15-Jul-2022

ଲୋଇସିଂହା/ଆଗଲପୁର (ବିନୋଦ କୁମାର ଦୀପ) କୃଷିଭିତ୍ତିକ ପୋଖରି ନିର୍ମାଣରେ ମହାଦୁର୍ନୀତି ଓ ଜମି ଜାଲିଆତି ଅଭିଯୋଗ l ଏମିତି ଏକ ଅଭିଯୋଗ ଆସିଛି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ଭରସୁଜା ପଞ୍ଚାୟତର ଜମା ପାଲି ଗ୍ରାମରେ l ଜଣକର ଜମି ଉପରେ ଆଉ ଜଣେ କୃଷି ଭିତ୍ତିକ ପୋଖରି ଖୋଲିଥିବା ଅଭିଯୋଗ ଆସିଛି l ଗ୍ରାମର ରୂପାନନ୍ଦ ସାହୁ ମନରେଗା ଯୋଜନାରେ ଏକ କୃଷି ଭିତ୍ତିକ ପୋଖରି

ନିର୍ମାଣ କରିଛନ୍ତି l ଗ୍ରାମର ସୁରଜିତ ସାହୁ ଜମି ମୋର ଆଉ ସେ ମୋ ଜମିରେ ପୋଖରି ଖନନ କରିଛନ୍ତି ବୋଲି ସଂଘାତିକ ଅଭିଯୋଗ ଆଣିଛନ୍ତି l ମୋତେ ନ ଜଣାଇ ମୋ ଜମିରେ କାହିକି କୃଷି ଭିତ୍ତିକ ପୋଖରି ନିର୍ମାଣ କଲେ ବୋଲି ସେ ଜିଲ୍ଲାପାଳ, ପିଡ଼ି ଡିଆରଡିଏ, ଆଗଲପୁର ଫାଣ୍ଡିରେ, ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟରେ ଲିଖିତ ଆକାରରେ ଅଭିଯୋଗ କରିଛନ୍ତି l ହେଲେ କୌଣସି ପ୍ରକାରର ତଦନ୍ତ ହେଉନାହିଁ ବୋଲି ସେ କହିଛନ୍ତି, ତଦନ୍ତ ନ ହେବା ପର୍ଯ୍ୟନ୍ତ ବିଲ ନ କରିବାକୁ ସେ ନିବେଦନ କରିଛନ୍ତି l ଉପଯୁକ୍ତ ନ୍ୟାୟ ଓ କ୍ଷତିପୂରଣ ଦେବା ପାଇଁ ସରକାରଙ୍କୁ ଅନୁରୋଧ କରିଛନ୍ତି l