23-Jul-2022

ବୀରମହାରାଜପୁର,(ବିନୋଦ ପାଣ୍ଡେ) : ରାଜ୍ୟର ଅଗ୍ରଣୀ ସାହିତ୍ୟ ଅନୁଷ୍ଠାନ ମାଟିଲଗ୍ନା ସାହିତ୍ୟ ସଂସଦର ମହିଳା ମଞ୍ଚ ପକ୍ଷରୁ ଆଜି ଅପରାହ୍ନରେ କନ୍ୟାରତ୍ନ ସୁରକ୍ଷା ଶୀର୍ଷକ ଉପରେ ଗୁଗୁଲ ମିଟ୍ ମାଧ୍ୟମରେ ଏକ ଅଭାଷି ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ସଂସଦର ସଭାପତି କିଶୋର ଚନ୍ଦ୍ର ପ୍ରଧାନଙ୍କ ସଭାପତିତ୍ବରେ ଅନୁଷ୍ଠିତ ଉକ୍ତ ଆଲୋଚନା ଚକ୍ରରେ ସ୍ଵାଗତ ଭାଷଣ ଦେବା ସହିତ ସଭା ପରିଚାଳନା କରିଥିଲେ ମାଟିଲଗ୍ନା ମହିଳା ମଞ୍ଚର ମୂଖ୍ୟ ପରିଚାଳିକା ଶୋଭଗିନି ନନ୍ଦ । ବରଗଡର ଅବସରପ୍ରାପ୍ତ ଶିକ୍ଷୟତ୍ରୀ ତଥା ବରିଷ୍ଠ କବୟିତ୍ରୀ ନୁରାବତୀ ସାହୁ ଉକ୍ତ ଆଲୋଚନାରେ ମୂଖ୍ୟ ଆଲୋଚିକା ଭାବରେ ଯୋଗଦେଇ ପୁତ୍ର ସନ୍ତାନ ତୁଳନାରେ କନ୍ୟା ସନ୍ତାନ କ୍ରମଶଃ ହ୍ରାସ ପାଉଥିବାରୁ କ୍ଷୋଭ ପ୍ରକାଶ କରିଥିଲେ । କବୟିତ୍ରୀ ସରସ୍ଵତୀ ବାରିକ (ଭଦ୍ରକ), ଅବସର ପ୍ରାପ୍ତ ଶିକ୍ଷୟତ୍ରୀ ଜ୍ୟୋତି ପ୍ରଭା ପଟ୍ଟନାୟକ (ଖୋର୍ଦ୍ଧା), ସଧାରଣ ସମ୍ପାଦକ ଶୁଭ୍ରାଂଶୁ ଶେଖର ପାଢ଼ୀ (ସୁବର୍ଣ୍ଣପୁର), ତପସ୍ଵିନୀ ଦାସ ଏବଂ ସୋଭାଗିନୀ ନନ୍ଦ (କୋରାପୁଟ) ପ୍ରମୁଖ ଆଲୋଚନାରେ ଅଂଶଗ୍ରହଣ କରି କନ୍ୟାରତ୍ନ ସୁରକ୍ଷା ସମ୍ପର୍କରେ ନିଜର ମତାମତ ଉପସ୍ଥାପନା କରିଥିଲେ । ସଭାପତି ଶ୍ରୀଯୁକ୍ତ କିଶୋର ଚନ୍ଦ୍ର ପ୍ରଧାନ କନ୍ୟାରତ୍ନ ସୁରକ୍ଷା ସମ୍ପର୍କରେ ମାଟିଲଗ୍ନା ସାହିତ୍ୟ ସଂସଦର ଆଗାମୀ କାର୍ଯ୍ୟକ୍ରମ ସମ୍ପର୍କରେ ସୂଚନା ପ୍ରଦାନ କରିଥିଲେ । ଆଗାମୀ ଅଗଷ୍ଟ ୫ ତାରିଖରେ ବରଗଡର ହେବାକୁ ଥିବା  ମାଟିଲଗ୍ନା ସାହିତ୍ୟ ସଂସଦର ଦ୍ଵିତୀୟ ସ୍ଵନକ୍ଷତ୍ର ଦିବସଠାରୁ ସମଗ୍ର ଓଡ଼ିଶାରେ ମହିଳା ମହବିଦ୍ୟାଳୟ ଓ ବାଳିକା ବିଦ୍ୟାଳୟ ମାନଙ୍କରେ କନ୍ୟରତ୍ନ ସୁରକ୍ଷା ଉପରେ କାର୍ଯ୍ୟକ୍ରମ ମାନ ଆୟୋଜନ କରିବାକୁ ଘୋଷଣା କରିଥିଲେ ଏବଂ ଏଥିପାଇଁ ସମସ୍ତଙ୍କ ସହଯୋଗ କାମନା କରିଥିଲେ ।

           ଆଲୋଚନାଚକ୍ର ପରେ ହୋଇଥିବା କବିତା ଆସରରେ କଳାହାଣ୍ଡି ଜିଲ୍ଲାର ଦୁଇ ଅନୁଭବୀ ସଂଯୋଜିକା ପ୍ରିୟଦର୍ଶିନୀ ମିଶ୍ର ଏବଂ ନଳିନୀ ପ୍ରଭା ଦାସ ସଂଯୋଜନା କରିଥିବା ବେଳେ ବାସନ୍ତୀ ଗୁରୁ, ବିଜୟଶ୍ରୀ ନାଥ, ହିରାବତୀ ସାହୁ, ଜନରଞ୍ଜନ ପ୍ରଧାନ, ଲୀଳାବତୀ ବେହେରା, ମୋନାଲିସା ନନ୍ଦ, ନାହିଦା ସାହିନ୍, ପ୍ରମିଳା ପା