03-Aug-2022

ବଲାଙ୍ଗୀର(ଅନ୍ତର୍ଯ୍ୟାମୀ ସାହୁ)-ବର୍ତ୍ତମାନ ଚାଷ ଅମଳର ସମୟ ଚଳିତ ଖରିପ ଋତୁରେ ଆବଶ୍ୟକତା ଠାରୁ କମ ବର୍ଷା ହୋଇଥିବା ଯୋଗୁଁ ଚାଷୀକୁ ମରୁଡି ଚିନ୍ତା ଏବେ ଠାରୁ ଘାରିଲାଣି । ବର୍ତ୍ତମାନ ଚାଷୀ ବର୍ଷାକୁ ଚାତକ ପରି ଚାହିଁ ବସିଥିବା ବେଳେ ସରକାରଙ୍କ ଦବାରା ତିଅଅରି ହୋଇଥିବା ଲିଫ୍ଟ ଇରିଗେସନ ପଏଣ୍ଟ ଗୁଡିକ ଅଚଳ ହୋଇ ପଡିଛି । କେଉଁଠି ଜେନେରେଟର ଖରାପ ହୋଇଛି ତ କେଉଁଠି ଲିଫ୍ଟ ଇରିଗେସନ ପଏଣ୍ଟ ର ପମ୍ପ ଅଚଳ ହୋଇଛି । କୃଷି ଓ କୃଷକର ଏପରି କିଛି ଅଭାବବନୀୟ ଚିତ୍ର ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକରେ । ଲୋଇସିଂହା ବ୍ଲକର ଏକାଧିକ ଇରିଗେସନ ପଏଣ୍ଟ ଅଚଳ ହୋଇ ପଡିଥିବା ଯୋଗୁଁ ଚାଷୀ ଜମିକୁ ପାଣି ମଡାଇ ପାରୁ

ନାହିଁ । ଲିଫ୍ଟ ଇରିଗେସନ ପଏଣ୍ଟ ର ମରାମତି ଦିଗରେ ଜିଲ୍ଲା ପ୍ରଶାସନ କୌଣସି ତତ୍ପରତା ଦେଖାଉନଥିବା ଯୋଗୁଁ ଆଗକୁ ଚାଷ କିପରି ହୋଇ ପାରିବ ସେ ନେଇ ଚିନ୍ତାରେ ଅଛନ୍ତି । ଗତକାଲି ଲୋଇସିଂହା ଏଗ୍ରିକେଲଚର୍ ଓଭରସିୟର ଜୟନ୍ତି ନାୟକ ଲୋଇସିଂହା ବ୍ଲକର ବିଭିନ୍ନ ଗ୍ରାମକୁ ଯାଇ ଏହି ଲିଫ୍ଟ ଇରିଗେସନ ପଏଣ୍ଟ ଗୁଡିକର ତଦାରଖ କରିଥିଲେ । ଲୋଇସିଂହା ବ୍ଲକର ଘୁଙ୍ଗି ପଂଚାୟତରେ ଚାରୋଟି, ଲଙ୍କାବାହାଲରେ ଗୋଟିଏ, କରକଚିଆର

ଗୋଟିଏ ଓ କୁସମେଲରେ ତିନୋଟି ଲିଫ୍ଟ ଇରିଗେସନ ପଏଣ୍ଟ ସଂପୂର୍ଣ୍ଣ ଅଚଳ ହୋଇପଡିଥିବା ଜଣାପଡିଛି । ତେବେ ଏ ନେଇ ଉପରିସ୍ଥ ଅଧିକାରୀଙ୍କୁ ରିପୋର୍ଟ ଦେବାପରେ ଏହା ଚାଷିର କାମରେ ଆସିାପାରିବ ବୋଲି ଶ୍ରୀମତୀ ନାୟକ ଆମ ପ୍ରତିନିଧିଙ୍କୁ ସୂଚନା ଦେଇଛନ୍ତି ।