22-Jul-2022

ବଲାଙ୍ଗିର (ପ୍ରେରଣା ଖବର) ବଲାଙ୍ଗିର ଲୋକ ସଂସଦ ତରଫରୁ ଆଜି ଅନ ଲାଇନ ମାଧ୍ୟମରେ ଡ. ଲକ୍ଷ୍ମଣ ମେହେରଙ୍କ ସଭାପତିତ୍ବରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇ ଯାଇଛି l ବିଷୟ ଥିଲା ସେବା ଓ ତ୍ୟାଗର ମୂର୍ତ୍ତିମନ୍ତ ପ୍ରତୀକ ଉତ୍କଳମଣି ଗୋପବନ୍ଧୁ ଦାସ l ସାହାଜ ବାହାଲ ଜଗନ୍ନାଥ ମହାବିଦ୍ୟାଳୟ ଅର୍ଥନୀତି ବିଭାଗର ଅଧ୍ୟାପକ କବିରାଜ ଭୋଇ ଆଜ୍ଞା ମୁଖ୍ୟ ବକ୍ତା ଭାବେ ଯୋଗ ଦେଇ ପ୍ରତିକୂଳ ପରିସ୍ଥିତିରେ ଗୋପବନ୍ଧୁଙ୍କ ନିଷ୍ଠା ସମ୍ପର୍କରେ ମତ ରଖିଥିଲେ l ଯନ୍ତ୍ରଣା ସତ୍ତ୍ୱେ ଆଦର୍ଶରୁ ସେ କେବେ ବିଚ୍ୟୁତ ହୋଇ ନ ଥିଲେ l କାର୍ଯ୍ୟକ୍ରମଟି ସୁଶ୍ରୀ ଜାଗୃତି ଗଡ଼ତ୍ୟାଙ୍କ ସଂଯୋଜନାରେ ଆକର୍ଷଣୀୟ ହୋଇ ଉଠିଥିଲା l ଚିନ୍ତାମଣି ଦାସ ମନ୍ତ୍ର ପାଠ କରିଥିବା ବେଳେ ଚିନ୍ମୟୀ ମୁଦୁଲି ବିବେକ ବାଣୀ ପଠନ କରିଥିଲେ l ଓଡିଶାର ବିଭିନ୍ନ କୋଣ ଅନୁକୋଣରୁ ଯୋଗ ଦେଇଥିବା ସମସ୍ତ ଜ୍ଞାନୀ ବ୍ୟକ୍ତି ଏବଂ କାର୍ଯ୍ୟକ୍ରମରେ ଭାଗ ନେଇଥିବା ପ୍ରତିଭାମାନଙ୍କୁ ରୋଜି ସାହୁ କୃତଜ୍ଞତା ସହିତ ଧନ୍ୟବାଦ ଜଣେଇ ଥିଲେ l ସମସ୍ତଙ୍କ ସହଚାର୍ଯ୍ୟରେ ଆଲୋଚନା ଚକ୍ରଟି ସଫଳ ହୋଇଥିଲା l