14-Jul-2022

ସୁବର୍ଣ୍ଣପୁର ଜିଲ୍ଲାର ଅଗ୍ରଣୀ ସାଂସ୍କୃତିକ ଅନୁଷ୍ଠାନ ପଏଁରୀ ପକ୍ଷରୁ ପବିତ୍ର ଗୁରୁ ପୂର୍ଣ୍ଣମା ଅବସରରେ  ଏକ ସାରସ୍ୱତ ରିତିରିବାଜ ର ଉତ୍ସବ “ତସ୍ମୈଶ୍ରୀ” କାର୍ଯ୍ୟକ୍ରମ  ପଏଁରୀ ଅନୁଷ୍ଠାନରେ ଅନୁଷ୍ଠିତ ହୋଇଯାଇଛି । ସଭାପତି ଲଡୁକିଶୋର ମଲ୍ଲିକଙ୍କ ଅଧ୍ୟକ୍ଷତାରେ ଏବଂ ସଂପାଦକ ଚୌଧୁରୀ ବିଭାରଙ୍କ  ସଂଯୋଜନାରେ ଜିଲ୍ଲାର କଳା, ନାଟକ, ସଂଗୀତ, ନୃତ୍ୟ ଓ ସଂସ୍କୃତିକୁ ନିଜର ନିଶା ଭାବରେ ଆପଣେଇ ନେଇଥିବା ବରିଷ୍ଠ ଓ ପ୍ରବୀଣ କଳାକାର ମାନଙ୍କୁ ଅନୁଷ୍ଠାନ ତରଫରୁ ପୂଜ୍ୟପୂଜା କରାଯାଇଥିଲା । କଳା କ୍ଷେତ୍ରରେ ଗୁରୁଶ୍ରୀ ଗଣେଶରାମ ମିଶ୍ର,  ଗୁରୁଶ୍ରୀ ଜଗନ୍ନାଥ ପାତ୍ର, ନାଟକ କ୍ଷେତ୍ରରେ ଗୁରୁଶ୍ରୀ ଗଦାଧର ବାରିକ.  ସୁବର୍ଣ୍ଣପୁର ଙ୍କୁ ସଂଗୀତ କ୍ଷେତ୍ରରେ ଗୁରୁଶ୍ରୀ ଗୋକୁଳ ମାଝି, ବାସୁଦେବପୁର, ନୃତ୍ୟ କ୍ଷେତ୍ରରେ ଗୁରୁଶ୍ରୀ ଭୁଷଣ ଦେହୁରୀ ମେଣ୍ଡାମାଳ ଙ୍କୁ  “ତସ୍ମୈଶ୍ରୀ ସମ୍ମାନ” ରେ ସମ୍ମାନୀତ କରାଯାଇଥିଲା । ପ୍ରଥମେ କୋଷାଧକ୍ଷ ସୁଶାନ୍ତ ସାହୁ ସ୍ୱାଗତ କରିବା ସହିତ କଣ୍ଠଶିଳ୍ପୀ ହରିଓଁ କୁଶଳ ଆବାହନୀ ସଂଗୀତ ପରିବେଷଣ କରିଥିଲେ । ଅନୁଷ୍ଠାନର ଉପଦେଷ୍ଟା ଶ୍ରୀବତ୍ସ ମଲ୍ଲିକ  ଶ୍ରୀ ଅଭିମନ୍ୟୁ କୁଶଳ ଓ ଶ୍ରୀ ବ୍ରଜମୋହନ ଦାନୀ ସମ୍ମାନୀତ ଅତିଥି ଭାବରେ ଉପସ୍ଥିତ ରହି ଏହା  ଐତିହାସିକ  ଗୁରୁଶିଷ୍ୟ ପମ୍ପପରା କୁ ବଞ୍ଚାଇ ରଖିବାର ଭଲ ଉଦ୍ୟମ ବୋଲି ମତ ରଖି ଏଭଳି ଉଚ୍ଚ କୋଟିର କାର୍ଯ୍ୟକ୍ରମ କୁ ବଜାୟ ରଖିଲେ ଗୁରୁ ମାନଙ୍କ ଆଶୀର୍ବାଦ ରେ ଅନୁଷ୍ଠାନ ର ଉତ୍ତରୋତ୍ତର ଉନ୍ନତି ସାଧନ ହୋଇ ପାରିବ ବୋଲି  ମତ ବ୍ୟକ୍ତ କରିଥିଲେ । ସ୍ତମ୍ବକାର ଓ ସମ୍ବାଦ ପାଠକ ଶ୍ରୀ ଘାସିରାମ ପଣ୍ଡା ସମ୍ମାନୀତ ବକ୍ତା ଭାବରେ ଯୋଗଦାନ କରି ଗୁରୁ ଶିଷ୍ୟର ଅନାବିଳ ସଂର୍ପକ କିପରି ରହିବା କଥା ସେ ବିଷୟରେ ଆଲୋଚନା କରିଥିଲେ । କାର୍ଯ୍ୟକ୍ରମର ଶେଷରେ ସହ- ସଂପାଦକ ପୃଥିରାଜ ବାଗ ଧନ୍ୟବାଦ ଅର୍ପଣ କରିଥିଲେ । ଅନୁଷ୍ଠାନର ସଦସ୍ୟ ଗୋପାଳ ମେହେର, ପ୍ରଫୁଲ୍ଲ ନାଏକ, ସନ୍ତୋଷ ପାଢୀ, ଅମିତ ସାହୁ, ଗୌରୀଶଂକର ରଥ ପ୍ରମୁଖ ସହଯୋଗ କରିଥିଲେ ।  ଆୟୋଜିତ କାର୍ଯ୍ୟକ୍ରମରେ ସୁବର୍ଣ୍ଣପୁର ଜିଲ୍ଲାର ବିଭିନ୍ନ ବ୍ଲକରୁ ଶତାଧିକ ଲୋକ କଳାକାର ଅଂଶଗ୍ରହଣ କରିଲେ । କଳାକାର ମାଧବ ଭୋଇ, ଅରୁଣ ମେହେର, ଶୁକ୍ରୁ ବେହେରା, ଭଜନ କୁମ୍ଭାର  ପ୍ରମୁଖ ଗୀତ ଓ ନାଚ ପରିବେଷଣ କରିଥିଲେ ।