26-Jul-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) - ସଦର ଟାଉନ ଥାନା ପକ୍ଷରୁ ଆଜି ଏକ  ରକ୍ତ ଦାନ ସଚେତନତା ସାଇକଲ ଶୋଭାଯାତ୍ରା  ମା ସୁରେଶ୍ୱରୀଙ୍କ ମନ୍ଦିରରୁ ଆରମ୍ଭ କରାଯାଇ ସାରା ସହର ପରିକ୍ରମା କରାଯାଇଛି lପୋଲିସ ଓ ଜନସାଧାରଣଙ୍କ ଭିିତରେ ସୁସଂପର୍କ ପ୍ରତିଷ୍ଠା କରିବା ସହିତ ନିୟମ କାନୁନ ମାନି ଚଳିବା ଓ ସମାଜ ପ୍ରତି ନିଜର ଦାଇତ୍ୱ କର୍ତ୍ତବ୍ୟ କରିବା ଦିଗରେ ପୋଲିସ ଏ ପ୍ରକାର ସଚେତନତା କାର୍ଯ୍ୟକ୍ରମ ଆରମ୍ଭ କରିଛି l ଆସନ୍ତା କାଲି ସଦର ଟାଉନ ଥାନା ପକ୍ଷରୁ ଅନୁଷ୍ଠିତ ହେବାକୁ ଥିବା ମେଗା ରକ୍ତଦାନ ଶିବିର ରେ ସମସ୍ତ ଜନ ସାଧାରଣ ଓ ସ୍ବେଛାସେବୀ ସଂଗଠନ ରକ୍ତଦାନ କରିବାକୁ ପୋଲିସ ଜନସାଧାରଣଙ୍କୁ ଆହ୍ବାନ କରିଛି  l ପ୍ରାୟ 200 ରୁ ଅଧିକ ୟୁନିଟ ରକ୍ତ ସଂଗ୍ରହ କରିବା ଲକ୍ଷ୍ୟ ରଖା ଯାଇଛି l ସେହିପରି ସଡକ ସୁରକ୍ଷା ନିୟମ ପାଳନ କରିବା , ଟ୍ରାଫିକ ନିୟମ ମାନି ଚଳିବା, ପରିବେଶ ସୁରକ୍ଷା, ନିଶା ନିବାରଣ ତଥା ଧନଜୀବନର ସୁରକ୍ଷା ପାଇଁ ପୋଲିସକୁ ସହଯୋଗ କରିବା ଆଦି ସାମାଜିକ ବିଷୟ ବସ୍ତୁକୁ ନେଇ ଜନସାଧାରଣଙ୍କ ଭିତରେ ସଚେତନତା ସୃଷ୍ଟି କରାଯାଇଛି l ଶୋଭାଯାତ୍ରା ବେଳେ ବଡ଼ ବଜାର ଦୁର୍ଗା ମଣ୍ଡପ, ଅନ୍ତରମ  ମଣ୍ଡପ, ବ୍ୟବସାୟୀ ସଂଘ, ସୋନପୁର କଲେଜ 94 ବେଚ,  ଟି ପି ଡବ୍ଲୁ ଓ ଡି ଏଲ  ବିଦ୍ୟୁତ କର୍ମଚାରୀ

ସଂଘ ପ୍ରମୁଖ ବିଭିନ୍ନ ସଂଗଠନ ର କର୍ମକର୍ତା ଓ ସହର ର ଅନେକ ଯୁବକ ଙ୍କୁ ଭେଟି ରକ୍ତଦାନ ପାଇଁ ପୋଲିସ ପକ୍ଷରୁ ଅନୁରୋଧ ଓ ଆହ୍ୱାନ କରାଯାଇଛି l ସୋନପୁର  ଭାରପ୍ରାପ୍ତ ଥାନା ଅଧିକାରୀ କୃଷ୍ଣ ଚନ୍ଦ୍ର ମେହେର ଙ୍କ ନେତୃତ୍ବ ରେ ଓ ରକ୍ତ ଦାତା ସଂଘ କୋଡିନେଟର ମନୋଜ ପଣ୍ଡା, ସ୍ୱଚ୍ଛ ଭାରତ କୋଡିନେଟର ମନୋରଞ୍ଜନ ତ୍ରିପାଠୀଙ୍କ ସଂଯୋଜନାରେ ଆୟୋଜିତ ଆଜିର ଏହି ଶୋଭାଯାତ୍ରାରେ ସ୍ବଛ ଭାରତ ସଂଗଠନ, ସୋନପୁର କଲେଜ ଏନ ସି ସି ,ଇନଫିନିଟି କ୍ଲବ, ଡ୍ରଗିଷ୍ଟ ଏଣ୍ଡ କେମିଷ୍ଟ  ସଂଘ ଓ ପୋଲିସ କର୍ମଚାରୀ ମାନେ ସାମିଲ ହୋଇଥିଲେ l