01-Aug-2022

 ବଲାଙ୍ଗୀର, -   ତରଭା ବ୍ଲକ ମେଣ୍ଡା ସ୍ଥିତ ମହର୍ଷି ବୁଦ୍ଧରାମ ଡିଗ୍ରି ମହାବିଦ୍ୟାଳୟରେ ସ୍ବର୍ଗତ ବିଶିଷ୍ଟ ଐତିହାସିକ , ଲିପିତତ୍ତ୍ୱବିଦ , ଗବେଷକ ଡ ସଦାନନ୍ଦ ଅଗ୍ରୱାଲଙ୍କ ପଞ୍ଚମ ଶ୍ରାଦ୍ଧ ବାର୍ଷିକୀ ଉପଲକ୍ଷେ  ସଦାନନ୍ଦ ଅଗ୍ରୱାଲ ସ୍ମୁତି କମିଟି ଏବଂ ମହର୍ଷି ବୁଦ୍ଧରାମ  ଡିଗ୍ରି ମହାବିଦ୍ୟାଳୟର ମିଳିତ ଆନୁକୂଲ୍ୟରେ ରକ୍ତ ଦାନ ଶିବିର ଓ କଲେଜ କମିଟି ସଭାପତି ବାଳଗୋପାଳ ପଣ୍ଡାଙ୍କ ସଭାପତିତ୍ୱରେ ସାରସ୍ୱତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଡ଼ଃ ସଦାନନ୍ଦ ଅଗ୍ରୱାଲଙ୍କ ଫୋଟ ଚିତ୍ରରେ ପୁଷ୍ପମାଲ୍ୟ ଅର୍ପଣ ପୁର୍ବକ  ଶ୍ରଦ୍ଧାଞ୍ଜଳି ଜ୍ଞାପନ କରାଯାଇ  କାର୍ଯ୍ୟକ୍ରମ ଆରମ୍ଭ କରାଯାଇଥିଲା ।  ମୁଖ୍ୟ ଅତିଥି ଭାବରେ  ସୁବର୍ଣ୍ଣପୁର ଅତିରିକ୍ତ ଜିଲ୍ଲାପାଳ ସୂର୍ଯ୍ୟ ନାରାୟଣ ଦାଶ , ମୁଖ୍ୟ ବକ୍ତା ଭାବରେ ଡ଼ ସୁଜିତ କୁମାର ପୃଷେଠ,  ଯୁବ ରେଡ଼କ୍ରସ   ବଲାଙ୍ଗୀର ଜିଲ୍ଲା ରେଡକ୍ରସ ସୋସାଇଟି ପୃଷ୍ଠପୋଷକ   ବିଷ୍ଣୁ ପ୍ରସାଦ କେଡ଼ିଆ,   ବଲାଙ୍ଗୀର ଉତ୍କଳ ପ୍ରାଦେଶିକ  ମାରୱାଡି ସମ୍ମେଳନର ସଭାପତି ମନୋଜ ଜୈନ, ମହର୍ଷି ବୁଦ୍ଧରାମ ଉଚ୍ଚ ମାଧ୍ୟମିକ ସ୍କୁଲର ଅଧ୍ୟକ୍ଷ ଅରୁଣ କୁମାର ପାଢୀ , ପାଇକ ବାହଲ ସରପଞ୍ଚ ଗଣନାଥ ସାହୁ , ମେଣ୍ଡା ସରପଂଚ ଲିଜାରାଣୀ ଦଣ୍ଡ ସେନା ,   ,ଅଧ୍ୟକ୍ଷ ସଚ୍ଚିଦାନନ୍ଦ ରଥ, ଅଧ୍ୟାପକ ମଧୁମଙ୍ଗଳ ଖମାରୀ, ବିକାଶ ସାହୁ, ଉମାକାନ୍ତ ନାଗ , ଅଧ୍ୟାପିକା ରୋଜି ମହାନା , ଧୀରେନ୍ଦ୍ର ଝାଂକର, ସଂଜୀବ ପଣ୍ଡା ଏବଂ କର୍ମକର୍ତ୍ତା ବୃନ୍ଦ ଯୋଗ ଦେଇଥିଲେ । ଉକ୍ତ କାର୍ଯ୍ୟକ୍ରମକୁ ଅଧ୍ୟାପକ ପ୍ରିୟବ୍ରତ ମହାକୁର ସଂଯୋଜନା କରିଥିଲେ । ସିଦ୍ଧାର୍ଥ  ଅଗ୍ରୱାଲ ଅତିଥି ପରିଚୟ ପ୍ରଦାନ କରିଥିଲେ । ଅଧ୍ୟାପକ ବିକାଶ ଝାଙ୍କର    ଧନ୍ୟବାଦ ଅର୍ପଣ କରିଥିଲେ ।      ବକ୍ତାଗଣ ସ୍ବର୍ଗତ ଡ଼ ସଦାନନ୍ଦ ଅଗ୍ରୱାଲଙ୍କ  ସ୍ମୃତି ଚାରଣ ପୂର୍ବକ ତାଙ୍କର ସାହିତ୍ୟ , ଇତିହାସ ,ମହିମା ଧର୍ମ ସମାଜସେବା ପ୍ରତି ଅବଦାନ ସମ୍ପର୍କରେ ସ୍ମୃତି ଚାରଣ କରିଥିଲେ । ତାଙ୍କର ଅବଦାନ ଅତୁଳନୀୟ ସହ ତାଙ୍କର କୄତି ଅନନ୍ଯ  ବୋଲି ଡ ପୄଷେଠମତ ପ୍ରକାଶ କରିଥିଲେ ।

 ରକ୍ତ ଦାନ ଶିବିରରେ ସର୍ବ ମୋଟ  ୩୩ ୟୁନିଟ ରକ୍ତ ସଂଗ୍ରହ କରାଯାଇଥିଲା । ସୋନପୁର ରକ୍ତ ଭଣ୍ଡାରର ଡ଼ ବୃନ୍ଦାବନ ମେହେର, ଟେକ୍ନିସିଆନ ଜଗତ ଦରୱାନ,  ସୁବାଷ ଚନ୍ଦ୍ର ପଣ୍ଡା, ଯୁଧିଷ୍ଠିର ନାଏକ ରକ୍ତ ସଂଗ୍ରହ କରିଥିଲେ ।