର୍ଯ୍ୟରେ ଲିପ୍ତ ଥିବା ପୋଲିସ ନିଜ ଅନୁସଂଧାନରୁ ଜାଣି ପାରିଛି  ।ଅଭିଯୁକ୍ତମାନେ ହେଲେ ସହରର ପଟାଭାଡିର ଶଶାଙ୍କ ଶେଖର ମିଶ୍ର ,ବାଲିଯୋରୀ ଗାଁର ପୁରୁଷୋତ୍ତମ ସୁନା ,ସହରର ସୁନିଲ ଏଲିଆସ (ଛୋଟୁ ) ,ସୟଦ ନସିବ ଓ ଇନ୍ଦ୍ରଜିତ ସାହୁ ବୋଲି ଏସ ପି ସୂଚନା ଦେଇଛନ୍ତି  ।ଏପରିକି ଏହି ଦୁର୍ବୁତ୍ତମାନେ ବିଭିନ୍ନ ଗୁଣ୍ଡାଗର୍ଦ୍ଦି କାର୍ଯ୍ୟରେ ସଂପୃକ୍ତ ଥିବା ବେଳେ ପୋଲିସକୁ ପୀଡିତ ଲୋକେ ଭୟରେ ରିପୋର୍ଟ ଦେଉ ନ ଥିବା ଜଣା ପଡିଛି ।ଫଳରେ କ୍ରିମିନାଲ ମାନଙ୍କୁ ସାୱାର୍ଡ କରିବାକୁ ହେଲେ, ଆଇନ ର ଶାସନ ଭିତର କୁ ଆଣିବାକୁ ହେଲେ ଜନସାଧାରଣ ଭୟଭୀତ ନ ହୋଇ ପୋଲିସକୁ  ଜଣାଇବା ପାଇଁ ଏସ ପି ଅନୁରୋଧ କରିଛନ୍ତି  । ତେବେ ଗତ 1 ତାରିଖ ଘଟଣାରେ ପୋଲିସ ଅଭିଯୁକ୍ତମାନଙ୍କୁ ଗିରଫ କରି ଆଜି କୋର୍ଟ ଚାଲାଣ କରୁଥିବା ଜିଲ୍ଲା ଆରକ୍ଷୀ ଅଧିକ୍ଷକ ଅମରେଶ ପଣ୍ଡା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି l ଶେଷ ରେ ସୋନପୁର କଲେଜ ର 72 ଲକ୍ଷ ଟଙ୍କା  କୁ  ଉଦ୍ଧାର କରିବାକୁ ଓ ଆମ ପୋଲିସ ବ୍ୟବସ୍ଥା ମାଧ୍ୟମରେ ସହର ର ଟ୍ରାଫିକ ସମସ୍ୟା ଓ  ଆଇନ ଶୃଙ୍ଖଳା କୁ ନିୟନ୍ତ୍ରଣ କରିବାକୁ  ସାମ୍ବାଦିକ ମାନଙ୍କ ସହିତ  ଆଲୋଚନା କରିଥିଲେ l