18-Jul-2022

କର୍ଲାମୁଣ୍ଡା:(ପ୍ରଦିପ କୁମାର ସାହୁ)କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ପରିସର ରାଜୀବଗାନ୍ଧି ସେବା ଭବନ ଠାରେ ଜିଲ୍ଲାପାଳ କଳାହାଣ୍ଡି  ପି  ଅନ୍ୱେଷା  ରେଡ୍ଡୀ ତଥା ଆରକ୍ଷୀ ଅଧିକ୍ଷକ ଅଭିଳାଷ  ଜି  ଙ୍କ ଯୁଗ୍ମ ଅଧକ୍ଷତାରେ ଏକ ଜନ ଶୁଣାଣି ଶିବିର ସୋମବାର ଅନୁଷ୍ଠିତ ହୋଇଯାଇଛି। ଏଥିରେ ଭବାନୀପାଟଣା ଉପଜିଲ୍ଲାପାଳ ବିଶ୍ୱଜିତ ଦାଶ୍,ଉଦ୍ୟାନ ବିଭାଗ ଉପ ନିର୍ଦେଶକ କିଶୋର ମହାଲିଙ୍ଗ,ଜିଲ୍ଲା ମୁଖ୍ୟ କୃଷି ଅଧିକାରୀ ପ୍ରଦୀପ୍ତ କୁମାର ସାହୁ, ଜିଲ୍ଲା ଶ୍ରମ ଅଧିକାରୀ ସୁବାଷ ମଣ୍ଡଳ, ଙ୍କ ସମେତ ସମସ୍ତ ଜିଲ୍ଲା ସ୍ତରୀୟ ସମସ୍ତ ବିଭାଗ ର  ଅଧିକାରୀ ଓ  କର୍ଲାମୁଣ୍ଡା ବିଡ଼ିଓ ପ୍ରିୟ ଦର୍ଶନୀ ମିର୍ଧା, ତହସିଲଦାର ବାସନ୍ତୀ ସେଠୀ,ବ୍ଲକ ଅଧ୍ୟକ୍ଷା କୁନି ସାହୁ,ଜିଲ୍ଲା ପରିଷଦ ସଭ୍ୟ ସୁରେଶ ଚୌଧୁରୀ ଓ ଅନ୍ୟାନ୍ୟ ବିଭାଗ ର ବ୍ଲକ ସ୍ତରୀୟ ଅଧିକାରୀ ମାନେ   ଉପସ୍ଥିତ ଥିଲେ।

ଏହି ଜନ ଶୁଣାଣି ଶିବିରରେ ମୋଟ୍ ୨୨୭ ଜଣ ଆବେଦନକାରୀ ନିଜ ନିଜର ଅଭିଯୋଗ ପତ୍ର ଦାଖଲ କରିଥିଲେ। ତେବେ ଏଥିରେ ଆବାସ ଯୋଜନା, ସାମାଜିକ ସୁରକ୍ଷା ଯୋଜନା, ରାସନ କାର୍ଡ ସମ୍ପକିତ ଅଭିଯୋଗ ଅଧିକ ରହିଥିବା ବେଳେ କୁସୁରଲା  ମନ୍ଦିର ଛକ ଠାରୁ ସିଲେଟପଡା ଦେଇ ରେଗଡା ଆରଡି ରାସ୍ତା ର୍ନିର୍ମାଣ, ତଥା ଗଜବାହଲ, ରିଷିଡା,ପୌରକେଲା ପଂଚାୟତ ପାଇଁ ମେଘା ଜଳସେଚନ ପ୍ରକଳ୍ପ ର ବ୍ୟବସ୍ଥା ପ୍ରଭୁତି ପାଇଁ ସରପଞ୍ଚ ମାନେ ଲିଖିତ ଭାବେ ଜଣେଇଥିଲେ।